Ai 23:31 - The Holy Bible In Alur (Lur) Revised Orthography

³¹ Man abiketho kieu peri gambre kum Nam Makwar cil ba nam mi Jufilisti, man ku ba langa cil kum Kulo: kum abiketho dhanu m’i ng’ombe i cingi; man ibiriemogi woko kud i weng’i.

Ai 23:31 ပူးပေါင်းရင်းမြစ်များ

Thangambere 15:18

I ceng’ maeca Yehova timo lembariba kud Abram, ewacu kumae, Amio ng’om maeni ni kodhini, ugambre kulo mi Misiri cik kum kulo ma dit, ma en e kulo Frati:

1 Ubimo 11:2

mi thek ma Yehova wacu pigi ni nyithindho mir Israel kumae, Kud ucidh i kindgi, kadok gin de ku gimond i kindwu; kum gibiloko adundewu tok mungu migi andha: Suleman umoko kum joni i mer.

1 Ubimo 20:13

Man, nen, jabila moko bino ceng’ni bang’ Ahab m’ubimo mir Israel, man ewacu kumae, Yehova wacu kumae, Ineno udul ma dit maeni ceke? nen, abimie i cingi tin; e ibing’eyo nia an a Yehova.

1 Ubimo 4:21

Man Suleman ubimo wi ker ceke ugambre Kulo cil kum ng’om mi Jufilisti, man kum kieu mi Misiri: gikelo ajok, man gitimo ni Suleman i nindo ceke mi kwo pare.

1 Ubimo 4:24

Kum ebimo wi ng’om ceke ma loka Kulo, ugambre Tifsa cil kum Gaza, wi ubimo ceke ma loka Kulo: man ng’om ukwio ire ng’ete ceke kun ku kun.

1 Ubimo 8:65

Kum kumeno Suleman uketho agba i nindo maeca, gikud Israel ceke, cokri ma dit, ugambre i kamondo mi Hamath cil kum kulo mi Misiri, i wang’ Yehova Mungu mwa, ceng’ abiro man ceng’ abiro, en e ceng’ apar wi ang’wen.

2 Lemkei 9:26

Man ebimo wi ubimo ceke ugambre Kulo cil kum ng’om mi Jufilisti, man kum kieu mi Misiri.

Zaburi 72:8

Ebibimo bende gambre i nam cil kum nam, Man ugambre kum Kulo cil kum gund ng’om.

Kitabu Mir Ang’wende Pa Musa Wel 21:34

Man Yehova wacu ni Musa kumae, Kud ilwore: kum amie i cingi, ku dhanu pare ceke, man ng’om pare; e ibitimo i bang’e calu itimo kum Sihon m’ubimo mi Juamori, m’ubedo i Hecbon.

Kitabu Mir Ang’wende Pa Musa Wel 34:2

Ng’ol ni nyithindho mir Israel, man iwac igi kumae, Kinde ma wumondo i ng’om Kanan (maeni ng’om ma bipodho iwu ni aba, en e ng’om mi Kanan calku kieune),

Poi Mi Cik 1:7

wulokru, man wutug woth, wucidh de i ng’om gudi mi Juamori, man i ka ceke ma cok ku keca, i Araba, i ng’om gudi, man i poga, man yor ariwa ma piny, ku dhu nam, man ng’om mi Jukanani, ku Lebanon, cik i kulo ma dit, ma en e kulo Frati.

Poi Mi Cik 1:8

Nen, aketho ng’om i weng’wu: wumond wumwony ng’om ma Yehova kwong’o ni kwaruwu, ni Ibrahim, ni Isak, man ni Yakobo, ya emi igi man ni kodhigi yo ng’eigi.

Poi Mi Cik 11:24

Ka ceke ma die tiendwu binyono bibedo mu kubang’e kubang’e: ugambre i langa, man Lebanon, ugambre kulo, en e kulo Frati, kieu mu bibedo cil kum nam ma yo reto.

Poi Mi Cik 2:33

E Yehova Mungu mwa mie i wang’wa; e wagoye, ku wote, man dhanu pare ceke.

Poi Mi Cik 2:36

Ugambre Aroer, ma ni i dhu poga mir Arnon, man ugambre kum adhura ma ni i poga, cil kum Gilead, adhura moko mbe m’ubedo wiu iwa; Yehova Mungu mwa mio ceke i wang’wa:

Poi Mi Cik 20:16

Ento mir adhura mi kodhidhanu maeni, ma Yehova Mungu peri mio iri ni aba, kud ibodh gin moko ma yuyo ma kwo;

Poi Mi Cik 3:2

E Yehova wacu ira kumae, Kud ilwore; kum amie, ku dhanu pare ceke, man ng’om pare, i cingi; man ibitimo i kume calu itimo kum Sihon m’ubimo mi Juamori, m’ubedo i Hecbon.

Poi Mi Cik 6:19

kara uriem judegi peri ceke woko kud i weng’i, calu Yehova yero.

Poi Mi Cik 9:3

Ka kumeno ng’ei tinimi, nia Yehova Mungu peri en e ng’atu m’ukadhu i weng’wu calu mac m’uwang’; ebinyothogi, man ebidiogi piny i weng’i: kum kumeno ibiriemogi woko, man ibiketho ginyothri pio, calu Yehova yero iri.

Yocuwa 1:4

Ugambre i langa, ku ng’om maeni Lebanon, cil kum kulo ma dit, en e kulo Frati, ng’om ceke mi Juhiti, man ba nam ma dit yo ku mwonyceng’, bibedo kieu mu.

Yocuwa 10:19

ento kud wubed wun; wuriem tok jukwojwu, man wugoi kindgi m’udong’ cen; kud wuyi gimond i adhura migi: kum Yehova Mungu mu miogi i cingwu.

Yocuwa 10:8

E Yehova wacu ni Yocuwa kumae, Kud ilworgi: kum amiogi i cingi: ng’atu moko mbe m’i kindgi ma bicungo i weng’i.

Yocuwa 13:6

ju m’ubedo i ng’om gudi ceke ugambre Lebanon cil kum Misrefothmaim, en e Jusidoni ceke; joni abiriemo woko i wang’ nyithindho mir Israel: ento dong’ imie ni Israel ni aba, calu ang’olo iri.

Yocuwa 2:24

Man giwacu ni Yocuwa kumae, Andha Yehova mio ng’ombe ceke i cingwa; mange ke dhanu ceke m’i ng’ombe ging’oi i wang’wa.

Yocuwa 21:44

E Yehova mio igi yom kun ku kun ceke, calku lembe ceke m’ekwong’o ni kwarugi: man ng’atu moko mbe kind judegi migi ceke m’ucungo i wang’gi; Yehova mio judegi migi ceke i cing’gi.

Yocuwa 23:14

Man, nen, tin abecidho i yo ma dhanu ceke m’i ng’om cidho i ie: e wung’eyo i adundewu ceke man i ng’eyong’ec mu ceke, nia gin acel de mbe m’urem mi gin ceke ma ber ma Yehova Mungu mu yero piwu; gin ceke timbre kakare iwu, gin acel de mbe i kinde m’urem.

Yocuwa 24:11

E wucidho loka Yordan; man wuwok kum Yeriko; man dhanu m’i Yeriko gikiedo kudu, gi Jaamori, man Japerizi, ku Jakanani, man Jahiti, ku Jagirgaci, man Jahivi, man Jayebusi; man amiogi i cingwu.

Yocuwa 24:12

Man aoro pino i weng’wu, m’uriemogi woko kud i weng’wu, gin ubimo ario mi Juamori; ku palamularu peri ngo, kadi kud atum peri de ngo.

Yocuwa 24:18

man Yehova riemo kodhidhanu ceke woko kud i wang’wa, en e Juamori m’ubedo i ng’ombe: ka kumeno wan bende wabitimo ni Yehova; kum en e Mungu mwa.

Yocuwa 24:8

Man akelowu i ng’om mi Juamori, m’ubedo loka Yordan: e gikiedo kudu; man amiogi i cingwu, man wumwonyo ng’om migi: man anyothogi kud i weng’wu.

Yocuwa 8:18

Man Yehova wacu ni Yocuwa kumae, Cim pindo ma ni i cingi yo ba Ai; kum abimiye i cingi. Man Yocuwa cimo pindo ma ni i cinge yo bang’ adhurane.

Yocuwa 8:7

e wubiai malu ku ka ma wukanu ie adhi, man wubimwonyo adhurane: kum Yehova Mungu mu bimie i cingwu.

Yocuwa 9:7

Man dhanu mir Israel giwacu ni Juhivi kumae, Kuno nyo wubibedo i kindwa; e wabitimo lembariba wakudu nenedi?

Jupoklembe 1:4

Man Yuda idho malu; man Yehova ketho Jukanani ku Juperizi i cing’gi: man gigoyo dhanu m’i kindgi i Bezek rubanga apar.

Jupoklembe 11:21

Man Yehova, Mungu mir Israel, uketho Sihon, ku dhanu pare ceke i cing’ Israel, e gigoyogi: kum kumeno Israel umwonyo ng’om ceke mi Juamori, gi ju m’ubedo i ng’om maeno.

1 Samwil 23:4

Daudi lund upenjo Yehova kendo. E Yehova loko ire lembe, man ewacu kumae, Ai, lor piny ba Keila; kum abimio Jufilisti i cingi.