Ai 23:14 - The Holy Bible In Alur (Lur) Revised Orthography

¹⁴ Kwir agba ira wang’ adek i rundi acel.

Ai 23:14 ပူးပေါင်းရင်းမြစ်များ

1 Ubimo 9:25

Wang’ adek i rundi acel Suleman uthiero lam m’awang’a ku lam mi kwiocwiny wi pemblam m’egomo ni Yehova, m’ewang’u ko udok ma ng’wice ng’ar karacelo kudo, wi pemblam ma ni i wang’ Yehova. Kum kumeno edaru ode.

2 Lemkei 8:13

calku ma cande nuti ceng’ ku ceng’, m’ethiero calku lembang’ola pa Musa, i ceng’ sabatu, man i dwi m’upor, man i agba ma juketho, wang’ adek i rundi acel, i agba mi kwen ma thobi mbe i ie, man i agba mi yenga, man i agba mi odbak.

Ai 23:17

Ju ma co peri ceke binyuthri i wang’ Rwoth Yehova wang’ adek i rundi acel.

Ai 34:17

Kud itim mungu m’acwia m’atwaga iri ki.

Ai 34:18

Kwir agba mi kwen ma thobi mbe i ie. Cam kwen ma thobi mbe i ie ceng’ abiro, calu ang’olo iri, i nindo ma juketho i dwi Abib; kum iai kud i Misiri i dwi Abib.

Ezekiel 46:9

Ento kinde ma dhanu m’i ng’om bibino i wang’ Yehova i agba ma juketho, ng’atu m’umondo ku yo dhugang’ ma yor ariwa ma malu nirwo biwok woko ku yor i dhugang’ ma yor ariwa ma piny; man ng’atu m’umondo ku yor i dhugang’ ma yor ariwa ma piny biwok woko ku yor i dhugang’ ma yor ariwa ma malu; ebidwogo ku yor i dhugang’ m’emondo kudo ngo, ento ebiwok woko atira i wang’e.

Lembe Mi Julawi 23:16

en e i ceng’ mir arionde yo ng’ei sabatu mir abirone wukwan ceng’ pier abic; man wuthier lam mi mogo ma nyen ni Yehova.

Lembe Mi Julawi 23:34

Yer ni nyithindho mir Israel, wac kumae, I ceng’ apar wi abije mi dwi maeni mir abirone en e agba mi otbak mi ceng’ abiro ni Yehova.

Lembe Mi Julawi 23:4

Maeni agba pa Yehova ma juketho, en e cokri ma leng’, ma wubilwong’o i nindo migi ma juketho.

Lembe Mi Julawi 23:5

I dwi ma kwong’ane, i ceng’ apar wi ang’wende mi dwije uthieno, en e kadhukuwijo pa Yehova.

Poi Mi Cik 16:1

Kwir dwi Abib, man itim kadhukuwijo ni Yehova Mungu peri; kum i dwi Abib Yehova Mungu peri wodhi woko kud i Misiri ku diewor.

Poi Mi Cik 16:16

Wang’ adek i rundi acel dhanu peri ma co ceke biwok i wang’ Yehova Mungu peri i ka m’ebigoyo wie: i agba mi kwen ma thobi mbe i ie, man i agba mi yenga, man i agba mi otbak; man ku giwok i wang’ Yehova ma cing’gi nanu:

1 Samwil 1:3

Man ng’atu maeni idho malu ku i adhura pare ku ba rundi ku ba rundi kara erwo emi lam de ni Yehova mir udul i Cilo. Man wot ario pa Eli, Hofni ku Finehaz, ma julam pa Yehova, gini keca.