Ai 16:8 - The Holy Bible In Alur (Lur) Revised Orthography

⁸ E Musa wacu kumae, Maeni bibedo, kinde ma Yehova bimio ring’o uthieno wucam, man kwen kugweno wuyeng’ ko; kum Yehova winjo ng’ur mu ma wung’ur ko i kume: man wan wa ng’a? ng’ur mu en e i kumwa ngo, ento i kum Yehova.

Ai 16:8 ပူးပေါင်းရင်းမြစ်များ

Ai 16:12

Awinjo ng’ur mi nyithindho mir Israel: yer igi, wac kumae, Uthieno wubicamu ring’o, man kugweno wubiyeng’ ku kwen; man wubing’eyo nia an a Yehova Mungu mu.

Ai 16:9

E Musa wacu ni Harun kumae, Wac ni udul ceke mi nyithindho mir Israel kumae, Wucor ceng’ni Yehova; kum ewinjo ng’ur mu.

Ai 17:2

Kum kumeno dhanu gidhau ni Musa, man giwacu kumae, Mi iwa pi kara wamadhi. E Musa wacu igi kumae, Nedi wudhau ira? nedi wubidho Yehova?

Isaya 32:6

Kum jakasegu biyero lem ma kite mbe, man cwinye bitimo kier, kara ecikutimo lembacidi, man kara eyer kier kum Yehova, kara eketh ng’eyong’ec mi ju ma kec unegogi bed ma ie nanu, man kara eketh giramadha mi ju ma rieu benegogi ujiki.

Isaya 37:29

Kum kwinyo peri m’i kuma, man kum tingri peri idho malu i itha, ka kumeno abiketho gol para i umi, man jamtwiny para i dendhogi, man abiloki cen i yo m’ibino i ie.

Kitabu Mir Ang’wende Pa Musa Wel 11:18

Man iwac ni dhanu kumae, Wudwokru giwu leng’ mir urwo, e wubicamu ring’o; kum wuywak i ith Yehova, wuwacu kumae, Ng’a ma bimio ring’o iwa wacami? kum wabedo ber ku i Misiri: ka kumeno Yehova bimio iwu ring’o, e wubicamu.

Kitabu Mir Ang’wende Pa Musa Wel 14:27

Abitwio cwinya rokani kum udul ma rac maeni, m’ung’ur i kuma? A winjo ng’ur mi nyithindho mir Israel, ma ging’ur ko i kuma.

Kitabu Mir Ang’wende Pa Musa Wel 21:7

E dhanu bino ba Musa, man giwacu kumae, Wadubo, kum waweco rac kum Yehova, man i kumi; kwai Yehova, kara ekab thwol woko kud i bang’wa. E Musa rwo pi dhanune.

Matayo 10:40

Ng’atu m’ujolowu nwang’u ejolo an, man ng’atu m’ujolo an nwang’u ejolo ng’atu m’uora.

Matayo 9:4

E Yesu m’ung’eyo pidoic migi ewacu kumae, Adundewu bepido gin ma rac nedi?

Luka 10:16

Ng’atu m’uwinjowu nwang’u ewinjo an; ng’atu m’ukwerowu nwang’u ekwero an; man ng’atu m’ukwero an nwang’u ekwero ng’atu m’uora.

Yohana 13:20

Andhandha, awacu iwu, ng’atu m’ujolo ng’atu m’aoro nwang’u ejolo an; man ng’atu m’ujolo an nwang’u ejolo ng’atu m’uora.

Jurumi 13:2

Ka kumeno ng’atu m’ujai ni won tego, meca ejai kum lembang’ola pa Mungu: man ju m’ujai gibinwang’u lembapoka i wigi gigi.

1 Jukorinto 10:10

Kadi kud wung’ur calu jumoko m’i kindgi ging’ur, man githo ni janyoth piny.

1 Jutesaloniki 4:8

Ka kumeno ng’atu m’ukwero, meca ekwero dhanu ngo, ento Mungu, m’emio Tipo Maleng’ pare iwu.

1 Samwil 8:7

E Yehova wacu ni Samwil kumae, Winj dwand dhanu i gin ceke ma giwacu iri; kum gikweri ngo, ento gikwera, kara kud abed ni ubimo i wigi.