Ai 22:25 - The Holy Bible In Alur (Lur) Revised Orthography

²⁵ Tek imio sente moko ni banja ni dhanu para moko ma ni karacelo kudi ma en e jacan, kud ibed ire calu jarabanja; kadi kud imed kuloka i wie.

Ai 22:25 ပူးပေါင်းရင်းမြစ်များ

2 Ubimo 4:1

Nie dhaku m’i kind mon mi wot jubila uywak bang’ Elica, ewacu kumae, Jatic peri ma cwara tho; e ing’eyo nia jatic peri lworo Yehova: man jarabanja bino kara egam nyithindho para ire ni ng’eca.

2 Ubimo 4:7

Elund ebino man eyero ni dhanu pa Mungu. E ewacu ire kumae, Cidhi, ng’ieu moje, man icul banja peri, man icopri ku donge wuku woti.

Nehemia 5:7

Alund aporo lembe i ia gira, man apiemo ku weg yung ku jubim, e awacu igi kumae, Wugamu kuloka mir azindi, ku ba dhanu nzu ng’atuman ba wadi. Man acoko udul ma dit i kumgi.

Zaburi 15:5

Ng’atu ma ketho sente pare ngo ni kuloka mir azindi, Kadi ma gamu sukulia ngo kum ju ma lembe mbe i wigi. Ng’atu ma timo gin maeni lembe biringo ku cwinye ki ngo.

Lembrieko 28:8

Ng’atu ma raedo piny pare ku kuloka man nyai, Ecoke pi ng’atu ma ngisi nege kum jucan.

Yeremia 15:10

Can i wia, ma, kum inyola ni dhanu mi piem man dhanu mi i aia ku ng’om dho! amio banja ngo mi kuloka, kadok ira de dhanu mio banja mi kuloka ngo; ento gikwong’a kagi ceke kubang’gi kubang’gi.

Ezekiel 18:13

emio piny mir azindi de, man egamu nyai; ebilund bedo kwo? ebibedo kwo ngo: etimo ginmajudagu maeni ceke; ebitho andha; rimo pare bibedo i wie.

Ezekiel 18:17

m’edolo cinge ku ba jacan, m’ejolo azindi kadi nyai de ngo, m’etimo lembapoka para, m’ewotho i cik para; ebitho ngo pi kier pa won, ebikwo andha.

Ezekiel 18:7

man etimo rac kum ng’atu moko ngo, ento edwoko mukwatu pare ba jabanja, man egamu gin moko ngo ku kuvuga, emio kwen pare de ba ng’atu ma kec unege, man eumo jamuneru ku kendi;

Ezekiel 18:8

man e ng’atu ma mio kuloka mir azindi ngo, kadi ma gamu nyai moko ngo, ma dolo cinge ku ba kier, m’etimo lembapoka mandha i kind dhanu ku dhanu,

Ezekiel 22:12

Gigamu jamblembe mi cwiro rimo ii; igamu kuloka ku nyai, man igamu kuloka ba wedu ma kisa mbe, man wii wil pira, Rwoth Yehova wacu.

Amos 2:8

man givuto gigi piny i ng’et pemblam kubang’e kubang’e wi kendi ma gigamu ni mukwatu; man i ot pa Mungu migi gimadhu pigulok mi wadi ju ma juketho giculo.

Matayo 25:27

ka kumeno maku iketh sente para ba juwil sente, kara kan abino agam gira ku kulokane de.

Luka 19:23

ka kumeno itero sente para i kakanpiny ungo nedi, man i bino para alwong’e ku kulokane de?

Poi Mi Cik 15:7

Tek jacan ni kudi, en e kind utumeru acel, yo i dhugang’ peri moko i ng’om peri ma Yehova Mungu peri mio iri, kud idwok adundeni nwang’, kadi kud idol cingi ni umeru ma jacan;

Poi Mi Cik 24:13

dwok mukwatu pare kinde ma ceng’ upodho andha, kara enind i kendi pare, man emi mugisa iri: man ebibedo iri ni bedopwe i wang’ Yehova Mungu peri.