Ai 18:25 - The Holy Bible In Alur (Lur) Revised Orthography

²⁵ Man Musa goyo wi dhanu ma cu ku kind Israel ceke, man ekethogi ni wie wi dhanu, jego mi rubanga, jego mi dak, jego mi pier abic, man jego mir apar.

Ai 18:25 ပူးပေါင်းရင်းမြစ်များ

Thangambere 47:6

ng’om Misiri ni i weng’i; keth wuru ku utumeru gibed i ng’om ma ber m’usagu; wek gibed i ng’om Gocen: man tek ing’eyo dhanu ma cu i kindgi, keth gibed jubim wi lim para.

2 Samwil 18:1

E Daudi kwanu dhanu ma gini kude, man eketho jego mi rubanga man jego mi dak i wigi.

Ai 18:21

Man ke ibinwang’u dhanu ma cu kud i kind dhanu ceke, wadi dhanu ma julwor Mungu, dhanu mandha, m’udagu azindi; man ibiketho wadi joni i wigi, kara gibed ni jego wi rubanga, jego wi dak, jego wi pier abic, man jego mir apar:

Ai 18:24

Kum kumeno Musa winjo dwand jalkwaru mire, man etimo ceke m’ewacu.

Kitabu Mir Ang’wende Pa Musa Wel 1:16

Maeni gi dhanu mir udul ma julwong’ogi, gi judongomawijo mi suru pa weggi; gi juwi rubanga mir Israel.

Kitabu Mir Ang’wende Pa Musa Wel 1:4

Man ng’atu acel mi suru kubang’e kubang’e bibedo karacelo kudu; ku ba juwiudi mi weggi.

Kitabu Mir Ang’wende Pa Musa Wel 11:16

Man Yehova wacu ni Musa kumae, Cok dhanu pier abiro i bang’a mi judongo mir Israel, m’ing’eyo gi judongo mi dhanu, ku jego i wigi; man ikelgi ba hema mi cokri, kara gicung kuca karacelo kudi.

Tic Mi Jukwenda 6:5

E lembe nini maku i udul dhanu ceke: e gidong’ gigoyo wi Stefano, m’e ng’atu ma yioyic ku Tipo Maleng’ bende rome, man Filipo, ku Prokoro man Nikanor, ku Timoni, man Parmena, giku Nikolao ma ng’atu ma Antiokia ma juloko wang’e;

Poi Mi Cik 1:15

Kum kumeno agamu judongo mi suru mu, dhanu ma riek, ma jung’eyo de, man akethogi ni judongo i wiwu, jego mi rubanga, man jego mi dak, man jego mi pier abic, man jego mir apar, man juwitic, calku suru mu.