Ai 22:31 - The Holy Bible In Alur (Lur) Revised Orthography

³¹ Wubed ira ni dhanu ma leng’: ka kumeno kud wucam ring’o moko ma yedi m’i thim uyeco: wubaye ni gwogi.

Ai 22:31 ပူးပေါင်းရင်းမြစ်များ

Ezra 9:2

Kum gigamu kind nyiggi pigi gigi man pi wotgi, ketho nia kodhi ma leng’ ujebre ku kodhidhanu m’i ng’ombe: eyo, cing’ judongomawijo ku jubim ular utimo dubo maeni.

Ezekiel 4:14

Alund awacu kumae, A Rwoth Yehova! nen, ng’eyong’ec para fodi ucidre ngo; kum ugambre i aradu para cil kawono fodi acamu kum gin m’utho kende gire ngo, kadi ma yedi yeco; kadok ring’o ma judagu de mondo i dhoga ngo.

Ezekiel 44:31

Julam bicamu gin moko m’utho kende ngo, kadi ma juyeco, kadok en e winyo kadi lim.

Lembe Mi Julawi 19:2

Yer ni udul mi nyithindho mir Israel ceke, man iwac igi kumae, Wubed leng’; kum an a Yehova ma Mungu mu a leng’.

Lembe Mi Julawi 20:25

Ka kumeno wubing’io kind lim ma leng’ ku m’ucido, man kind lim ma ju bombe m’ucido ku ma leng’: man kud wudwok ng’eyong’ec mu ni ginmajudagu ni kum lim, kadi ni kum winyo, kadi ni kum gin moko ma ng’om upong’ ko, m’akoyo kud i beng’wu calu m’ecido.

Lembe Mi Julawi 22:8

Gin m’utho kende, kadi ma yedi yeco, kud ecam, ketho ecidre gire kudo: an a Yehova.

Lembe Mi Julawi 7:24

Man mio mi gin m’utho gire, ku mio mi gin ma yedi yeco, jucopo timo ko tic mange; ento kud wucam kume moko ki.

Tic Mi Jukwenda 10:14

Ento Petro wacu kumae, Kumeno ngo, Rwoth; kum gin ma swa ku m’ucido de fokacamu ki ngo.

Tic Mi Jukwenda 15:20

ento dong’ wagoru igi, ya giceri ni acidi mir ayi gin m’acwia, ku tarwang’, ku gin ma judeyo adeya de, man ku rimo.

Poi Mi Cik 14:21

Kud wucam kum gin moko m’utho gire kende: icopo mie ni umondo ma ni yo i dhugang’ peri, kara ecame; kadi icopo loke ba jawirok: kum in i thek ma leng’ ni Yehova Mungu peri. Kud ited nyathi die! ku cag min.