Ai 22:18 - The Holy Bible In Alur (Lur) Revised Orthography

¹⁸ Kud iwek dhaku m’ajoga bed kwo.

Ai 22:18 ပူးပေါင်းရင်းမြစ်များ

Isaya 19:3

E cwiny Misiri bijik i diere; man abinyotho lembaporane: e gibiyenyo ba mungu m’araga man bang’ ajoga, man ba ju ma weg tipo, man ba jucwitho.

Yeremia 27:10

kum giewo ndra iwu, kara uterwu bor ku ng’om mu, man kara ariemwu woko, e wunyothru.

Yeremia 27:9

Ento wun, kud wuwinj jubila mu kadi jung’eilembe mu, kadi lek mu, kadi jurieko mu, kadi ajoga mu, ma giyero iwu, ma giwacu kumae, Wubitimo ni ubimo mi Babeli ngo:

Lembe Mi Julawi 18:23

Man kud ivut ku lim moko ma nia icidri giri kudo; kadi dhaku de kud ucung i wang’ lim, kara evut kudo: en e gin m’ucido.

Lembe Mi Julawi 19:26

Kud wucam gin moko ku rimo: kadok wodhotho de kud wuwodhi, kadi ajoga de kud wutim.

Lembe Mi Julawi 19:31

Kud wulokru ba ju ma weg tipo, kadi ba jucwitho; kud wuyenygi, kara wucidru kugi: an a Yehova Mungu mu.

Lembe Mi Julawi 20:27

Ng’atu ma nico bende kadi ng’atu ma dhaku ma won tipo, kadi ma en e jacwitho, jubinege andha: gibicanyugi ku kidi; rimo migi bibedo i wigi.

Lembe Mi Julawi 20:6

Man ng’eyong’ec m’ulokre ba ju ma weg tipo, man ba jucwitho, kara utim tarwang’ kugi, abiketho wang’a kum ng’ej’ong’ec maeca, man abikabe woko ku kind juthugi.

Tic Mi Jukwenda 19:19

Weg ajoga de m’i kindgi ma nok ungo gikelo kitabu migi karacelo giwang’ugi de i wang’ dhanu ceke; gikwanu wel pinje de, ginwang’u etundo sente mi mola ma tar rubanga pier abic.

Jugalatia 5:20

ku rwo ni ayi gin m’acwia, kud ajoga ma jutimo, kud adegi, ku por, ku ngiri, ku kwinyo, kud ali, ku pokri, ku yic ma tung’ tung’,

Poi Mi Cik 27:21

Kwong’ ubed wi ng’atu m’uvuto ku lim moko. E dhanu ceke biwacu kumae, Amen.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.

1 Samwil 28:3

Nwang’u Samwil utho, man Israel ceke giywage, man giyike i Rama, en e adhura pare ma dhe. Man Saul ukabu weg pajogi, ku weg ajoga, woko kud i ng’ombe.

1 Samwil 28:9

Man dhakune wacu ire kumae, Nen, ing’eyo gin ma Saul utimo, maram ekabu ko ju m’ajoga, ku jubila de, kud i ng’ombe: kum kumeno iketho uwic ni kwo para nedi, kara uketh atho?