Ai 20:17 - The Holy Bible In Alur (Lur) Revised Orthography

¹⁷ Kud iketh cwinyi hai kum ot pa wedu, kud iketh cwinyi hai kum ci wedu, kadi kum jamiru pare, kadi kum bong’ pare, kadi dhiang’ pare, kadi kana pare, kadi gin moko ma wedu bedo ko.

Ai 20:17 ပူးပေါင်းရင်းမြစ်များ

Thangambere 14:23

nia abigamu thol kadi thondh wara de ngo kadi gin moko ma peri, imaru wacu kumae, Alonyo Abram:

Thangambere 3:6

Man ka dhakune neno nia yen ubedo ber mi cemo, man nia enyayu mutoro i wang’, man nia juketho cwiny kum yende; kara udwok jo riek, egamu kum nying’ yende, e ecamu; man emio ni cware bende ma ni karacelo kude, e ecamu.

Thangambere 34:23

Lim migi ku piny migi ku lim migi ma mi ter gibibedo mwa ngo? ndhu wayiyu igi kende, e wabibedo wakugi.

Kitabu Pa Yob 31:1

Atimo lembariba ku wang’a; Ka kumeno acopo neno nyaku ma sumba nenedi?

Kitabu Pa Yob 31:9

Tek adundena bidhre kum dhaku moko, Man apondo dhugola pa jadhugola para;

Zaburi 10:3

Kum jadubo lule kum yeny ma rac ma adunde yenyo, Man emio mugisa ni ju m’uketho cwinygi hai kum piny, ento ecayu Yehova.

Zaburi 119:36

Lok adundena ba lembatuca peri, Man kum ketho cwiny hai kum piny ungo.

Lembrieko 4:23

Gwok adundeni kud amora ceke; Kum lembe mi kwo ai i ie.

Lembrieko 6:29

Ng’atu m’umondo wi ci jadhugola pare bedo kumeca; Ng’atu ma tek umulo kume bibedo mbe send ungo.

Eklizia 4:8

Ng’atu moko nuti ma bedo kende, man mir arionde mbe ire; eyo, kadok wode kadi umin de mbe ire: ento kajik mi tic pare ceke mi muli mbe, kadok wang’e de yeng’ ungo ku lonyo. Ewacu kumae, Alund amula ku tic man atwono ng’eyong’ec paxa ku gin ma ber pi ng’a? Maeni bende en e gin ma ie nanu, eyo, en e sendri ma dit.

Isaya 33:15

Ng’atu ma wotho pwe, man ma weco atira; ng’atu m’udagu kuloka mi kuvuga, m’ukiro cinge kum gamu jamng’om, m’uculo ith kum winjo pi rimo, m’umio wang’e de kum neno wi dubo:

Isaya 57:17

Kum kwinyo nega kum kier mi ketho cwiny hai kum piny pare, e agoye; apanu wang’a man kwinyo nega; man ecikucidho ku corocen i yo mir adundene.

Yeremia 22:17

Ento weng’i kud adundeni bedo kum gin mange ngo ndhu mi ketho cwinyi hai kum piny, man mi cwiro rimo m’umbe dubo, man mi masendi, ku mi rop, nitime.

Yeremia 5:8

gibedo calu riuni ma jukaku ku cam m’uwotho swa; kubang’gi kubang’gi ng’atuman uywak tok dhaku pa wadi.

Ezekiel 33:31

Man gibino i beng’i calu dhanu bino, man gibedo i weng’wu calu dhanu para, man giwinjo lembe peri, ento gitimogi ngo; kum ginyutho mer ma dit ku dhoggi, ento adundegi cidho tok kuloka migi.

Mika 2:2

E giketho cwinygi kum pothi, man gigamugi; man udi, e gikabugi: e gisendo dhanu ku juode, en e dhanu kud aba pare.

Habakuk 2:9

Can wi ng’atu m’ugamu kuloka mi dubo mi ot pare, kara eketh ot pare malu, kara egonjre kud i cing’ mi dubo!

Matayo 20:15

Cik uyio ira ngo ya atim gin m’ayenyo ku para ma dhe? kadi weng’i bedo rac, kum an a beri?

Matayo 5:28

endre awacu iwu, nia ku ba dhanu nzu m’uneno dhaku kud awanya ma rac i kume nwang’u edaru giero gier kude ku yo i adunde.

Luka 12:15

Ewacu igi kumae, Wubed ku weng’wu, man wukuru giwu ni gin ceke mi kethocwiny hai kum piny: kum kwo pa dhanu mbe i gin m’esagre kudo.

Luka 16:14

E Jufarisayo, ma jumar sente, giwinjo gin maeni ceke; e gicaye.

Tic Mi Jukwenda 20:33

Ng’atu moko mbe m’aneno mola ma tar pare mit i wang’a, kadi mola ma kwar, kadi kendi de.

Tic Mi Jukwenda 5:4

Kinde m’eni i beng’i, nwang’u en e peri ngo? man kan idaru loke, ebedo i tego peri ngo? Iyio gino wok i adundeni pirang’o? icwayu ndra ni dhanu ngo, ento ni Mungu.

Jurumi 13:9

Kum lembe nini, Kud igier gier, Kud ineg nek, Kud ikwal kwo, Kud iketh cwinyi hai kum piny, man tek lembang’ola moko mange nuti, ecokre i lembe maeni, e eni, Ibimaru wedu calu imeri giri.

Jurumi 7:7

Wabilund yero ang’o? cik en e dubo? Awene. Ento, ang’eyo dubo ngo, tek ni kum cik ungo: kum ang’eyo kethocwiny ma hai kum piny ungo, tek cik uwacu ngo kumae, Kud iketh cwinyi hai kum piny:

1 Jukorinto 6:10

kadi jukwo, kadi ju ma ketho cwinygi hai kum piny, kadok ju ma andrej kong’o, kadi jucac, kadi weg kuvuga, gibicamu ker pa Mungu ki ngo.

Juefeso 5:3

Ento tarwang’, ku sasa ceke, ku kethocwiny hai kum piny, dong’ kud elwongre i kindwu ki, calu m’umaku jumaleng’;

Juefeso 5:5

Kum maeni wung’eyo andhandha, nia won tarwang’, kadok jasasa de, kadok ng’atu ma ketho cwinye hai kum piny, ma en e jarwo ma ni ayi gin ma acwia, umbe ku camupacu i ker pa Kristu ku pa Mungu.

Poi Mi Cik 5:21

Kadi kud iketh cwinyi kum ci wedu; kadi kud iketh cwinyi kum ot pa wedu, kadi podho pare, kadi jatic pare ma nico, kadi bong’ pare, kadi koni dhiang’ pare, kadi kana pare, kadi gin moko ma tek wedu bedo ko.

Poi Mi Cik 7:25

Ayi gin m’ang’ika mi mungu migi wuwang’ ku mac: kud iketh cwinyi kum mola ma tar kadi mola ma kwar ma ni i kumgi, kadi kud igame iri, imaru moko i ie i uwic; kum en e ginmajudagu ni Yehova Mungu peri.

Jufilipi 3:19

ma kajik migi en e nyoth, usauigi e ma mungu migi, man kulula migi ni i lewic migi, ma giketho migi pidoigi kum gin m’i ng’om.

Jukolosai 3:5

Ka kumeno wuneg wathkumwu ma gini i ng’om: tarwang’, sasa, awanya ma rac, ayiri, ku ketho cwiny hai kum piny, ma en e rwo ma ni gin m’acwia;

Juebrania 13:5

Bed agonya kum mer ma jumaru ko jukupiny; dong’ cwinywu cung kum wagi gin ma wubedo ko: kum en gire ewacu kumae, Abiweki ki ngo, kadok akuna de abikuni ki ngo.

Yocuwa 7:21

kinde m’aneno kanzu ma ber mi Babeli i kind ayeki, man cekel mi mola ma tar dak ario, man jamb mola ma kwar ma pekne cekel pier abic, e aketho cwinya i kumgi, man agamugi; man, nen, gibedo akana i ng’om i die hema para, ku mola ma tar i there.

1 Samwil 12:3

Anuti eni: wunyuth lembe i kuma i wang’ Yehova, man i wang’ ng’atu ma juwiro pare: koni dhiang’ pa ng’a m’amaku? kadi kana pa ng’a m’amaku? kadi ng’a m’avugo? ng’a m’asendo? kadi agamu jamblembe i cing’ ng’a kara uum wang’a? man abidwoke iwu.

1 Samwil 15:19

Ka kumeno nedi iworo dwand Yehova ngo, ento icori wi ayeki, man itimo gin m’ubedo rac i wang’ Yehova?