Ai 20:13 - The Holy Bible In Alur (Lur) Revised Orthography

¹³ Kud ineg nek.

Ai 20:13 ပူးပေါင်းရင်းမြစ်များ

2 Ubimo 21:16

Mange de Manase cwiro rimo dit hai ma dubone mbe, maram epong’o ko Yerusalem kun ku kun; umedo dubo pare m’eketho Yuda dubo kudo, kutimo maeno m’ubedo rac i wang’ Yehova.

2 Lemkei 24:22

Kum kumeno Yoac m’ubimo poi ungo kum bero ma Yehoiada ma won utimo ire, ento enego wode. Man kinde m’etho, ewacu kumae, Yehova nen i wie, man epenje.

Ai 21:12

Ng’atu m’ugoyo dhanu, m’uketho etho, en de jubinege andha.

Ai 21:14

Man tek ng’atu moko bino kum wadi aka, kara enege ku riu; ibikabe ku ba pemblam para, kara etho.

Ai 21:20

Man tek ng’atu moko goyo jamiru pare, kadi bong’ pare, kud ukede, man etho the cinge; jubisende andha.

Ai 21:29

Ento tek koni dhiang’ ugamu gudo con, man juyero ni won, man egwoke ngo, e kan enego ng’atu ma nico kadi ng’atu ma dhaku; jubicanyu koni dhiange ku kidi, man jubiketho won de tho.

Ai 23:7

Bed bor ku lem ndra; man ju ma lembe mbe i wigi ku ju ma pwe kud ineggi: kum abigonyo lembe ma wi judubo ngo.

Lembrieko 1:11

Tek giwacu kumae, Wacidhu wakudu, Dong’ wakenu adhi ni rimo; Dong’ wakenu adhi ling’ ni ju m’umbe dubo ma lembe mbe i kindwa wakugi;

Lembrieko 1:18

Man dhanu maeni kanu adhi ni rimbgi gigi; Gikanu adhi ling’ ni kwo migi gigi.

Isaya 26:21

Kum, nen, Yehova ai kud i kakare kara esend ju m’ubedo i ng’om kum kier migi: ng’om bende biyabu rimo pare, man ebiumo ju ma junego pare kendo ngo.

Yeremia 26:15

Ndhu wung’ei andha nia tek wunega, wubikelo rimo m’umbe dubo i wiwu giwu, man wi adhura maeni, man wi ju m’ubedo i ie de; kum andha Yehova ora i beng’wu kara ayer lembe maeni ceke i ithwu.

Lembe Mi Julawi 24:17

Man ng’atu m’ugoyo ng’atu moko mi tho, jubinege andha.

Lembe Mi Julawi 24:21

Ng’atu m’unego lim biyiko lembene: man ng’atu m’unego dhanu jubinege.

Matayo 19:18

Ewacu ire kumae, Manedi ke? Yesu wacu kumae, Kud ineg nek, Kud igier gier, Kud ikwal kwo, Kud inyuth lembe mi ndra,

Marko 10:19

Ing’eyo lembang’ola, Kud ineg nek, Kud igieri swa, kud ikwal kwo, Kud ibal abali, Kud ivug kuvuga, Yung wuru ku meru de.

Luka 18:20

Ing’eyo lembang’ola, Kud igier gier, Kud ineg nek, Kud ikwal kwo, Kud ibed jamulembe mi ndra, Yung wuru ku meru.

Tic Mi Jukwenda 16:28

Ento Paolo kok ku dwande ma tek, ewacu kumae, Kud itim gin moko i kumi: kum wan ceke wanuti keni.

Tic Mi Jukwenda 28:4

Ka dhanu ma saine gineno yedi m’uliere kum cinge, giwacu gigi kumae, Kuno nyo ng’atuni en e janek, ma, kadok eboth kud i nam, ento Pokolembe ma pwe weke ngo ebed kwo.

Jurumi 13:9

Kum lembe nini, Kud igier gier, Kud ineg nek, Kud ikwal kwo, Kud iketh cwinyi hai kum piny, man tek lembang’ola moko mange nuti, ecokre i lembe maeni, e eni, Ibimaru wedu calu imeri giri.

Jugalatia 5:21

ku kumira, ku mer ma jumer ko ku kong’o, ku miel ma rac, ku wagi gin ma kumeno de; alar apoyowu pi maeni, cil calu yang’ akoapoyowu, nia ju m’ucikutimo wagi gin ma kumeni gibicamu pacu mi ker pa Mungu ngo.

Poi Mi Cik 5:17

Kud ineg nek.

1 Timoteo 1:9

ma wang’eyo ko lembe nini, ya cik juciko ni ng’atu ma pwe ngo, ento ni ju ma juco, ku ju ma giwor ungo, man ni ju ma ayi Mungu mbe i kumgi, ku judubo bende, ni ju ma leng’ ungo, ku ju ma yero lembacidi, man ni ju ma nego wego, ku ju ma nego mego, ni ju ma nego nek,

Yakobo 2:11

Kum ng’atu m’uwacu kumae, Kud igier mon mi juwedu, e en nini e m’ewacu kumae bende, Kud ineg nek. Nie tek igiero mon mi juwedu ngo, enke inego neki, nwang’u idoko jadubo mi cik.

Yakobo 2:13

Kum pokolembe kisa pare mbe ni ng’atu m’unyutho kisa ngo: kisa behaire kum pokolembe.