Ai 2:23 - The Holy Bible In Alur (Lur) Revised Orthography

²³ Man etimbre yo ng’ei nindo maeno dupa, nia ubimo mi Misiri tho: e nyithindho mir Israel gigamu cwinygi kum ng’eca, man giywak, man ywak migi idho malu ba Mungu ni kum ng’ecane.

Ai 2:23 ပူးပေါင်းရင်းမြစ်များ

Thangambere 16:11

Man malaika pa Yehova wacu ire kumae, Nen, ii nuti, man ibinyolo nyathin ma nico; man ibilwong’o nyinge Icmael, kum Yehova winjo masendi peri.

Thangambere 4:10

Man ewacu kumae, Itimo ang’o? ba rimb umeru ywak i bang’a kud i ng’om.

Nehemia 9:9

Man ineno masendi pa kwaruwa i Misiri, e iwinjo ywak migi dhu Nam Makwar,

Kitabu Pa Yob 35:9

Kum udul mi masendi giywak; Giywagu kony ni kum bot jurukara.

Zaburi 102:1

Winj rwo para, E Yehova, Man wek ywak para bin i beng’i.

Zaburi 102:2

Kud ipan weng’i ira i ceng’ mi can para: Cik ithi i bang’a; I ceng’ m’alwong’o lok ira lembe pio.

Zaburi 12:5

Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

Zaburi 18:6

I lem ma tek para alwong’o Yehova, Man aywak ba Mungu para: Ewinjo dwanda kud i hekalu pare, Man ywak para m’i wang’e mondo i ithe.

Ai 1:14

e giketho bedo migi bedo rac ku tic ma tek, mir ulobo man biriki, man ku tic ceke de ma kwonde tung’ tung’ i thim, en e tic migi ceke, ma giketho gitimo ma tek i ie.

Ai 4:19

E Yehova wacu ni Musa i Midian kumae, Cidhi, dok i Misiri; kum dhanu ceke m’uyenyo kwo peri githo.

Ai 6:5

Man mange ke awinjo cur mi nyithindho mir Israel, ma Junaisiri ketho gibedo i ng’eca; man apoi kum lembariba para.

Ai 6:9

E Musa yero kumeni ni nyithindho mir Israel: ento giwinjo dwand Musa ngo ni kum can mi cwiny, man kum ng’eca ma tek.

Ai 7:7

Man rundi pa Musa pier abora, man rundi pa Harun pier abora wi adek, kinde ma giyero ni Farao.

Isaya 19:20

Man ebibedo ni giranyutha man ni mulembe ni Yehova mir udul i ng’om Misiri; kum gibiywak ba Yehova kum jusend, e ebioro igi jabodh, man jacungikum, e ebilarugi.

Isaya 5:7

Kum podho mir ulok pa Yehova mir udul en e ot mir Israel, man dhanu mi Yuda gi yen m’apidha pare ma ber: man egeno pokolembe, ento, nen, dim; egeno bedopwe, ento, nen, ywak.

Kitabu Mir Ang’wende Pa Musa Wel 20:16

e kinde ma waywak ba Yehova, ewinjo dwandwa man eoro malaika, e ewo dho wa kud i Misiri: man, nen, wani i Kadec, adhura ma ni i kieu peri ma wi tung’.

Tic Mi Jukwenda 7:30

E ka rundi pier ang’wen uthum malaika wok i bang’e i yamba mi got Sinai, i lebmac ma i yen m’udinyo.

Poi Mi Cik 24:15

mi sukulia ire i nindone, kadok ceng’ de kud umwony i wie (kum en e jacan, man eketho cwinye i kume); emaru ywak i wii ba Yehova, man ebed ni dubo iri.

Yakobo 5:4

Nen, sukulia mi jutic m’unyaru i podho mu, ma wutwonogi kud azindi, ubeywak: man ywak mi ju m’unyaru mondo i ith Rwoth mir udul.

Jupoklembe 4:3

E nyithindho mir Israel ulwong’o Yehova: kum ebedo ku magali mi nyunyu dak abung’wen; man esendo nyithindho mir Israel dit mi rundi pier ario.

1 Samwil 12:8

Kinde ma Yakobo bino i Misiri, man kwaruwu ywak ba Yehova, Yehova lund uoro Musa giku Harun, m’uwodho kwaruwu woko kud i Misiri, man eketho gibedo i ka maeni.

1 Samwil 9:16

Urwo unyoni abioro ng’atu acel i beng’i kud i ng’om Benyamin, e ibiwire ebed jatelwic mi dhanu para Israel; man ebibodho dhanu para kud i cing’ Jufilisti: kum aneno wi dhanu para, kum ywak migi wok i bang’a.