Ai 16:15 - The Holy Bible In Alur (Lur) Revised Orthography

¹⁵ E kinde ma nyithindho mir Israel ginene, giwecri gigi kumae, En e ang’o? kum ging’eye ngo. E Musa wacu igi kumae, En e kwen ma Yehova mio iwu wucam.

Ai 16:15 ပူးပေါင်းရင်းမြစ်များ

Nehemia 9:15

man imio igi kwen m’uai i polo ni kec migi, man iwodho pi igi kud i cana ni rieu migi, e ing’olo igi nia gimond gimwony ng’om J m’ikwong’o ya imi igi.

Nehemia 9:20

Imio Tipo peri ma ber bende kara uponjgi, man itwonogi ku mana peri ngo i dhoggi, man imio igi pi ni rieu migi.

Zaburi 105:40

Gipenjo, man ekelo aywer, Man eyeng’ogi ku kwen m’i polo.

Zaburi 78:24

Man ekonjo mana i wigi gicam, Man emio igi cemo kud i polo.

Ai 16:31

Man juot mir Israel ulwong’o nyinge Mana: man e calu nying’ cam moko, e tar; man midone calu kwen ma jung’ino ku kic.

Ai 16:33

E Musa wacu ni Harun kumae, Gam tabu, man iketh mana asisa acel i ie, man ikane i wang’ Yehova, kara jugwoke cil kum dhanum’utuk mu.

Ai 16:4

Yehova lund uwacu ni Musa kumae, Nen, abicoro kwen iwu kud i polo; e dhanu biwok woko man gibikwanyu maka mi ceng’ acel ku ba rupiny ku ba rupiny, kara amul igi, tek gibiwotho i cik para, kadi ungo.

Lembrieko 9:5

Wubin, wucam kwen para moko, Man wumadh pigulok m’ajeba.

Kitabu Mir Ang’wende Pa Musa Wel 21:5

Man dhanu weco rac kum Mungu, man kum Musa kumae, Pirang’o wuwodhowa woko ku i Misiri kara watho i langa? kum kwen umbe, pi de mbe; man ng’eyong’ec mwa dagu kwen ma yot maeni.

Luka 12:30

Kum gin maeni ceke thek m’i ng’om giyenyo: ento Wegwu ng’eyo nia can gin maeni ceke ni i kumwu.

Yohana 6:49

Yang’ wegwu camu mana i yamba, man githo.

Yohana 6:58

Maeni kwen m’uai i polo loro piny: calu ma yang’ wego camu ngo, man githo; ng’atu m’ucamu kwen maeni re bibedo rondo ku rondo.

1 Jukorinto 10:3

man ke kagi ceke gicamu cemo mi tipo ma calacel;

Poi Mi Cik 8:16

m’ukeki ku mana i langa, ma kwaru ng’eyo ngo: kara ejwigi, man kara emul ii, kara etimi ber i kajik peri ma cen:

Poi Mi Cik 8:3

E ejwigi, eyio de ya kec unegi, man ekeki ku mana, m’ing’eyo ngo, kadok kwaru de ging’eyo ngo; kara eketh ing’ei nia dhanu bedo kwo ku cam kende ngo, ento ku gin ceke m’uai dhu Yehova e ma dhanu bedo kudo kwo.

Juebrania 9:4

ma ie ju pemblam mi mola ma kwar mi gin ma ng’wice ng’ar, ku sanduk mi lembariba ma jumwono mola ma kwar gbur i kume ma ie ju alibi mi mola ma kwar ma ie ju mana, man musonglo pa Harun m’uloth, man ban mi lembariba;

Yocuwa 5:12

E dhu mana jik ndhu urwone, yo ng’ei cam m’i ng’om maeno ma gicamu; e nyithindho mir Israel ubedo ku mana kendo ngo: ento gicamu cam m’i ng’om Kanan rundi nica.

Lembanyutha 2:17

Ng’atu ma ithe nuti, dong’ ewinj gin ma Tipo yero ni kanisa. Ni ng’atu m’uloyo, abimio ire kum mana m’akana, man abimio ire kidi ma tar, man wi kidine nying’ ma nyen m’ukieure, ma ng’atu moko mbe m’ung’eye ndhu ng’atu m’ujole.