Ai 19:5 - The Holy Bible In Alur (Lur) Revised Orthography

⁵ Ka kumeno kawono, tek wubiworo dwanda andha, man wubiworo lembariba para, e wubibedo piny para ma dhe ku kind kodhidhanu ceke: kum ng’om ceke para:

Ai 19:5 ပူးပေါင်းရင်းမြစ်များ

Thangambere 17:9

E Mungu wacu ni Ibrahim kumae, Man in, ibiworo lembariba para, in, ku kodhini yo ng’eii cil ku dhanum’utuk migi.

1 Ubimo 8:53

Kum ikoyogi ku kind kodhi dhanu ceke m’i ng’om, kara gibed ni aba peri, calu iyero ku dhu Musa ma jatic peri, kinde m’iwodho kwaruwa woko kud i Misiri, E Rwoth Yehova.

I Lemkei 17:22

Kum dhanu peri Israel idwoko ni dhanu peri mi nja; man in, Yehova, idoko Mungu migi.

Kitabu Pa Yob 41:11

Ng’a ma lar mio ira, ma nia acul wang’e ire? Gin ceke ma the polo dho en e para.

Kitabu Pa Yob 41:3

Ebitimo kwac dupa i beng’i? Kadi ebiyero lem ma mit iri?

Zaburi 135:4

Kum Yehova goyo wi Yakobo ire gire, Man Israel ni piny pare gire.

Zaburi 24:1

Ng’om en e pa Yehova, ku gin ceke m’upong’ i ie; Ng’om, ku ju m’ubedo i ie.

Zaburi 25:10

Yo pa Yehova ceke en e mer mi bero ku lemandha Ni wadi ju m’uworo lembariba pare ku lembatuca pare.

Ai 15:26

man ewacu kumae, Tek ibiwinjo dwand Yehova Mungu peri cu, man ibitimo gin m’atira i wang’e man ibieiko ithi kum lembang’ola pare, e ibiworo cik pare de ceke, abiketho tho moko i kumi ngo m’aketho i kum Jumisiri: kum an a Yehova m’ukeyo kumi.

Ai 23:22

Ento tek ibiwinjo dwande andha, man ibitimo gin ceke m’ayero; e abilund bedo jadegi mi judegini, man jasend mi jusend peri.

Ai 24:7

Man egamu kitabu mi lembariba, man esome i vut dhanu: e giwacu kumae, Wabitimo gin ceke ma Yehova wacu, man wabibedo wor.

Ai 34:9

Man ewacu kumae, Tek anwang’u bero i weng’i kawono, E Rwoth, akwei, wek Rwoth ucidh i kindwa; kum en e dhanu ma ng’utgi tek; man iwek kier mwa ku dubo mwa de woko, man ijolwa ni aba peri.

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Ai 8:22

Man abikoyo ng’om Gocen i ceng’ maeca, ma dhanu para bedo i ie, kara udul ulwang’ni moko kud ubed kuca; kara ing’ei nia an a Yehova i die ng’om.

Ai 9:29

E Musa wacu ire kumae, Kinde m’abiai kud i adhura, abithang’u cinga i wang’ Yehova; e morpolo biling’, kadok pei de bibedo nuti kendo ngo; kara ing’ei nia ng’om en e pa Yehova.

Wer Pa Suleman 8:12

Podho mir ulok para, ma en e para, eni i wang’a: In, E Suleman, ibibedo ku rubanga, Man ju m’ugwoko nyinge bibedo ku dak ario.

Isaya 1:19

Tek wuwinjo man wuworo, wubicamu gin ma ber m’i ng’om:

Isaya 41:8

Ento in, Israel, ma jatic para, Yakobo m’afoyo, kodhi pa Ibrahim ma jarimba,

Isaya 43:1

Ento kawono Yehova m’ucwii wacu kumae, E Yakobo, man ng’atu m’ung’ini, E Israel: Lworo kud unegi, kum aweri; alwong’i ku nyingi, in i para.

Isaya 56:4

Kum Yehova yero pi jumugumba m’ugwoko ceng’ sabatu para, man m’ufoyo gin ma nyayu mutoro i ia, man m’umoko kum lembariba para kumae:

Yeremia 10:16

Makapiny pa Yakobo calu maeni ngo; kum en e ma kwong’a mi gin ceke; man Israel en e suru mir aba pare: nyinge Yehova mir udul.

Yeremia 13:11

Kum calu thondhpier moko kum dhanu, e aketho ot mi Yuda ku ot mir Israel ceke moko i kuma kumeca, Yehova wacu; kara gibed ira ni dhanu, man ni nying’, ni pak de, man ni dwong’: ento giyenyo ngo giwinji.

Yeremia 7:23

ento gin maeni ang’olo igi, awacu kumae, Wuwinj dwanda, e abibedo Mungu mu, man wubibedo dhanu para; man wuwoth i yo ceke m’ang’olo iwu, kara lembe bed miero iwu.

Ezekiel 16:8

Nie kinde m’akadhu kud i beng’i, man aneno kumi, nen nindo peri en e nindo mi mer; man apedho dhu kendi para i kumi, e aumo muneru peri: eyo, akwong’o iri, man amondo i lembariba kudi, Rwoth Yehova wacu, man idoko para.

Lembe Mi Julawi 20:24

Ento awacu iwu kumae, Wubigamu ng’om migi ni aba, man abimie iwu kara wumwonye, en e ng’om ma molo cak ku kic: an a Yehova Mungu mu, m’ukoyowu ni kodhidhanu.

Amos 3:2

Ang’eyowu wu kendwu i kind juudi ceke m’i ng’om: ka kumeno abiliewo kier mu ceke i kumwu.

Amos 6:1

Can wi ju m’ubedo yo i Sayuni, man ni ju m’ubedo museme kum got mi Samaria, dhanu ma pigi yik mi thek ma kwong’a, ma ot mir Israel ubino i bang’e!

Malaki 3:17

E gibibedo para, Yehova mir udul uwacu, cu piny para ma dhe, i ceng’ m’atimo ie maeni; e kisa binega i kumgi, calu kisa nego dhanu kum wode ma dhe ma timo ire.

1 Jukorinto 10:26

kum ng’om en e pa Rwoth, ku gin ceke m’upong’ i ie de.

1 Jukorinto 10:28

Ento tek ng’atu moko wacu iwu kumae, Maeni julamu alama, kud wucam, ni kum ng’atu m’ucwe nini, man ni kum cwiny m’ubepido:

Poi Mi Cik 10:14

Nen, polo man polo m’i polo, ku ng’om, ku gin ceke ma ni i ie, en e pa Yehova Mungu peri.

Poi Mi Cik 11:27

mugisa, tek wuwinjo lembang’ola pa Yehova Mungu mu, m’ang’olo iwu tin;

Poi Mi Cik 14:2

Kum in i thek ma leng’ ni Yehova Mungu peri, man Yehova goyo wii ibed thek ni piny pare gire, ma sagu kodhidhanu ceke ma ni i wang’ ng’om.

Poi Mi Cik 14:21

Kud wucam kum gin moko m’utho gire kende: icopo mie ni umondo ma ni yo i dhugang’ peri, kara ecame; kadi icopo loke ba jawirok: kum in i thek ma leng’ ni Yehova Mungu peri. Kud ited nyathi die! ku cag min.

Poi Mi Cik 26:18

e Yehova tuco in tin nia ibed dhanu ni piny pare ma dhe, calu eng’olo iri, man nia igwok lembang’ola pare ceke;

Poi Mi Cik 26:19

man kara edodi malu wi thek ceke m’etimo, ni pak, man ni nying’, man ni yung: man kara ibed dhanu ma leng’ ni Yehova Mungu peri, calu eyero.

Poi Mi Cik 28:1

Man ebitimbre, tek ibiwinjo dwand Yehova Mungu peri cu, man ibiketho cwinyi kum timo lembang’ola pare ceke m’ang’olo iri tin, nia Yehova Mungu peri bidodi malu wi thek ceke m’i ng’om:

Poi Mi Cik 28:9

Yehova biketho inyang’ ni thek ma leng’ ire gire, calu ekwong’o iri; tek ibigwoko lembang’ola pa Yehova Mungu peri, man ibiwotho i yo pare.

Poi Mi Cik 4:20

Ento Yehova gamuwu, man ewodhowu woko kud i uka mi nyunyu, kud i Misiri, kara wubed ire ni dhanu mir aba, calu i ceng’ ma tin.

Poi Mi Cik 5:2

Yehova Mungu mwa timo lembariba kudwa i Horeb.

Poi Mi Cik 7:6

Kum in i dhanu ma leng’ ni Yehova Mungu peri: Yehova Mungu peri goyo wii kara ibed dhanu ni piny pare gire, ma sagu kodhidhanu ceke ma gini i wang’ ng’om.

Poi Mi Cik 9:29

Ento gi dhanu peri man aba peri, m’iwodho ku tegoni ma dit man ku boti m’arieya.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 11:8

Ni kum yioyic, ka julwong’o Ibrahim, eyio ecidh i ka m’ebijolo ni aba; man ecidho, m’eng’eyo ka m’ecidho i ie ngo.

Juebrania 8:9

Ma calku lembariba m’atimo ku weggi ngo I ceng’ m’amakugi ku cing’ apeyo kogi woko kud i ng’om Misiri; Kum gibedo asu ngo i lembariba para, Man aparu pigi ngo, Rwoth uwacu.

Yocuwa 24:24

E dhanune wacu ni Yocuwa kumae, Wabitimo ni Yehova Mungu mwa, man wabiwinjo dwande.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

1 Samwil 15:22

Man Samwil uwacu kumae, Lam m’awang’a man lam nyayu mutoro ma dit i Yehova, ma calu woro dwand Yehova? Nen, woro e ber ma sagu lam, man winjo e ber ma sagu mio mi nyogi rombe.