Ai 16:3 - The Holy Bible In Alur (Lur) Revised Orthography

³ man nyithindho mir Israel uwacu igi kumae, Esagu tek watho i cing’ Yehova i ng’om Misiri, kinde ma wabedo dhu agulu mi ring’o, kinde ma wacamu kwen wayeng’; kum wukelowa i langa maeni, kara wuneg cokri maeni ceke ku kec.

Ai 16:3 ပူးပေါင်းရင်းမြစ်များ

2 Samwil 18:33

E can unego ubimo dit, man eidho malu i kusika wi dhugang’, e eywak: man kan ebewotho, ewacu kumae, E woda Absalom, woda, woda Absalom! mundo atho kakeri, E Absalom, woda, woda!

Kitabu Pa Yob 3:1

Yo ng’ei maeni Yob ualu dhoge, man ekwong’o ceng’ pare.

Kitabu Pa Yob 3:10

Kum eciko dhugola mi ii ma ngo, Kadi epanu can de ngo kud i wang’a.

Kitabu Pa Yob 3:20

Pir ang’o der umire ni ng’atu ma ni i ndiba, Man kwo ni ng’eyong’ec ma kec;

Zaburi 107:5

Ma kec ku rieu de negogi, Ng’eyong’ec migi voc yor i igi.

Zaburi 78:19

Eyo, giyero lembe kum Mungu; Giwacu kumae, Mungu copo yiko mesa i langa

Zaburi 78:25

Dhanu camu kwen pa ng’atu ma tek: Eoro igi cemo mi yeng’o.

Ai 14:11

E giwacu ni Musa kumae, Kum liel umbe i Misiri, ketho ikabuwa woko kara watho i langa? pirang’o itimo kumeni i kumwa, m’iwodho kowa woko ku i Misiri?

Ai 17:3

E rieu pi nego dhanu keca; e dhanune ging’ur kum Musa, man giwacu kumae, Pirang’o iwodhowa ku i Misiri, kara inegwa ku nyithindho mwa ku lim mwa ku rieu pi?

Ai 2:23

Man etimbre yo ng’ei nindo maeno dupa, nia ubimo mi Misiri tho: e nyithindho mir Israel gigamu cwinygi kum ng’eca, man giywak, man ywak migi idho malu ba Mungu ni kum ng’ecane.

Ai 5:21

e giwacu igi kumae, Yehova nenwu, man epok lembe; kum wuketho judagu ng’wicwa i wang’ Farao man i wang’ jutic pare, m’uketho palamularu i cing’gi kara unegwa.

Yeremia 2:6

Kadi giwacu kumae ngo, Yehova ni kani m’uwodhowa kud i ng’om Misiri, m’utelo wiwa kud i langa, kud i ng’omngele man mi vur, kud i ng’om mi ndru man mi tipo mi tho, kud i ng’om ma ng’atu moko kadhu kud i ie ngo, man ka ma ng’atu moko mbe m’ubedo i ie?

Yeremia 42:14

ma wuwacu ko kumae, Ungo; ento wabicidho i ng’om Misiri, ka ma wabineno ie ali ngo, kadi wabiwinjo badwal mir agwara de ngo, kadi kec mi kwen de binego wa ngo: e wabibedo kuca:

Yeremia 44:17

Ento wabitimo lembe ceke kubang’e kubang’e andha m’uai woko kud i dhogwa, mi wang’u udok ma ng’wice ng’ar ni dhaku m’ubimo m’i polo, man mi konjo lam m’amadha ire calu watimo, wan ku kwaruwa, ju m’ubimo mwa ku judongomawijo mwa, i adhura mi Yuda, man i gengi mi Yerusalem; kum i nindo maeca wabedo ku cemo m’uromo, man kumwa leng’, man waneno lem ma rac ungo.

Ywak 4:9

Ju ma junego ku palamularu ber sagu ju ma junego ku kec; Kum maeni gimok gital, gigwendri, kum can mi nying’ podho m’unegogi.

Kitabu Mir Ang’wende Pa Musa Wel 11:15

Man tek itima kumeni, akwei, nega pii wang’ acel, tek anwang’u bero i weng’i; man kud iyi anen can para.

Kitabu Mir Ang’wende Pa Musa Wel 11:20

ento dwi dho, cil m’ewok woko kud i odiumwu, man ebedo ni ginmajudagu iwu; kum wukwero Yehova ma ni i kindwu, man wuywak i wang’e, wuwacu kumae, Nedi waai woko kud i Misiri?

Kitabu Mir Ang’wende Pa Musa Wel 14:2

E nyithindho mir Israel ceke ging’ur kum Musa man kum Harun: man udul ceke giwacu igi kumae, Maku watho i ng’om Misiri! kadi maku watho i langa maeni!

Kitabu Mir Ang’wende Pa Musa Wel 14:3

Man Yehova kelowa i ng’om maeni mir ang’o, kara wapodh ku palamularu? Mondwa ku nyithindhwa ma thindho gibibedo ni ayeki: e ber iwa ma sagu ngo ya wadok i Misiri?

Kitabu Mir Ang’wende Pa Musa Wel 16:13

en e gin ma nok nia iwodhowa kud i ng’om ma molo cak ku kici, kara inegwa i langa, ento idong’ idodri gin bende ni jaditmawijo i wiwa?

Kitabu Mir Ang’wende Pa Musa Wel 16:41

Ento urwone udul ceke mi nyithindho mir Israel, ging’ur kum Musa man kum Harun, giwacu kumae, Wunego dhanu pa Yehova.

Kitabu Mir Ang’wende Pa Musa Wel 21:5

Man dhanu weco rac kum Mungu, man kum Musa kumae, Pirang’o wuwodhowa woko ku i Misiri kara watho i langa? kum kwen umbe, pi de mbe; man ng’eyong’ec mwa dagu kwen ma yot maeni.

Tic Mi Jukwenda 26:29

Man Paolo wacu kumae, Ayenyo ba Mungu, nia kadok ku ma nyanok kadi ku ma dit de, in kendi ngo, ento ku dhanu ceke bende ma giwinja tinuni, gidok calu an, ku twic re ngo.

1 Jukorinto 4:8

Wudaru yeng’, wudaru doko julonyo, wumaku camu ker ma wambe: eyo an de ayenyo ya wucam ker, kara wan bende wacam ker wakudu.

2 Jukorinto 11:1

Wukowutwi cwinywu i kuma tundu kum wec ma nok ma kite mbe: ento wutwio cwinywu i kuma andha.

Poi Mi Cik 28:67

Kugweno ibiwacu kumae, Mundo ande ebed uthieno ba! man uthieno ibiwacu kumae, Mundo ande ebed kugweno ba! ni kum lworo mir adundeni ma binegi, man ni kum nen mi weng’i m’ibineno.

Poi Mi Cik 8:3

E ejwigi, eyio de ya kec unegi, man ekeki ku mana, m’ing’eyo ngo, kadok kwaru de ging’eyo ngo; kara eketh ing’ei nia dhanu bedo kwo ku cam kende ngo, ento ku gin ceke m’uai dhu Yehova e ma dhanu bedo kudo kwo.

Yocuwa 7:7

Man Yocuwa wacu kumae, Aka, E Rwoth Yehova, nedi ikelo dhanu maeni loka Yordan, kara imiwa i cing’ Juamori, uketh warwinyi? a mundo ande wayi wabed loka Yordan ba!