Ai 24:12 - The Holy Bible In Alur (Lur) Revised Orthography

¹² Man Yehova wacu ni Musa kumae, Idh malu i bang’a wi got, man ibed keca: man abimio iri bankidi, ku cik man lembang’ola, m’a goro, kara iponjgi.

Ai 24:12 ပူးပေါင်းရင်းမြစ်များ

1 Ubimo 19:11

Man ewacu kumae, Cidhi, icung wi got de i wang’ Yehova. Man, nen, Yehova kadhu, man yamu ma dit ma tek de ung’enyo gudi, e eng’enyo cana nziki nziki i wang’ Yehova; ento Yehova ni i yamune ngo: man yo ng’ei yamu digidi; ento Yehova ni i digidine ngo;

Ezra 7:10

Kum Ezra ketho adundene mi yenyo cik pa Yehova, kara etime, eponj cik ku lembapoka de i Israel.

Nehemia 9:13

Iloro piny bende wi got Sinai, man iweco kugi kud i polo, e imio igi lembapoka ma pwe man cik mandha, ku ng’ol ma ber man lembang’ola,

Nehemia 9:14

man iketho ging’eyo sabatu peri ma leng’, man ing’i olo igi lembang’ola, ku ng’ol, man cik, ku cing’ Musa ma jatic peri,

Zaburi 19:12

Ng’a ma copo ng’eyo kier pare? Dwoka leng’ ni gin m’ubedo amung’a.

Ai 19:3

E Musa idho malu ba Mungu, man Yehova lwong’e ku wi got, ewacu kumae, Wac kumae ni ot pa Yakobo, man yer ni nyithindho mir Israel kumae:

Ai 24:15

E Musa idho malu wi got, man afuru umo got.

Ai 24:18

E Musa mondo kind afuru, man eidho malu wi got: man Musa bedo wi got ceng’ pier ang’wen ku diewor pier ang’wen.

Ai 24:2

man Musa kende e ma bicoro ceng’ni Yehova; ento gibibino ceng’ni ngo; kadok dhanu de gibiidho malu karacelo kude ngo.

Ai 31:18

Man emio ban ario mi lembatuca ni Musa, ban mi kidi, m’ubedo agora ku lwet Mungu, kinde m’edaru weco kude wi got Sinai.

Ai 32:1

E kinde ma dhanu neno nia Musa galu ku loro piny ku wi got, dhanu gicokri gigi karacelo ba Harun, man giwacu ire kumae, Ai, tim iwa mungu, ma bitelo wiwa; kum pi Musa maeni, ma ng’atu m’uwodhowa kud i ng’om Misiri, wang’eyo gin m’uwok i kume ngo.

Ai 34:1

E Yehova wacu ni Musa kumae, Pai bankidi ario calu ma kwong’a: man abigoro lembe m’ukoubedo wi bankidi ma kwong’a, m’ituro.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Matayo 5:19

Ka kumeno ng’atu ma tek bikadhu ku wi cik acel ma nyathigi maeni, ebiponjo dhanu de kumeca, jubilwong’e nyathigi i ker m’i polo: ento ng’atu ma tek bitimo man ebiponjogi de, jubilwong’e dwong’ i ker m’i polo.

2 Jukorinto 3:3

ma juketho enyuthre ya wun wu waraga pa Kristu, ni kum tim ma watimo, ma jukugoro ku vino ngo, endre ku Tipo pa Mungu ma kwo; ku ban mi kidi ngo, ento i ban ma adunde mi ring’kum.

2 Jukorinto 3:7

Ento tek timotim mi tho, ma i nyiguta, ma jutong’o i kidi, uwok ku dwong’, ketho ya nyithindho pa Israel gicopo neno wang’ Musa tel ungo ni dwong’ mi wang’e; ma dwong’ne bekadhu woko:

Poi Mi Cik 4:14

Man Yehova rig’blo ira i nindo maeca nia aponjwu ku cik man lembapoka, kara wutimgi i ng’om ma wukadhu lokaca nimwonye.

Poi Mi Cik 5:22

Yehova yero lembe maeni ni cokri mu ceke wi got kud i die mac, mir afuru, man mi mudho ma bii, ku dwal ma dit: e emedo moko ngo. Man ekiewogi wi bankidi ario, e emiogi i bang’a.

Poi Mi Cik 5:31

Ento in, icung keni i bang’a, man abiyero iri lembang’ola ceke, ku cik, man lembapoka, m’ibiponjo kogi, kara gitimgi i ng’om m’abimio igi kara gimwonye.

Juebrania 9:4

ma ie ju pemblam mi mola ma kwar mi gin ma ng’wice ng’ar, ku sanduk mi lembariba ma jumwono mola ma kwar gbur i kume ma ie ju alibi mi mola ma kwar ma ie ju mana, man musonglo pa Harun m’uloth, man ban mi lembariba;