Ai 23:23 - The Holy Bible In Alur (Lur) Revised Orthography

²³ Kum malaika para bitelo yo i weng’i, man ebiroii ba Jaamori, man Jahiti, ku Japerizi, man Jakanani, ku Jahivi, ku Jayebusi: man abikabugi cen.

Ai 23:23 ပူးပေါင်းရင်းမြစ်များ

Thangambere 24:7

Yehova, Mungu m’i polo, m’egama kud i ot pa vwa, man kud i ng’om ma junyola i ie, man m’uweco i bang’a, m’ukwong’o ira de, m’uwacu kumae, Abimio ng’om maeni ni kodhini; ebioro malaika pare i weng’i, man ibigamu dhaku ni woda ku kuca.

Thangambere 34:2

Man Cekem ma wod Hamor ma Jahivi, ma jaditmawijo mi ng’ombe, enene; man egame, e evuto kude, man ejwige.

Ai 18:8

E Musa yero ni jalkwaru mire gin ceke ma Yehova timo kum Farao man kum Jumisiri pir Israel, ku masendi ceke m’uwok i kumgi i yo, man maram Yehova bodho kogi.

Ai 23:20

Nen, aoro malaika i weng’i, kara ugwoki i yo, man uteri i ka m’ayiko.

Ai 3:17

man awacu kumae, Abiwodhowu woko kud i masendi mi Misiri man abiterowu i ng’om pa Jakanani, man Jahiti, ku Jaamori, ku Japerizi, man Jahivi, ku Jayebusi, i ng’om ma molo cak ku kic.

Ai 32:2

Man Harun uwacu igi kumae, Wutur nzir mi mola ma kwar, ma ni i ith mon mu woko, man mi wotwu, ku mi nyigwu de, man wukel gi i bang’a.

Isaya 5:13

Ka kumeno dhanu para gicrdho i ng’eca kum ng’eyong’ec m’umbe; man dhanu migi mi yung givoc ku kec, man udul migi gisendri ku rieu.

Poi Mi Cik 9:3

Ka kumeno ng’ei tinimi, nia Yehova Mungu peri en e ng’atu m’ukadhu i weng’wu calu mac m’uwang’; ebinyothogi, man ebidiogi piny i weng’i: kum kumeno ibiriemogi woko, man ibiketho ginyothri pio, calu Yehova yero iri.

Yocuwa 23:9

Kum Yehova riemo thek ma dwong’ ma tek de woko kud i weng’wu: ento wun, ng’atu moko mbe m’ucungo i weng’wu cu i ceng’ ma tin.

Yocuwa 5:13

Man etimbre, kinde ma Yocuwa ni ng’et Yeriko, nia eting’o wang’e malu man eneno, man, nen, ng’atu moko cungo i vute keca ku palamularu m’ubedo acika i cinge: e Yocuwa cidho i bang’e, man ewacu ire kumae, In i jabang’wa, kadi i jaba judegi mwa?

Yocuwa 9:1

Man etimbre, kinde ma ubimo ceke ma gini loka Yordan, i ng’om gudi, man i poga, man ma ni dhu wath ceke mi nam ma dit i nyim Lebanon, en e Jahiti, ku Jaamori, man Jakanani, ku Japerizi, man Jahivi, ku Jayebusi, giwinjo pi maeni;