Ai 23:26 - The Holy Bible In Alur (Lur) Revised Orthography

²⁶ Ng’atu moko mbe ma ie bidubre, kadi ma bibedo mugumba, i ng’om peri: abiketho wel nindo peri tundo kakare.

Ai 23:26 ပူးပေါင်းရင်းမြစ်များ

Thangambere 25:8

E Ibrahim umwonyo cwinye, man etho i tio ma ber, e ng’atu m’uti, ma rundine dupa, man jucoke ba dhanu pare.

Thangambere 35:29

E Isak umwonyo cwinye, man etho, e jucoke ba juthugi, m’eti m’epong’ ku ceng’ de: e Esau ku Yakobo ma wote giyike.

I Lemkei 23:1

Nie Daudi ti man nindo pare dupa; man eketho Suleman ma wode ni ubimo wi Israel.

Kitabu Pa Yob 21:10

Thwon migi nyol, man erem ungo; Min dhiang’ migi nyol, man ie dubre ngo.

Kitabu Pa Yob 42:17

Kum kumeno Yob utho, m’eti m’epong’ kuceng’ de.

Kitabu Pa Yob 5:26

Ibibino ba liel peri i tio, Calu kumna cam bino i nindone.

Zaburi 107:38

Emio igi mugisa bende, ketho ginyai dit; Man eyio ngo nia lim migi dok nok.

Zaburi 144:13

Kinde ma dero mwa pong’, ku cam ma kwonde tung’ tung’ ceke, Man rombe mwa nyol rubanga man rubanga apar dhu podho mwa;

Zaburi 55:23

Ento in, E Mungu, ibiterogi piny i vur mi nyoth: Dhanu ma rieu rimo negogi ma jubombi de gibibedo kwo ngo i ng’et nindo migi; Ento abigeno in.

Zaburi 90:10

Nindo mi rundi mwa gi pier abiro, Kadi ni kum tego rundi pier abora; Ento kuhaya migi tic mi muli ku can kende; Kum ecidho pio, man wacidho.

Isaya 65:20

Mukere bibedo mbe kendo ma nindo pare nok, kadi dhanu m’uti de bibedo mbe ma fodi nindo pare kuromo ngo; kum nyathin bitho nwang’u rundi pare doko dak, man jadubo ma rundi pare dak kwong’ bibedo i wie.

Hoseya 9:14

Mi igi, E Yehova, ibimio ang’o? mi igi ic ma dubre ku thuno ma dwono.

Poi Mi Cik 28:4

Mugisa bikwanyu kodhi m’i ii, ku nying’ mi ng’om peri, ku kodhi mi lim peri, ku nyai mi dhiang’ peri, ku nyithindh udul rombe peri.

Poi Mi Cik 4:40

Man igwok cik pare, ku lembang’ola pare, m’ang’olo iri tin, kara ibed ber, ku nyithindho peri yo ng’ei, man kara nindo peri ton hai i ng’om, ma Yehova Mungu peri mio iri, mi nja.

Poi Mi Cik 7:14

Mugisa bikwenyi ma sagu kodhidhanu ceke: ng’atu moko mbe ma nico kadi ma dhaku ma mugumba bikwanye i kindwu, kadi i kind lim mu.