Ai 20:25 - The Holy Bible In Alur (Lur) Revised Orthography

²⁵ Man tek iguro pemblam ira mi kidi, kud igure ku kidi m’apaya; kum tek iting’o umbu peri i wie, nwang’u icide.

Ai 20:25 ပူးပေါင်းရင်းမြစ်များ

1 Ubimo 6:7

Man ode, kinde ma jubegome, jugome ku kidi ma juyiko i ka ma jung’enyo ie kidi; man juwinjo ba nyondro ngo kadi lei kadi jamtic moko mi nyunyu de, kinde ma jubegome.

Ai 20:24

Tim pemblam mi ng’om ira, man ilam lam m’awang’a peri i wie, ku lam mi kwiocwiny peri, rombe peri, ku koni dhiang’ peri: ku ba ka ceke m’aketho jupoi pi nyinga i ie abibino i beng’i man abimio mugisa iri.

Ai 24:4

Man Musa goro lembe ceke pa Yehova, man eai pir kugweno, man eguro pemblam the got, ku mbegi apar wi ario, calku suru mir Israel apar wi ario.

Ezekiel 40:42

Man mesa ang’wen nuti mi lam m’awang’a, mi kidi m’apaya, kaborne bot acel ku katumbla, man kalacne bot acel ku katumbla, man kadongone bot acel; ka ma giketho i wie jamthum mi lam m’awang’a ku lam,

Yocuwa 8:31

calu Musa jatic pa Yehova ng’olo ni nyithindho mir Israel, calu egore i kitabu mi cik pa Musa, pemblam mi kidi ma jutong’o ngo, ma ng’atu moko mbe ma foduting’o nyunyu i wie: man githiero lam m’awang’a i wie ni Yehova, man gilamu lam mi kwiocwiny.