Ai 20:18 - The Holy Bible In Alur (Lur) Revised Orthography

¹⁸ Man dhanu ceke neno morpolo, ku lukoth, ku dwand agwara, man got m’uthwugo yiro: e ka dhanu neno maeni, kumgi miel, man gicungo ku bor.

Ai 20:18 ပူးပေါင်းရင်းမြစ်များ

Thangambere 15:17

Man etimbre, nia, kinde ma ceng’ upodho, man mudho nuti, nen, uka mi yiro, man ridhro mi leb mac m’ubekadhu i kind ng’et maeni.

Thangambere 3:10

Man ewacu kumae, Awinjo dwendi i podho, man lworo maka, kum abedo muneru; e apondo.

Zaburi 81:7

Ilwong’o i can, man abodhi; Aloko iri lembe i ka m’ipondo ni morpolo, Amulo ii kum pi mi Meriba. [Sela.

Yeremia 23:23

An a Mungu ma ceng’ni, Yehova wacu, man Mungu ma bor ungo?

Poi Mi Cik 18:16

calku gin ceke m’iyenyo ba Yehova Mungu peri i Horeb i ceng’ mi cokri, m’iwacu kumae, Kud awinj dwand Yehova Mungu para kendo, kadok mac ma dit maeni de kud anen kendo, amaru tho.

Poi Mi Cik 4:36

Eketho iwinjo dwande kud i polo, kara eponji: man i ng’om eketho ineno mac pare ma dit; man iwinjo lembe pare kud i die mac.

Poi Mi Cik 5:23

Man etimbre, kinde ma wuwinjo dwal m’uai i die mudho, kinde ma got ubegigini ku mac, nia wucoro ceng’ni an, en e juwi suru mu ceke, ku judongo mu;

Poi Mi Cik 5:25

Ka kumeno pirang’o watho? kum mac ma dit maeni binyothowa: tek wawinjo dwand Yehova Mungu mwa kendo, e wabilund tho.

Poi Mi Cik 5:27

Icor ceng’ni, man iwinj gin ceke ma Yehova Mungu mwa biwacu: man iyer iwa gin ceke ma Yehova Mungu mwa biyero iri; e wabiwinje, man wabitime.

Poi Mi Cik 5:5

(acungo i kind Yehova ku wun i nindo maeca, kara anyuth iwu lembe pa Yehova: kum lworo negowu kum mac, man wuidho malu wi got ungo), ewacu kumae,