Ai 24:4 - The Holy Bible In Alur (Lur) Revised Orthography

⁴ Man Musa goro lembe ceke pa Yehova, man eai pir kugweno, man eguro pemblam the got, ku mbegi apar wi ario, calku suru mir Israel apar wi ario.

Ai 24:4 ပူးပေါင်းရင်းမြစ်များ

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 28:18

E Yakobo ai pir kugweno, e eting’o kidi m’eketho the wie, man eketho ecungo ni mbegi, man ekonjo mo i wie.

Thangambere 28:22

e kidi maeni m’aketho malu ni mbegi, bilund bedo ot pa Mungu: man kind gin ceke m’ibimio ira abimio apaje iri andha.

Thangambere 31:45

E Yakobo ting’o kidi, man epidhe ni mbegi.

1 Ubimo 11:30

Man Ahija maku kendi ma nyen ma ni i kume, man eyece thek apar wi ario.

1 Ubimo 18:31

Man Elia gamu kidi apar wi ario, calku wel suru mi wot Yakobo, ma lembe pa Yehova bino i bang’e, uwacu kumae, Nyingi bibedo Israel.

Ezra 6:17

Man i thier mi ot maeni pa Mungu gimio thwoni dhiang’ dak acel, ku nyogi rombe dak ario, man nyithi rombe dak ang’wen; man gimio nyogi diegi apar wi ario, ni lam mi dubo mir Israel ceke, calku wel suru mir Israel.

Nehemia 10:1

Nie ju ma gimwono ayi gi eni: Nehemia ma jabim, ma wod Hakalia, man Zedekia,

Ai 17:14

E Yehova wacu ni Musa kumae, Gor maeni ni poi i kitabu, man yere i ith Yocuwa: nia abikabu poi ma kum Amalek woko ku the polo.

Ai 17:15

Man Musa guro pemblam, man elwong’o nyinge Yehova-nisi (abera para),

Ai 21:1

Nie maeni lembapoka m’ibiketho i wang’gi.

Ai 24:7

Man egamu kitabu mi lembariba, man esome i vut dhanu: e giwacu kumae, Wabitimo gin ceke ma Yehova wacu, man wabibedo wor.

Ai 28:21

Man kidine bibedo calku nying’ nyithindho mir Israel, apar wi ario, calku nying’gi; gibibedo mi sura apar wi ario, calku ng’ik mir ayi, kubang’e kubang’e calku nyinge.

Ai 34:27

E Yehova wacu ni Musa kumae, Gor lembe maeni: kum atimo lembariba kudi man kud Israel calku lembe maeni.

Isaya 19:19

I ceng’ maeca pemblam bibedo nuti ni Yehova i die ng’om mi Misiri, man mbegi i kieune ni Yehova.

Lembe Mi Julawi 24:5

Man ibigamu mogo ma yom, e ibitedo kudo kwen m’ang’ina apar wi ario: ng’et apaje ario ma i katoko bibedo i kwen m’ang’ina acel.

Kitabu Mir Ang’wende Pa Musa Wel 17:2

Yer, ni nyithindho mir Israel, man igam dul i bang’gi, acel mi udi pa wego kubang’gi kubang’gi, mi judongomawijo migi ceke calku udi pa weggi, dul apar wi ario: gor nying’gi ceke kubang’gi kubang’gi wi dul migi.

Luka 22:30

kara wucam wumadh de dhu mesa para i ker para; man wubijany wi komker ku poko lembe wi suru apar wi ario mir Israel.

Jugalatia 2:9

e ka ging’eyo bero m’umire ira, Yakobo giku Kefa man Yohana, ju ma pigi yik nia gi mbegi, gimio cing’gi ma yor acwic mi ribri iwa waku Barnaba, ya waci ba Thekdhanumange, gin ke gici migi ba weg yaa;

Poi Mi Cik 31:9

E Musa kiewo cik maeni, man emie ni julam ma wot Lawi, m’uyeyo sanduk mi lembariba pa Yehova, man ni judongo ceke mir Israel.

Yocuwa 4:20

E kidi apar wi ario maeno, ma giting’o kud i Yordan, Yocuwa rodo i Gilgal.

Yocuwa 4:5

e Yocuwa wacu igi kumae, Wukadh i wang’ sanduk pa Yehova Mungu mu i die Yordan, man wuting’ kidi ku ba dhanu ng’atuman kidi acel wi goke, calku wel mi suru mi nyithindho mir Israel;

Lembanyutha 21:14

Man the gang’ mir adhurane apar wi ario, man i wigi nying’ apar wi ario mi jukwenda apar wi ario pa Nyathi Rombo.