Ai 25:8 - The Holy Bible In Alur (Lur) Revised Orthography

⁸ Man wek gitim ira kamaleng’, kara abed i kindgi.

Ai 25:8 ပူးပေါင်းရင်းမြစ်များ

1 Ubimo 6:13

Man abibedo i kind nyithindho mir Israel, man abikuno dhanu para ma Israel ungo.

I Lemkei 22:19

Kawono wuketh adundewu man cwiny wu uyeny Yehova Mungu mu; ka kumeno wuai, man wugom kamaleng’ pa Yehova Mungu, kara wukel sanduk mi lembariba pa Yehova, man agulu ma leng’ pa Mungu, i ot ma jubigomo ni nying’ Yehova.

Ai 15:17

Ibiroyogi, man ibipidhogi wi got mir aba peri, Ka m’itimo iri kara ibed i ie, E Yehova, Kamaleng’, E Rwoth, ma cingi ketho.

Ai 15:2

Yehova en e tego para ku wer para, Man edoko ni both para: Maeni Mungu para, man abipake; En e Mungu pa vwa, man abiyunge.

Ai 29:45

Man abibedo i kind nyithindho mir Israel, man abibedo Mungu migi.

Ai 29:46

E gibing’eyo nia an a Yehova Mungu migi, m’uwodhogi woko kud i ng’om Misiri, kara abed i kindgi: an a Yehova Mungu migi.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Ezekiel 37:26

Mange ke abitimo lembariba mi kwiocwiny kugi: ebibedo lembariba mi nja kugi; man abikethogi, abimedogi de, man abiketho kamaleng’ para i kindgi mi nja.

Ezekiel 37:28

E thek bing’eyo nia an a Yehova m’udwoko Israel leng’, kinde ma kamaleng’ para bibedo i kindgi mi nja.

Ezekiel 43:7

Man ewacu ira kumae. Wod dhanu, maeni ka mi komker para, man ka die tienda, ka in’abibedo ie i kind nyithindho mir Israel mi nja. Man ot mir Israel bicido nyinga ma leng’ kendo ngo, kadok gin, kadi ju m’ubimo migi, kud asara migi, man kud avu ju m’ubimo migi i ka ma malu migi;

Lembe Mi Julawi 10:4

E Musa lwong’o Micael ku Elzafan, ma wot Uziel ma neru Harun, man ewacu igi kumae, Wucor ceng’ni, wuter utumegwu woko ng’ei kagonjo kud i wang’ kamaleng’.

Lembe Mi Julawi 21:12

kadi kud ewok woko kud i kamaleng’, kadi kud ecid kamaleng’ pa Mungu pare; kum jambthier mi mo m’awira pa Mungu pare ni i wie: an a Yehova.

Lembe Mi Julawi 26:11

E abiketho hema para i kindwu: man ng’eyong’ec para bidaguwu ngo.

Lembe Mi Julawi 4:6

man jalam biroyo lwete i rimo, man ebikiro kum rimone wang’ abiro i wang’ Yehova, i wang’ kusikabongu mi kamaleng’.

Zekaria 2:10

Wer man anyong’a negi, E nya Sayuni; kum, nen, abino, man abibedo i kindi, Yehova wacu.

Zekaria 8:3

Yehova wacu kumae: Adwogo Sayuni, man abibedo i kind Yerusalem: e jubilwong’o Yerusalem Adhura mi lemandha; man got pa Yehova mir udul kumae, Got ma leng’.

Kitabu Mir Ang’wende Pa Musa Wel 5:3

wubiwodho co ku mon de woko, wubikethogi ng’ei kagonjo; kara ku gicid kagonjo migi, m’abedo i kinde.

Tic Mi Jukwenda 7:44

Kwaruwa gibedo ku hema mi lembatuca i yamba, cil calu eng’olo m’ewacu ni Musa, ya etime calu ayi m’eneno.

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

Poi Mi Cik 12:11

ebilund timbre nia i ka ma Yehova Mungu mu bigoyo wie, kara eketh nyinge bed keca, e wuter gin ceke m’ang’olo iwu keca: lam m’awang’a mu, ku lam mu, man apaje mu, ku lam m’ating’a mi cingwu, ku lembang’ola mu ceke ma ber m’usagu ma wung’olo ni Yehova.

Juebrania 3:6

ento Kristu re calu wod, wi ot pa Mungu; ma ode en e wan nini, tek wamaku tegocwiny mwa ki man kulula mi genogen mwa ku tego cil i kajikne.

Yocuwa 22:31

Man Finehaz ma wod Eleazar ma jalam uwacu ni nyithindho pa Ruben, ku nyithindho pa Gad, man ni nyithindho pa Manase kumae, Tin wang’eyo nia Yehova ni i kindwa, kum wukier ungo i gin maeni ni Yehova: kawono wubodho nyithindho mir Israel kud i cing’ Yehova.

Lembanyutha 21:3

Man awinjo dwal ma dit uai i komker uwacu kumae, Nen, hema pa Mungu ni karacelo ku dhanu, man ebibedo kugi, man gibibedo dhanu pare man Mungu ku kite bibedo karacelo kugi, ni Mungu migi: