Ai 24:14 - The Holy Bible In Alur (Lur) Revised Orthography

¹⁴ Man ewacu ni judongo kumae, Wukurwa keni, maram wabidwogo ko kendo i beng’wu: man, nen, Harun giku Hur gini karacelo kudu; ng’atu ma tek ubedo ku lembe, wek ecor i bang’gi.

Ai 24:14 ပူးပေါင်းရင်းမြစ်များ

Thangambere 22:5

Man Ibrahim uwacu ni awobi pare kumae, Wubed keni ku kana, man waku nyathin wabicidho kuca; e wabirwo, man wabibino kendo i beng’wu.

Ai 17:10

Kum kumeno Yocuwa timo calu Musa wacu ire, man ekiedo kud Amalek: man Musa ku Harun man Hur giidho malu wi ungulu got.

Ai 17:12

Ento cing’ Musa pek; e gigamu kidi, man gikethe i there, e ebedo i wie; man Harun giku Hur giting’o cinge malu, ng’atu acel yo kurucel, man ng’atu acel yo kurucel; e cinge bedo tek maram ceng’ umwony ko.

Ai 18:16

kinde ma gibedo ku lembe gibino i bang’a; man apoko lembe i kind dhanu ku jadhugola pare, man aketho ging’ei lembang’ola pa Mungu, ku cik pare.

Ai 32:1

E kinde ma dhanu neno nia Musa galu ku loro piny ku wi got, dhanu gicokri gigi karacelo ba Harun, man giwacu ire kumae, Ai, tim iwa mungu, ma bitelo wiwa; kum pi Musa maeni, ma ng’atu m’uwodhowa kud i ng’om Misiri, wang’eyo gin m’uwok i kume ngo.

1 Samwil 10:8

Man ibiloro piny i wang’a ba Gilgal; man, nen, abiloro piny i beng’i, kara athier lam m’awang’a, man kara alam lam mi girathiera mi kwiocwiny: ceng’ abiro ibidong’, maram abino ko i beng’i, man anyuth iri gin m’ibitimo.