Ai 20:5 - The Holy Bible In Alur (Lur) Revised Orthography

⁵ kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Ai 20:5 ပူးပေါင်းရင်းမြစ်များ

2 Samwil 21:1

Man ndru nuti i ceng’ pa Daudi rundi adek, rundi ku rundi; e Daudi yenyo wang’ Yehova. Man Yehova wacu kumae, En e pi Saul, man kum ot pare mi rimo, kum eketho Jugibeoni tho.

2 Samwil 21:6

wek jumi iwa dhanu abiro ma kind wote, man wabilierogi malu ba Yehova i Gebeya pa Saul, ma ng’atu ma Yehova goyo wie. E ubimo wacu kumae, Abimiogi.

1 Ubimo 19:10

E ewacu kumae, Ngiri nega dit pi Yehova, Mungu mir udul; kum nyithindho mir Israel giweko lembariba peri, gimugo pemblam peri piny, man ginego jubila peri ku palamularu: man an, ndhu an a kenda e m’udong’; e gibeyenyo kwo para, kara gikabe woko.

1 Ubimo 21:29

Ineno maram Ahab ujwigre ko gire i wang’a? kum ejwigre gire i wang’a, abikelo lembe ma racne i ceng’ pare ngo; ento i ceng’ pa wode abikelo lembe ma racne wi ot pare.

2 Ubimo 17:35

ma Yehova timo lembariba kugi, man eng’olo igi, ewacu kumae, Kud wulwor mungu mange, kadi kud wurum giwu igi, kadi kud wutim igi, kadi lam de kud wulam igi:

2 Ubimo 17:41

Kum kumeno thek maeni lworo Yehova, man gitimo ni ayi m’acwia migi m’ang’ika; nyithindho migi bende kumeca, ku nyithindho mi nyithindhgi bende, calu kwaru migi timo, e gitimo kumeca cil i ceng’ ma tin.

2 Ubimo 23:26

Karacelo ku maeni, Yehova lokre ngo ni lak kwinyo pare ma dit, ma jucwinyo kudo ng’ecwiny pare kum Yuda, kum gin ceke ma judagu ma Manase nyayu kudo ng’ecwiny i ie.

2 Ubimo 5:18

I lembe maeni Yehova wek kier pa jatic peri: kinde ma rwoth para mondo i ot pa Rimon kara erwo kuca, man ejeng i cinga, man arum gira i ot pa Rimon, kinde m’arum gira i ot pa Rimon, Yehova wek kier pa jatic peri i gin maeni.

2 Ubimo 5:27

Ka kumeno joi pa Naman bimoko i kumi, man kum kodhini mi nja. Man eai kud i vute m’e won joi ma tar calu pei.

2 Lemkei 25:14

Nie etimbre, yo ng’ei ai ma Amazia ai ko ba nek mi Juedomi, nia ekelo mungu mi nyithindho mi Seir, man ekethogi malu gibed mungu pare, man erum gire i wang’gi, ewang’u udok ma ng’wice ng’ar de igi.

2 Lemkei 7:19

Ento tek wulokru cen, man wuweko cik para ku lembang’ola para m’aketho i weng’wu, man wubicidho wubitimo ni mungu mange, man wubirwo igi;

Kitabu Pa Yob 21:19

Wuwacu kumae, Mungu kanu kier pare malu ni nyithindhe. Wek ecule ire gire, kara eng’eye:

Kitabu Pa Yob 5:4

Nyithindho pare gi bor ku bedo museme, Man junyonogi i dhugang’, Kadok ng’atu raoko m’ubodhgi de mbe:

Zaburi 109:14

Wek Yehova poi kum kier pa kwaru mire; Man kud iwek dubo pa min urucre woko.

Zaburi 78:58

Kum ginyayu ng’ecwiny i ie ku ka ma malu migi, Man ginyayu nyeko i ie kud ayi gin m’acwia m’ang’ika,

Zaburi 79:8

Kud ipoi kum kier mi kwaruwa i ku mwa: Wek kisa ma ng’ic peri romb kudwa pio; Kum jujwigowa dit.

Zaburi 81:15

Kuno di judegi Yehova gijwigri gigi ire: Ento nindo migi kuno di bedo mi nja.

Ai 23:24

Kud irum piny ni mungu migi, kadi atima de kud itim igi, kadi kud itim calu tic migi de; ento ibing’ielogi pet, man ibituro mbegi migi nziki nziki.

Ai 34:14

(kum ibirwo ni mungu mange ngo: kum Yehova, ma nyinge Nyeko, en e Mungu ma janyeko);

Lembrieko 8:36

Ento ng’atu m’udubo i kuma nwang’u etimo ng’eyong’ec pare gire rac: Dhanu ceke m’udaga gimaru tho.

Isaya 44:15

Ebilund bedo ni dhanu mi wang’u; man egamu kume moko, e emure gire; eyo, ecwinye, man etedo ko kwen: eyo, etimo mungu, man erwo ire; etime ni ayi gin m’acwia m’ang’ika, man epodho piny ire.

Isaya 44:19

E ng’atu moko mbe m’upoi, kadi ng’eyothelembe de mbe ma giwac ko kumae, A wang’u ng’ete i mac; eyo, atedo kwen de wi cukmaje; avulo ring’o man acame: man abitimo donge m’udong’ ni ginmajudagu? abipodho piny ni dund yeni?

Yeremia 2:9

Kum kumeno abikoii kudu, Yehova wacu, man abikoii ku nyithindho mi nyithindho mu.

Yeremia 32:18

m’inyutho mer mi bero ni dhanu rubanga, man m’iculo kier mi wego i kor nyithindhgi yo ng’eigi; Mungu ma dwong’, ma Jatego, nyingi Yehova mir udul;

Ezekiel 18:19

Ento wuwacu kumae, Pirang’o wod uyeyo kier pa won ungo? Kinde ma wod utimo gin ma cik uyio m’atira de, man eworo cik para ceke, m’etimogi de, ebikwo andha.

Ezekiel 18:2

Wuwacu ang’o, ma nia wutim lembabola maeni pi ng’om mir Israel, ma wuwac ko kumae, Wego camu nyingulok ma wac, man lak nyithindho tho nding’i?

Ezekiel 20:7

E awacu igi kumae, Kubeng’wu kubeng’wu ng’atuman ubai ginmajudagu kud i wang’e, man kud wucidru giwu ku mungu m’araga mi Misiri; an a Yehova Mungu mu.

Ezekiel 39:25

Ka kumeno Rwoth Yehova wacu kumae: Kawono abidwoko ng’eca pa Yakobo, man kisa binega kum ot mir Israel dho; man nyeko bitima kum nyinga ma leng’.

Ezekiel 8:3

Man erieyo ayi mi cing’, man emaka ku yukwia moko; e Tipo ting’a malu i die ng’om ku polo, man ekela i ginmawokiwang’ pa Mungu ba Yerusalem, ba dhugola mi dhugang’ mi lelagang’ ma yor i ie ma nen yor ariwa ma malu; ka ma kom mir ayi gin m’acwia mi nyeko ni i ie, ma nyayu nyeko.

Daniel 1:2

Man Rwoth umio Yehoiakim m’ubimo mi Yuda i cinge, karacelo kud agulu moko mi ot pa Mungu; man eterogi i ng’om mi Cinar ba ot pa mungu pare; e ekelo agulu i ot kanpiny pa mungu pare.

Daniel 3:18

Ento tek kumeno ngo, dong’ ing’ei, E ubimo, nia wabitimo ni mungu peri ngo, kadi wabirwo de ngo ni ayi gin m’acwia m’iketho cungo.

Lembe Mi Julawi 20:5

abilund ketho wang’a kum ng’atuca, man kum juode, man abikabe woko, ku dhanu ceke m’utimo tarwang’ i toke, kara utim tarwang’ ku Molek, i kind juthugi.

Lembe Mi Julawi 26:1

Kud wutim mungu m’araga iwu, kadi kud wuting’ ayi m’ang’ika malu, kadi mbegi, kadok kidi m’ang’ika de ku juketh i ng’om mu, kara wurum i bang’e: kum an a Yehova Mungu mu.

Lembe Mi Julawi 26:29

Man wubicamu ring’kum wotwu, ku ring’kum nyigwu.

Nahum 1:2

Yehova en e Mungu ma jangiri man eculo kwor; Yehova culo kwor man epong’ ku kwinyo; Yehova culo kwor wi jukwoje, man ekanu kwinyo ni judegine.

Kitabu Mir Ang’wende Pa Musa Wel 14:18

Yehova bedo yo ni ng’ecwiny, man e dit ku mer mi bero, m’eweko ko kier ku dubo; m’ebiweko dubo de ki ngo, m’eketho ko kier mi wego wi nyithindho, wi dhanum’utuk mir adege ku wi mir ang’wende.

Kitabu Mir Ang’wende Pa Musa Wel 14:33

E nyithindho mu bibedo juwoth i langa rundi pier ang’wen, man gibiyeyo asara mu, cil ma avujwu binyothre ko i langa.

Kitabu Mir Ang’wende Pa Musa Wel 25:11

Finehas, ma wod Eleazar, ma wod Harun ma jalam, uloko kwinyo para woko i kum nyithindho mir Israel, kum nyeko time ku nyeko para i kindgi, ketho nia anyotho nyithindho mir Israel ungo kum nyeko para.

Matayo 4:9

man ewacu ire kumae, Gin maeni ceke abimio iri, tek ibipodho piny irwo de i bang’a.

Yohana 15:18

Tek ng’om udaguwu, wung’eyo nia edaga ma fodi k’edaguwu ngo.

Yohana 7:7

Ng’om copo daguwu ngo; ento an edagu, kum atuco pire, nia tic pare rac.

Yohana 9:2

Man julubne gipenje, giwacu kumae, Japonji, ng’a m’udubo, ng’atuni, kadi junyodo pare, ketho junyole ma wang’e cori?

Jurumi 1:30

juyer nying’ ma rac, weg adegi ni Mungu, jucac, ju ma tingri, ku jukulula, ku jutheb dubo, ku ju ma juco ni junyodo migi,

Jurumi 8:7

kum pidoic mi kum en e adegi ku Mungu; kum e wor ungo ni cik pa Mungu, kadok acopa de ecopre ire ngo andha;

1 Jukorinto 10:22

Kadi waketh nyeko tim Rwothi? tego mwa sagu pare?

Poi Mi Cik 32:21

Ginyayu nyeko i ia ku gin ma Mungu ngo; Ginyayu ng’ecwiny i ia ku gin migi ma kite mbe: Man anyayu nyeko i igi ku ju ma gi dhanu ngo; Abinyayu ng’ecwiny i igi ku thek ma jukusegu.

Poi Mi Cik 32:41

Tek apaku palamularu para ma rieny, Man cinga maku pokolembe; Abiculo kwor kum jusendna, Man abiculo kum ju m’udaga.

Poi Mi Cik 4:24

Kum Yehova Mungu peri en e mac ma wang’, Mungu ma won nyeko.

Poi Mi Cik 5:10

m’anyutho kisa de ni dhanum’utuk rubanga ni ju m’umara man m’ugwoko cik para.

Poi Mi Cik 5:9

kud irumbri i bang’gi, katii kud itim igi; kum an, an a Yehova Mungu peri, an a Mungu ma won nyeko, m’aketho dubo mi wego wi nyithindho, man wi dhanum’utuk mir adege man mir ang’wende mi ju m’udaga;

Poi Mi Cik 6:15

kum Yehova Mungu peri i kindi en e Mungu ma won nyeko; ng’ecwiny pa Yehova Mungu peri maru opo i wii, man emaru nyothi kud i wang’ ng’om.

Poi Mi Cik 7:10

man ma culo ni ju m’udage i wang’gi, kara unyothgi: ebigalu ngo ni ng’atu m’udage, ebiculo ire i wang’e.

Yakobo 4:4

Wun wu weg gier, wung’eyo ngo nia bedo jarimb ng’om en e adegi ni Mungu? Kumeno ng’atu ma tek uyenyo ebed jarimb ng’om nwang’u ekethre gire ni jadegi pa Mungu.

Yocuwa 23:16

Ka wukadhu ku wi lembariba pa Yehova Mungu mu, m’eng’olo iwu, man wucidho wutimo ni mungu mange, man wurum giwu i bang’gi; e kwinyo pa Yehova bilund opo i kumwu, man wubinyothru pio kud i ng’om ma ber m’emio iwu.

Yocuwa 23:7

kara kud wumond i kind thek maeni, maeni m’udong’ i kindwu; kadok kud wuwec pi nying’ mungu migi, kadi kud wuketh jukwong’ kugi, kadok timo igi de, kadi kud wurum giwu i wang’gi;

Yocuwa 24:19

Man Yocuwa wacu ni dhanune kumae, Wucopo timo ni Yehova ngo; kum en e Mungu ma leng’; en e Mungu ma janyeko; ebiweko woko kier mu kadi dubo mu de ngo.

Jupoklembe 2:19

Ento etimbre, ka japoklembene tho, nia gilokri, man gitimo rac ma sagu kwarugi, ku lubo mungu mange kara gitim igi, man girum igi de; man giweko timo migi ma gitimo ngo, kadi yo migi mi camuco de giweko ngo.