Ai 22:21 - The Holy Bible In Alur (Lur) Revised Orthography

²¹ Man kud itim umondo rac, kadi kud isende: kum wukowubedo umondo i ng’om Misiri.

Ai 22:21 ပူးပေါင်းရင်းမြစ်များ

Kitabu Pa Yob 6:27

Eyo, wuyenyo wugoi gagi wi kic, Man wutim kuloka kum jarimbwu.

Zaburi 146:9

Yehova gwoko umondo; Ejengo kic ku dhaku ma cware tho; Ento egondo yo pa jadubo.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 23:9

Man kud isend umondo: kum wung’eyo adunde mir umondo, kum wun de wukowubedo umondo i ng’om Misiri.

Isaya 1:17

wuponj ng’eyo timo ber; wuyeny pokolembe, wukony ju ma jusendo, wupok lembe mi kic, wucung kum dhaku ma cware tho.

Yeremia 22:3

Yehova wacu kumae: Wutim pokolembe ku bedopwe, man wubodh ng’atu ma juyaku kud i cing’ jasend: man kud wutim rac, kud wutim rop, kum umondo, kadi kum kic, kadi kum dhaku ma cware tho; kadi kud wucwir rimo m’umbe dubo kakeni.

Yeremia 7:6

tek wusendo umondo ngo, ku tic, ku dhaku ma cware tho, man wucwiro rimo m’umbe dubo ngo i ka maeni, kadi wuwotho tok mungu mange ngo ni can mu giwu:

Ezekiel 22:7

Gicayu weggi ku meggi ii; giyenyo umondo ku rop i kindi; man gitimo kic ku dhaku ma cware tho rac i kindi.

Lembe Mi Julawi 19:13

Kud isend wedu, kadi kwalu piny pare: sukulia pa jatic mi sukulia kud ubed i beng’i diewor soro cil kugweno.

Lembe Mi Julawi 19:33

Man tek umondo bedo karacelo kudi i ng’om mu, kud wutime rac.

Lembe Mi Julawi 19:34

Umondo m’ubedo karacelo kudu bibedo iwu calu ng’atu m’anyola i kindwu, man ibimare calu in giri; kum yang’ wubedo ni umondo i ng’om Misiri: an a Yehova Mungu mu.

Lembe Mi Julawi 25:35

Man tek umeru doko jacan, man cinge rem iri; ibilund konyo kore: ebibedo karacelo kudi calu jabedo man umondo.

Zekaria 7:10

man kud wuketh lembe bed tek ni dhaku ma cware tho, kadi ni kic, kadi ni umondo, kadi ni jucan; man i ng’atu moko m’i kindwu kud upid rac kum wadi i adundene.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Poi Mi Cik 1:16

Man ang’olo ni jupoklembe mu i nindo maeca, awacu kumae, Wuwinj lembe ma i kind utumegwu, man wupok lembe pwe i kind dhanu ku wadi, kud umondo ma ni kude.

Poi Mi Cik 10:18

Etimo pokolembe ni kic ku dhaku ma cware tho, man emaru umondo, ku mio cam ku kendi ire.

Poi Mi Cik 10:19

Ka kumeno wumar umondo; kum naka wun umondo i ng’om Misiri.

Poi Mi Cik 15:15

Man ipoi nia naka in i ng’eca i ng’om Misiri, man Yehova Mungu peri weri; ka kumeno ang’olo gin maeni iri tin.

Poi Mi Cik 23:16

dong’ wubed wukude, i kindi, i ka m’efoyo yo i dhugang’ peri acel, ka m’unyayu anyong’a i ie m’usagu.

Poi Mi Cik 23:7

Kud idag Jaedomi; kum en e umeru: kud idag Jamisiri; kum ibedo ni umondo i ng’om pare.

Poi Mi Cik 24:17

Kud iroc pokolembe p’umondo, kadi pa kic, kadi kud igam kendi pa dhaku ma cware tho ni mukwatu;

Poi Mi Cik 27:19

Kwong’ ubed wi ng’atu m’uroco pokolembe p’umondo, ku kic, man dhaku ma cware tho. E dhanu ceke biwacu kumae, Amen.