Ai 23:25 - The Holy Bible In Alur (Lur) Revised Orthography

²⁵ Man wutim ni Yehova Mungu mu, e ebimio mugisa kum kwen peri, man pi peri; man abikabu tho kud i kindi.

Ai 23:25 ပူးပေါင်းရင်းမြစ်များ

Zaburi 103:3

M’eweko ko kier peri ceke woko; M’ekeyo ko tho peri ceke ma kwonde tung’ tung’;

Ai 15:26

man ewacu kumae, Tek ibiwinjo dwand Yehova Mungu peri cu, man ibitimo gin m’atira i wang’e man ibieiko ithi kum lembang’ola pare, e ibiworo cik pare de ceke, abiketho tho moko i kumi ngo m’aketho i kum Jumisiri: kum an a Yehova m’ukeyo kumi.

Eklizia 5:20

Kum ebipoi dit hai ungo kum nindo mi kwo pare; kum Mungu loko ire lembe i anyong’a mir adundene.

Isaya 33:16

ebibedo malu; kagwok pare bibedo odcana; jubimio ire kwen pare; pi pare bibedo mandha.

Isaya 33:24

Man ng’atu m’ubedo i ie biwacu ngo kumae, Kuma lith: jubiweko kier mi dhanu m’ubedo i ie.

Yeremia 8:2

e gibimoyogi i wang’ ceng’, ku dwi, kud udul m’i polo ceke, ma gimaru, man gitimo igi, man ma gilubo tokgi, man ma giyenyo, man ma girwo i bang’gi: jubicokogi ngo, kadi jubiyikogi de ngo, gibibedo ni weyo i wang’ ng’om.

Daniel 1:15

Man ka ceng’ apar uthum wang’gi nen ber ma sagu, man kumgi cwe ma sagu awobi ceke ma camu cemo p’ubimo.

Lembe Mi Julawi 11:44

Kum an a Yehova Mungu mu: ka kumeno wudwokru giwu leng’, man wubed leng’; kum an a leng’: kadok acida de kud wucidru ku kwond gin moko ma lak ma wotho wi ng’om.

Lembe Mi Julawi 26:3

Tek wuwotho ku cik para, man wugwoko lembang’ola para, wutimogi de:

Malaki 3:10

Wukel apajpiny ma bo i odkanpiny, kara cam ubed nuti i ot para, man wumul ia kawono kum maeni, Yehova mir udul uwacu, tek abiyabu iwu wang’ polo ngo, man abikonjo iwu mugisa, kara ka m’urome bed umbe.

Matayo 4:10

Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Poi Mi Cik 10:12

E kawono, Israel, Yehova Mungu peri lwong’o ang’o i beng’i, ndhu lworo Yehova Mungu peri, kara iwoth i yo pare ceke, man nia imare, man nia itim ni Yehova Mungu peri kud adundeni ceke man ku ng’eyong’ec peri ceke,

Poi Mi Cik 10:20

Lwor Yehova Mungu peri; tim ire, mok i kume, man ikwong’ ku nyinge.

Poi Mi Cik 13:4

Wulub tok Yehova Mungu mu, man wulwore, wugwok lembang’ola pare de, man wuwor dwande, wutim ire de, man wumok i kume.

Poi Mi Cik 6:13

Lwor Yehova Mungu peri; man itim ire, man ikwong’ ku nyinge.

Poi Mi Cik 7:13

man ebimeri, ebimio mugisa iri de, man ebimedi; ebimio mugisa bende kum kodhi m’i ii ku nying’ piny m’i ng’om peri, en e cam peri ku pigulok peri ma nyasa man mo peri, ku nyai mi lim peri man nyithindh udul rombe peri, i ng’om m’ekwong’o ni kwaru y a emi iri.

Poi Mi Cik 7:15

Man Yehova bikabu tho ceke kud i kumi; man ebiketho tho ma rac moko ngo i wii, m’ing’eyo i Misiri, ento ebikethogi wi ju m’udegi ceke.

Yocuwa 22:5

Ento wubed k’amora mi timo lembang’ola mi cik ma Musa ma jatic pa Yehova ng’olo iwu, ya wumar Yehova Mungu mu, man wuwoth i yo pare ceke, wuwor lembang’ola pare de, man wumok i kume, wutim ire de kud adundewu ceke, ku ng’eyong’ec mu ceke.

Yocuwa 24:21

E dhanune giwacu ni Yocuwa kumae, Ungo; ento wabitimo ni Yehova.

Yocuwa 24:24

E dhanune wacu ni Yocuwa kumae, Wabitimo ni Yehova Mungu mwa, man wabiwinjo dwande.

1 Samwil 12:20

E Samwil uwacu ni dhanune kumae, Lworo kud unegwu: wutimo dubo maeni ceke andha; ento kud wulokru cen kum lubo Yehova, ento wutim ni Yehova kud adundewu ceke:

1 Samwil 12:24

Ndhu wulwor Yehova, man wutim ire andha kud adundewu ceke; kum wupoi pi gin ma dit m’etimo iwu.

1 Samwil 7:3

Man Samwil uyero ni ot mir Israel ceke, ewacu kumae, Tek wulokru ba Yehova kud adundewu ceke, e dong’ wukab mungu ma juwirok kud Actaroth cen kud i kindwu, man wudwok adundewu ba Yehova, man wutim ire kende; e ebibodhowu kud i cing’ Jufilisti.