Ai 18:20 - The Holy Bible In Alur (Lur) Revised Orthography

²⁰ man ibiponjogi ku lembang’ola ku cik, man ibinyutho igi yo ma maku giwoth i ie man tic ma maku gitim.

Ai 18:20 ပူးပေါင်းရင်းမြစ်များ

Zaburi 143:8

Keth awinj mer mi bero peri kugweno; Kum ageno in: Keth ang’ei yo m’awoth i ie; Kum ating’o ng’eyong’ec para i beng’i.

Zaburi 32:8

Abidwoki riek man abiponji ku yo m’ibiwotho i ie: Abimio iri rieko lembe ku wang’a ma ni i wii.

Ai 18:16

kinde ma gibedo ku lembe gibino i bang’a; man apoko lembe i kind dhanu ku jadhugola pare, man aketho ging’ei lembang’ola pa Mungu, ku cik pare.

Isaya 30:21

e ithi biwinjo lembe yor i ng’ei, m’uwacu kumae, Maeni yo, wuwoth i ie; kinde ma wulokru yo ku cing’ ma yor acwic, man kinde ma wulokru yor acam.

Yeremia 42:3

kara Yehova Mungu peri nyuth iwa yo ma maku wawoth i ie, man gin ma maku watim.

Yeremia 6:16

Yehova wacu kumae, Wucung i yo man wunen, wupenj de pi yo ma con, ma yo ma ber ni i ie; man wuwoth i ie, e wubinwang’u yom ni ng’eyong’ec mu: ento giwacu kumae, Wabiwotho i ie ngo.

Ezekiel 3:17

Wod dhanu, adwoki ni jakur mi ot mir Israel: ka kumeno winj lembe m’i dhoga, man ipoigi ira.

Mika 4:2

Man thek dupa bicidho man gibiwacu kumae, Wubin, wacidhu waidhu ba got pa Yehova, man ba ot pa Mungu pa Yakobo; e ebiponjo wa ku yo pare, man wabiwotho i yo pare. Kum cik biwok kud i Sayuni, man lembe pa Yehova kud i Yerusalem;

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

Marko 13:34

En e calu ng’atu moko, m’uci wotho i ng’om mange, m’eweko ot pare, m’emio ng’ol de ni jumiru pare, ni ng’atuman tic pare man tic pare, eng’olo ni jakurdhugola de nia eki.

Poi Mi Cik 1:18

Man ang’olo iwu i nindo maeca gin ceke ma maku wutim.

Poi Mi Cik 4:1

Man kawono, E Israel, wuwinj cik man lembapoka, m’aponjo kowu, kara wutimgi; kara wubed kwo, man wumond wumwony ng’om ma Yehova, Mungu pa kwaruwu, umio iwu.

Poi Mi Cik 4:5

Nen aponjowu ku cik man lembapoka, cil calu Yehova Mungu para ng’olo ira, kara wutim kumeno i kind ng’om ka ma wumondo i ie kara wumwonye.

Poi Mi Cik 5:1

E Musa lwong’o Israel ceke, man ewacu igi kumae, E Israel, winj cik ku lembapoka m’ayero i ithwu tin, kara wumak ng’eyogi, man wuketh cwinywu nitimogi.

Poi Mi Cik 5:27

Icor ceng’ni, man iwinj gin ceke ma Yehova Mungu mwa biwacu: man iyer iwa gin ceke ma Yehova Mungu mwa biyero iri; e wabiwinje, man wabitime.

Poi Mi Cik 7:11

Ka kumeno igwok lembang’ola, ku cik, ku lembapoka, m’ang’olo iri tin, kara itimgi.

1 Jutesaloniki 4:1

Aha a, umego, wakwayuwu man wajukowu i Rwoth Yesu, nia, calu wujolo i bang’wa maram maku wuwoth ko wunyai ko mutoro i Mungu, cil calu wubewotho, kara wusegru kendo kendo.

1 Samwil 12:23

Mange ke pi an, dong’ ebed bor i kuma nia adub ni Yehova kuweko rwo piwu: ento abiponjowu i yo ma ber m’atira de.