Ai 24:17 - The Holy Bible In Alur (Lur) Revised Orthography

¹⁷ Man nen mi dwong’ pa Yehova en e calu mac m’ubewang’ wi got i wang’ nyithindho mir Israel.

Ai 24:17 ပူးပေါင်းရင်းမြစ်များ

2 Samwil 22:13

I der m’i wang’e Cukmac uopo.

2 Samwil 22:9

Yiro thwogre kud i ume, Man mac ucamu kud i dhoge: Cukmac uopo kude.

Ai 19:11

man gibed ayika mi ceng’ mir adege; kum i ceng’ mir adege Yehova biloro piny i wang’ dhanu ceke wi got Sinai.

Ai 19:18

Man got Sinai winyo yiro, kubang’e ceke, kum Yehova loro i wie i mac; man yirone cikre malu calu yiro mi liek, man got dho miel dit.

Ai 3:2

Man malaika pa Yehova wok i bang’e kud i lebmac ma ni i kind yen m’udinyo: man eneno, man, nen, yen m’udinyo wang’ ku mac, man yen m’udinyo rungre ngo.

Ezekiel 1:27

Man aneno gin ma calu umbu m’urieny, calu nen mi mac yor i ie gbur, ugambre kum nen mi piere man ku malu; man ugambre kum nen mi piere man yo piny aneno calu nen mi mac, man rieny ni i kume gbur.

Ezekiel 1:28

Calu nen mi danyu ma ni i afuru i ceng’ mi koth, e nen mi rieny ma gbur ubedo kumeca. Maeni en e nen mir ayi mi dwong’ pa Yehova. Man kinde m’aneno maeni, apodho arieba wang’a, man awinjo dwand ng’atu m’uyero.

Nahum 1:6

Ng’a ma copo cungo nyim ng’ecwiny pare? ng’a ma copo bedo i lak ng’ecwiny pare? kwinyo pare konjre woko pami mac, man cana ng’eny kude.

Poi Mi Cik 4:24

Kum Yehova Mungu peri en e mac ma wang’, Mungu ma won nyeko.

Poi Mi Cik 4:36

Eketho iwinjo dwande kud i polo, kara eponji: man i ng’om eketho ineno mac pare ma dit; man iwinjo lembe pare kud i die mac.

Poi Mi Cik 9:3

Ka kumeno ng’ei tinimi, nia Yehova Mungu peri en e ng’atu m’ukadhu i weng’wu calu mac m’uwang’; ebinyothogi, man ebidiogi piny i weng’i: kum kumeno ibiriemogi woko, man ibiketho ginyothri pio, calu Yehova yero iri.

Juebrania 12:18

Kum wubino ngo ba got ma jucopo mulo, man m’uwang’ ku mac, man ni piny ma col bii, ku mudho, man wavuvu,

Juebrania 12:29

kum Mungu mwa en e mac ma wang’u vi.