Ai 18:12 - The Holy Bible In Alur (Lur) Revised Orthography

¹² Man Yethro, ma jalkwaru Musa, ugamu lam m’awang’a ku lam ni Mungu: e Harun ubino, ku judongo ceke mir Israel, kara gicam kwen karacelo ku jalkwaru Musa i wang’ Mungu.

Ai 18:12 ပူးပေါင်းရင်းမြစ်များ

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 26:25

Man eguro pemblam keca, e elwong’o nying’ Yehova, man eguro hema pare keca: e jutic pa Isak gitong’o kulo m’atong’a keca.

Thangambere 26:30

E etimo igi agba, man gicamu gimadhu de.

Thangambere 31:54

Man Yakobo thiero lam wi got, man elwong’o utumin mire ni camu kwen: e gicamu kwen, man gibedo diewor soro wi got.

Thangambere 4:4

Man Habil bende, utero nyithi rombe ma kayu mir udul rombe pare ku mione. Man Yehova foyo Habil ku girathiera pare:

Thangambere 43:25

E giyiko giramia kum bino pa Yusuf ma dieceng’: kum giwinjo nia gibicamu kwen keca.

Thangambere 8:20

Man Noa guro pemblam ni Yehova, man egamu kum lim ma leng’ kubang’e kubang’e, man kum winyo ma leng’ kubang’e kubang’e, man ethiero lam m’awang’a wi pemblamne.

2 Samwil 9:7

E Daudi wacu ire kumae, Lworo kud unegi; kum abinyutho bero iri andha ni kum Yonathan ma wuru, man abidwoko ng’om ceke ma pa Saul i beng’i; man ibicamu kwen dhu mesa para thiri thiri.

2 Lemkei 30:22

E Hezekia yero lemjuk ni Julawi ceke ma gibedo ku ng’eyong’ec ma ber i timotim pa Yehova. Kum kumeno gicamu i agba ceke mi ceng’ abiro, ma gibethiero lam mi kwiocwiny, ma gibetuco de ni Yehova, Mungu pa kwaru migi.

Kitabu Pa Yob 1:5

E etimbre, kinde ma ceng’ mir agba migi rombo, nia Yob uoro man edwokogi leng’, man eai pir kugweno, e ethiero lam m’awang’a calku welgi ceke: kum Yob uwacu kumae, Kuno nyo wota dubo, man gicayu Mungu ku yor i adundegi. Yob utimo kumeno thiri thiri.

Kitabu Pa Yob 42:11

Utumin mire ceke gilund gibino i bang’e, man nyimin mire ceke, ku dhanu ceke ma naka gibedo i lela pare, man gicamu kwen karacelo kude i ot pare: e giywage, man gijuke kum lem ma rac ceke ma Yehova kelo i wie: man ku ba dhanu ceke bende ng’atuman umio ire ng’et mola ma tar man ku ba dhanu ceke ng’atu man lagith mi mola ma kwar.

Kitabu Pa Yob 42:8

Ka kumeno kawono, wugam thwoni dhiang’ abiro iwu man nyogi rombe abiro, man wucidh ba jatic para ma Yob, man wuthier lam m’awang’a piwu giwu; man jatic para ma Yob bikwayu piwu; kum abiyio en, kara kud atim i kumwu calku kasegu mu; kum wuyero pira gin m’atira ngo, calu jatic para ma Yob uyero.

Ai 18:13

Man etimbre urwone, nia Musa bedo kara epok lembe ni dhanu: e dhanune gicungo ba Musa ugambre kugweno cil uthieno.

Ai 2:16

Nwang’u jalam mi Midian ubedo ku nyige abiro: man gibino nitwomo pi, man gipong’o wer kara udul rombe pa weggi madhi.

Ai 2:20

Man ewacu ni nyige kumae, Eni kani? nedi wuweko ng’atuca? wulwong’e, kara ecam cemo.

Ai 20:24

Tim pemblam mi ng’om ira, man ilam lam m’awang’a peri i wie, ku lam mi kwiocwiny peri, rombe peri, ku koni dhiang’ peri: ku ba ka ceke m’aketho jupoi pi nyinga i ie abibino i beng’i man abimio mugisa iri.

Ai 24:11

Man eketho cinge wi judongo mi nyithindho mir Israel ungo: e gineno Mungu, man gicamu gimadhu de.

Ai 24:5

Man eoro awobi mi nyithindho mir Israel, m’uthiero lam m’awang’a, m’ulamu lam mi kwiocwiny de mi koni dhiang’ ni Yehova.

Ai 3:1

Nwang’u Musa bekwayu udul rombe pa Yethro ma jalkwaru mire, ma jalam mi Midian: man etelo wi udul rombe yo ng’ei langa, man ewok kum got pa Mungu, kum Horeb.

Ai 33:7

Nie en e kura Musa ya egam hema man egure i ng’ei kagonjo, cen ku kagonjo; man elwong’e kumae, Hema mi cokri. Man etimbre, nia ku ba dhanu ceke m’uyenyo lembe ba Yehova ecidho woko ba hema mi cokri, ma ni i ng’ei kagonjo.

Daniel 10:3

Acamu kwen ma mit ungo, kadok ring’o kadi pigulok de gimondo i dhoga ngo, kadi mo de awiro ki ngo, maram yenga adek uthum ko.

Kitabu Mir Ang’wende Pa Musa Wel 10:29

E Musa wacu ni Hobab, ma wod Reuel ma Jamidiani, ma jalkwaru Musa kumae, Wabecidho i ka ma Yehova wacu pire kumae, Abimie iwu: bin wacidhu wakudu, man wabitimi ber; kum Yehova yero ber pir Israel.

Luka 14:1

Man etimbre, kan emondo i ot pa ng’atu acel ma kind jubim mi Jufarisayo i ceng’ sabatu nicamu kwen, nia gibekenge.

Luka 14:15

Ka ng’atu acel m’i kind ju m’ubedo dhu cam karacelo kude winjo gin maeno, ewacu ire kumae, Mugisa ni ng’atu ma bicamu kwen i ker pa Mungu.

1 Jukorinto 10:18

Nen Israel ma ku kum: gi ju ma gicamu giralama gi juriblembe giku pemblam ungo?

1 Jukorinto 10:21

Wucopo madhu kikombe pa Rwoth, ku kikombe mi pajogi de ngo: wucopo ng’wenyo ngo wi par pa Rwoth, ku wi par mi pajogi de.

1 Jukorinto 10:31

Ka kumeno kadok wucamu, kadi wumadhu, kadi gin ceke ma tek wutimo, wutim ceke ni dwong’ pa Mungu.

Poi Mi Cik 12:7

e wucam keca i wang’ Yehova Mungu mu, e anyong’a negwu kum gin ceke ma wuketho cingwu i kume, wun ku juudiwu, ma Yehova Mungu peri mio mugisa iri i ie.

Poi Mi Cik 27:7

man ilam girathiera mi kwiocwiny, man icam kuca; e anyong’a negi i wang’ Yehova Mungu peri.