Ai 23:6 - The Holy Bible In Alur (Lur) Revised Orthography

⁶ Kud inyoth lembapoka ma pwe pa jacan i lembe pare.

Ai 23:6 ပူးပေါင်းရင်းမြစ်များ

2 Lemkei 19:7

Ka kumeno kawono wek lworo pa Yehova bed i wiwu; wuketh cwinywu i kume man wutime: kum dubo mbe ku Yehova Mungu mwa, kadi dhanu de bedo tung’ tung’ ungo i wang’e, kadi gamu jamblembe de.

Kitabu Pa Yob 31:13

Tek acayu lembe pa jamiru para, kadi pa bong’ para, Kinde ma waii wakugi;

Lembrieko 18:5

Jolo wang’ ng’atu ma jadubo e ber ungo, Kadi eoro ng’atu ma pwe cen kum pokolembe.

Lembrieko 22:22

Kud iyak jacan, kum en e jacan; Kadi won masendi de kud isende i dhugang’:

Lembrieko 31:5

Gimaru madhu, man wigi wil kum cik, Man gimaru loko lembapoka mi nyithindho mi can ceke.

Eklizia 5:8

Tek ineno send ma jusendo ko jacan, man jurop ma kabu pokolembe ku lembe ma pwe i ng’om moko, ii kud uwang’ lii kum lembene: kum ng’atu ma malu ma sagu ju ma malu eneno; man ju ma ni malu nuti ma sagu gin.

Isaya 5:23

man ni ju ma gonyo lembe ma wi judubo ni kum jamblembe, man ma kabu bedopwe pa won bedopwe woko kud i bang’e!

Yeremia 5:28

Gicwe, girieny: eyo, gisagri i giratima mi dubo; gicungo kum lembe ngo, lembe mi kic, kara lembe migi bed miero; man gipoko lembe pwe ngo ni jucanpiny.

Yeremia 6:28

Kagi ceke gi jujai ma rac, man gibecidho kun ku kun ku yero nying’; gi mola man nyunyu: kagi ceke gitimo mi nyoth.

Yeremia 7:6

tek wusendo umondo ngo, ku tic, ku dhaku ma cware tho, man wucwiro rimo m’umbe dubo ngo i ka maeni, kadi wuwotho tok mungu mange ngo ni can mu giwu:

Lembe Mi Julawi 19:15

Kud wutim gondri i lembapoka: kud inen wang’ jacan ber, kadi kud iyung wang’ ng’atu ma jatego; ento ipok lembe pa wedu pwe.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Poi Mi Cik 16:19

Kud inyoth pokolembe: dhanu kud ubed tung’ tung’ i weng’i; kadi jambng’om de kud igam; kum jambng’om umo wang’ jurieko, man eloko lembe mi weg bedopwe.

Poi Mi Cik 27:19

Kwong’ ubed wi ng’atu m’uroco pokolembe p’umondo, ku kic, man dhaku ma cware tho. E dhanu ceke biwacu kumae, Amen.

1 Samwil 8:3

E wote wotho i yo pare ngo, ento gilokri tok piny, man gigamu jamng’om, e ginyotho pokolembe.