Ai 19:6 - The Holy Bible In Alur (Lur) Revised Orthography

⁶ e wubibedo ira ni ker mi julam, man thek ma leng’. Maeni en e lembe m’ibiwacu ni nyithindho mir Israel.

Ai 19:6 ပူးပေါင်းရင်းမြစ်များ

1 Ubimo 3:8

Man jatic peri ni i kind dhanu peri m’igoyo wigi, dhanu ma dit, ma welgi copo kwandre ngo kadok ang’eya de ni udulgi.

1 Ubimo 8:53

Kum ikoyogi ku kind kodhi dhanu ceke m’i ng’om, kara gibed ni aba peri, calu iyero ku dhu Musa ma jatic peri, kinde m’iwodho kwaruwa woko kud i Misiri, E Rwoth Yehova.

I Lemkei 17:22

Kum dhanu peri Israel idwoko ni dhanu peri mi nja; man in, Yehova, idoko Mungu migi.

Zaburi 114:2

Yuda doko ni kamaleng’ pare, Israel ke ni ker pare.

Ai 15:26

man ewacu kumae, Tek ibiwinjo dwand Yehova Mungu peri cu, man ibitimo gin m’atira i wang’e man ibieiko ithi kum lembang’ola pare, e ibiworo cik pare de ceke, abiketho tho moko i kumi ngo m’aketho i kum Jumisiri: kum an a Yehova m’ukeyo kumi.

Ai 22:31

Wubed ira ni dhanu ma leng’: ka kumeno kud wucam ring’o moko ma yedi m’i thim uyeco: wubaye ni gwogi.

Ai 28:36

Man itim ban mi mola ma kwar ma leng’, man ing’ik i wie, calu ng’ik mir ayi kumae, LENG’ NI YEHOVA.

Isaya 43:4

Kum in i gin ma pire tek i wang’a, man mi yung, man ameri; ka kumeno abimio dhanu kakeri, man kodhidhanu ka kwo peri.

Isaya 61:6

Ento jubilwong’owu julam pa Yehova; dhanu bilwong’owu jutim pa Mungu mwa: wubicamu lonyo mi thek, man wubilulu giwu ni kum dwong’ migi.

Isaya 62:12

Man gibilwong’ogi kumae, Dhanu ma leng’, man, Ju ma juwaru pa Yehova: e jubilwong’i kumae, Ng’atu ma juyenyo, man, Adhura ma juweko ngo.

Isaya 66:21

Man kindgi bende abigamu ubed julam man Julawi, Yehova wacu.

Yeremia 13:11

Kum calu thondhpier moko kum dhanu, e aketho ot mi Yuda ku ot mir Israel ceke moko i kuma kumeca, Yehova wacu; kara gibed ira ni dhanu, man ni nying’, ni pak de, man ni dwong’: ento giyenyo ngo giwinji.

Yeremia 2:3

Israel ubedo ni leng’ ni Yehova, mwoka mi nyai pare: ceke m’ucame jubinwang’u nia lembe ni i wigi; lem ma rac bipodho i wigi, Yehova wacu.

Yeremia 7:23

ento gin maeni ang’olo igi, awacu kumae, Wuwinj dwanda, e abibedo Mungu mu, man wubibedo dhanu para; man wuwoth i yo ceke m’ang’olo iwu, kara lembe bed miero iwu.

Lembe Mi Julawi 19:2

Yer ni udul mi nyithindho mir Israel ceke, man iwac igi kumae, Wubed leng’; kum an a Yehova ma Mungu mu a leng’.

Lembe Mi Julawi 20:24

Ento awacu iwu kumae, Wubigamu ng’om migi ni aba, man abimie iwu kara wumwonye, en e ng’om ma molo cak ku kic: an a Yehova Mungu mu, m’ukoyowu ni kodhidhanu.

Lembe Mi Julawi 20:26

Man wubibedo leng’ ira: kum an, an a Yehova, an a leng’ man akoyowu ku kind kodhidhanu, kara wubed para.

Lembe Mi Julawi 21:23

ento kud emond yo i kusikabongu, kadi kud ebin ceng’ni ba pemblam, kum ebedo ku mulima; kara kud ecid kamaleng’ para: kum an a Yehova m’udwokogi leng’.

Amos 3:2

Ang’eyowu wu kendwu i kind juudi ceke m’i ng’om: ka kumeno abiliewo kier mu ceke i kumwu.

Hagai 2:5

calku lembe ma waribo wakudu ka wuai kud i Misiri, man Tipona bedo i kindwu: kud wulwor.

Kitabu Mir Ang’wende Pa Musa Wel 16:3

e gicokri gigi karacelo wi Musa man wi Harun, man giwacu igi kumae, Wutedru giwu m’usagu, kum udul ceke gi leng’, kubang’gi ceke, man Yehova ni i kindgi: pirang’o wutingru giwu wi cokri pa Yehova?

Jurumi 12:1

Ka kumeno, umego, akwayuwu ku kisa pa Mungu, ya wuthier kumwu ubed ni lam ma kwo, ma leng’, ma yire ni Mungu, ma en e rwo mu mi tipo.

1 Jukorinto 3:17

Tek ng’atu moko nyotho hekalu pa Mungu, Mungu binyothe; kum hekalu pa Mungu e leng’, ma wun de wu hekalune.

Poi Mi Cik 14:21

Kud wucam kum gin moko m’utho gire kende: icopo mie ni umondo ma ni yo i dhugang’ peri, kara ecame; kadi icopo loke ba jawirok: kum in i thek ma leng’ ni Yehova Mungu peri. Kud ited nyathi die! ku cag min.

Poi Mi Cik 26:19

man kara edodi malu wi thek ceke m’etimo, ni pak, man ni nying’, man ni yung: man kara ibed dhanu ma leng’ ni Yehova Mungu peri, calu eyero.

Poi Mi Cik 28:9

Yehova biketho inyang’ ni thek ma leng’ ire gire, calu ekwong’o iri; tek ibigwoko lembang’ola pa Yehova Mungu peri, man ibiwotho i yo pare.

Poi Mi Cik 7:6

Kum in i dhanu ma leng’ ni Yehova Mungu peri: Yehova Mungu peri goyo wii kara ibed dhanu ni piny pare gire, ma sagu kodhidhanu ceke ma gini i wang’ ng’om.

1 Jutesaloniki 5:27

Ang’olo iwu ku Rwoth ya jusom waraga nini ni umego ceke.

1 Petro 2:5

wun bende, calu kidi ma kwo, wugombru wi ot mi tipo, kara wubed ni lamulam ma leng’, ma wuthiero ko lam mi tipo, ma yire ni Mungu ni kum Yesu Kristu.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.

Lembanyutha 20:6

Ng’atu m’ubedo ku maka pare i cer ma kwong’ane mugisa kwanye e leng’ de: tho mir arionde mbe ku tego wi ju maeni; endre gibibedo julam pa Mungu ku pa Kristu, man gibibimo gikugi rundi rubanga acel.

Lembanyutha 5:10

man iketho gibed ni ker ku julam de ni Mungu mwa; man gibimo bim wi ng’om.