Ai 19:21 - The Holy Bible In Alur (Lur) Revised Orthography

²¹ E Yehova wacu ni Musa kumae, Lor piny, ng’ol lembe ni dhanu, gimaru ng’enyo yo ba Mungu kara ginen, man kindgi dupa maru tho.

Ai 19:21 ပူးပေါင်းရင်းမြစ်များ

Ai 3:3

E Musa wacu kumae, Abilokra cen kawono, man abineno giranena ma dit maeni, nedi yen m’udinyo wang’ ungo.

Ai 3:5

Man ewacu kumae, Kud icor ceng’ni keni: wodh wara peri kud i tiendi, kum ka m’icungo i ie en e ng’om ma leng’.

Ai 33:20

Man ewacu kumae, Icopo neno wang’a ngo; kum dhanu binena ngo man ekwo.

Eklizia 5:1

Gwok tiendi kinde m’icidho i ot pa Mungu; kum eoro ceng’ni niwinjo e ber ma sagu mio lam mi jukusegu: kum ging’eyo ngo nia gitimo rac.

Kitabu Mir Ang’wende Pa Musa Wel 4:15

Man kinde ma Harun ku wote gidaru umo kamaleng’, ku jamni ceke mi kamaleng’, kinde ma gonjo maku tugo woth; yo ng’ei maeno, wot Kohath bibino yeye: ento gibimulo kum gin ma leng’ ungo, gimaru tho. Gin maeni en e ter mi wot Kohath i hema mi cokri.

Kitabu Mir Ang’wende Pa Musa Wel 4:18

Kud wukab suru mi wat mi Jukohathi ku kind Julawi;

Kitabu Mir Ang’wende Pa Musa Wel 4:19

ento wutim kumae i kumgi, kara gibed kwo, man ku githo, kinde ma gibino ceng’ni ba gin ma leng’ m’usagu: Harun ku wote bimondo, man gibikethogi kubang’gi kubang’gi ng’atuman ba tic pare man ba ter pare;

Kitabu Mir Ang’wende Pa Musa Wel 4:20

ento gibimondo nineno kamaleng’ kadok nyathigi de ngo, gimaru tho.

Poi Mi Cik 5:5

(acungo i kind Yehova ku wun i nindo maeca, kara anyuth iwu lembe pa Yehova: kum lworo negowu kum mac, man wuidho malu wi got ungo), ewacu kumae,

1 Samwil 6:19

Man egoyo kind dhanu m’i Beth-cemec, kum gineno i sanduk pa Yehova, e egoyo kind dhanune pier abiro, man dhanu rubanga pier abic; e dhanune giywak, kum Yehova goyo dhanune ku nek ma dit.