Ai 20:24 - The Holy Bible In Alur (Lur) Revised Orthography

²⁴ Tim pemblam mi ng’om ira, man ilam lam m’awang’a peri i wie, ku lam mi kwiocwiny peri, rombe peri, ku koni dhiang’ peri: ku ba ka ceke m’aketho jupoi pi nyinga i ie abibino i beng’i man abimio mugisa iri.

Ai 20:24 ပူးပေါင်းရင်းမြစ်များ

Thangambere 12:2

man abiketho ibedo thek ma dit, man abimio mugisa iri, man abiketho nyingi ubed dwong’; man ibed ni jamimugisa:

2 Samwil 6:12

Man juyero maeni ni ubimo ma Daudi, juwacu kumae, Yehova mio mugisa wi ot pa Obed-edom, ku gin ceke ma pare, ni kum sanduk pa Mungu. Man Daudi cidho man egamu sanduk pa Mungune kud i ot pa Obed-edom etere i adhura pa Daudi ku mutoro.

1 Ubimo 8:29

kara weng’i bed ayaba yo ba ot maeni diewor ku dieceng’, en e ba ka m’iwacu pire kumae, Nyinga bibedo keca; kara iwinj ba rwo ma jatic peri birwo yo ba ka maeni.

1 Ubimo 8:43

iwinj kud i polo ma kabedo peri, man itim calku gin ceke ma welo lwong’i pire; kara dhanu ceke m’i ng’om ging’ei nyingi, kara gilwori, calu dhanu peri Israel, man kara ging’ei nia ot maeni m’agomo ulwongre ku nyingi.

1 Ubimo 9:3

E Yehova wacu ire kumae, Awinjo rwo peri ku kwac peri, m’itimo i wang’a: adwoko ot maeni leng’, m’igomo, mi ketho nyinga keca mi nja; e wang’a kud adundena bibedo keca thiri thiri.

2 Ubimo 5:17

E Naman uwacu kumae, Tek ungo, ento, akwei, wek jumi ng’om ter ario ma romo kana ni jatic peri; kum ugambre kawono jatic peri bithiero kadok lam m’awang’a kadi lam de ngo ni mungu mange, ndhu ni Yehova.

2 Lemkei 12:13

Kum kumeno ubimo ma Rehoboam utegre gire i Yerusalem, man ecamu ker: kum Rehoboam rundi pare pier ang’wen wi acel kinde m’emaku camu ker, man ecamu ker rundi apar wi abiro i Yerusalem, adhura ma Yehova goyo wie kud i suru ceke mir Israel, kara eketh nyinge keca: man nying’ min mire Nama ma Nyaamoni.

2 Lemkei 6:6

ento agoyo wi Yerusalem, kara nyinga bed keca, man agoyo wi Daudi ubed wi dhanu para Israel.

2 Lemkei 7:16

Kum kawono agoyo wi ot maeni man adwoke leng’, kara nyinga bed keca mi nja; man wang’a kud adundena bibedo keca thiri thiri.

Ezra 6:12

man Mungu m’uketho nyinge bed keca eredh ubimo ceke ku suru ceke ma birieyo cing’gi kara gilok maeno, kara ginyoth ot maeni pa Mungu ma ni i Yerusalem. An a Dario atimo cik; dong’ jutime kud amora ceke.

Nehemia 1:9

ento tek wudwogo i bang’a, man wuworo lembang’ola para wutimogi de, kadok dhanu mu ma juriemo gini i kajik mi ng’et polo, ento abicokogi ku kuca, man abikelogi i ka m’afoyo, kara aketh nyinga bed keca.

Zaburi 101:2

Abitingra gira ku rieko i yo ma cu: A ibibino i bang’a awene? Abiwotho kud adundena ma cu i ot para.

Zaburi 122:2

Tiendwa cungo Yor i dhugang’ peri, E Yerusalem.

Zaburi 128:5

Yehova mi mugisa iri ku i Sayuni: Man inen bero mi Yerusalem i ceng’ m’ibedo ie kwo ceke.

Zaburi 134:3

Yehova mi mugisa iri kud i Sayuni; En e ng’atu m’utimo polo ku ng’om.

Zaburi 74:7

Gicwinyo kamaleng’ peri; Gicido kabedo mi nyingi ku redhe i ng’om.

Zaburi 76:2

Hema pare bende ni i Salem, Man kabedo pare ni i Sayuni.

Zaburi 78:68

Ento egoyo wi suru pa Yuda, Got Sayuni m’emaru.

Ai 10:25

Man Musa wacu kumae, Ibikomio lam ku lam m’awang’a bende i cingwa be, kara walam lam ni Yehova Mungu mwa.

Ai 18:12

Man Yethro, ma jalkwaru Musa, ugamu lam m’awang’a ku lam ni Mungu: e Harun ubino, ku judongo ceke mir Israel, kara gicam kwen karacelo ku jalkwaru Musa i wang’ Mungu.

Ai 20:25

Man tek iguro pemblam ira mi kidi, kud igure ku kidi m’apaya; kum tek iting’o umbu peri i wie, nwang’u icide.

Ai 24:4

Man Musa goro lembe ceke pa Yehova, man eai pir kugweno, man eguro pemblam the got, ku mbegi apar wi ario, calku suru mir Israel apar wi ario.

Ai 24:5

Man eoro awobi mi nyithindho mir Israel, m’uthiero lam m’awang’a, m’ulamu lam mi kwiocwiny de mi koni dhiang’ ni Yehova.

Ai 27:1

Man itim pemblam ku yendulu, kaborne bot abic, man kalacne bot abic; pemblamne bibedo rom rom: man kadongone bibedo bot adek.

Isaya 64:5

Irombo ku ng’atu m’anyong’a nege man m’utimo bedopwe, ju m’upoi piri i yo peri: nen, kwinyo negi, man wadubo: wabedo i igi ugambre con; e wabibothi?

Lembe Mi Julawi 17:9

man ekele ba dhugola mi hema mi cokri ngo, kara elame ni Yehova; jubikabu ng’atu maeno woko ku kind juthugi.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Matayo 18:20

Kum ka ma juario kadi adek gicokri ie karacelo i nyinga, anuti i kindgi kakeca.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Poi Mi Cik 12:11

ebilund timbre nia i ka ma Yehova Mungu mu bigoyo wie, kara eketh nyinge bed keca, e wuter gin ceke m’ang’olo iwu keca: lam m’awang’a mu, ku lam mu, man apaje mu, ku lam m’ating’a mi cingwu, ku lembang’ola mu ceke ma ber m’usagu ma wung’olo ni Yehova.

Poi Mi Cik 12:21

Tek ka ma Yehova Mungu peri bigoyo wie, kara eketh nyinge keca, ubedo bor iri m’usagu, ilund ineg kind dhok peri man kind udul rombe peri, ma Yehova mio iri, calu ang’olo iri; man icopo camu yo i dhugang’ peri, calu yeny ma cwinyi yenyo ceke.

Poi Mi Cik 12:5

Ento ka ma Yehova Mungu mu bigoyo wie kud i suru mu ceke, kara eketh nyinge keca, wuyeny cil ba kabedo pare, man icidh keca;

Poi Mi Cik 14:23

Man icam i wang’ Yehova Mungu peri, i ka m’ebigoyo wie, kara eketh nyinge bed keca, apaje mi cam peri, man mi pigulok peri ma nyasa, man mi mo peri, ku kayu mi dhok peri man mir udul rombe peri; kara imak ng’eyo lworo Yehova Mungu peri thiri thiri.

Poi Mi Cik 16:11

man anyong’a negi i wang’ Yehova Mungu peri, in, ku wodi, ku nyeri, ku jamiru peri, man bong’ peri, ku Jalawi ma ni yo i dhugang’ peri, kud umondo, ku kic, man dhaku ma cware tho, ma gini i kindi, i ka ma Yehova Mungu peri bigoyo wie, kara eketh nyinge bed keca.

Poi Mi Cik 26:2

nia ibigamu landu mwoka mi nying’ piny ceke mi ng’om, m’ibikelo m’uai i ng’om peri ma Yehova Mungu peri mio iri; e ibikethe i katoko, man ibicidho ba ka ma Yehova Mungu peri bigoyo wie, kara eketh nyinge bed keca.

Poi Mi Cik 7:13

man ebimeri, ebimio mugisa iri de, man ebimedi; ebimio mugisa bende kum kodhi m’i ii ku nying’ piny m’i ng’om peri, en e cam peri ku pigulok peri ma nyasa man mo peri, ku nyai mi lim peri man nyithindh udul rombe peri, i ng’om m’ekwong’o ni kwaru y a emi iri.

1 Timoteo 2:8

Ka kumeno ayenyo jumaco rwo ku kaka ma gini i ie ceke, giting’ ko cing’gi malu ma gi leng’, ma kwinyo ku lem piem de mbe.