Ai 15:3 - The Holy Bible In Alur (Lur) Revised Orthography

³ Yehova en e ng’atu mir ali: Yehova en e nyinge.

Ai 15:3 ပူးပေါင်းရင်းမြစ်များ

Zaburi 24:8

Ng’a m’Ubimo mi dwong’i? En e Yehova ma tek man ratego, Yehova ratego i ali.

Zaburi 45:3

Twi palamularu peri i pieri, E ng’atu ma tek, Yung peri man dwong’ peri.

Zaburi 83:18

Kara ging’ei nia in i kendi, ma nyingi Yehova, Ini Ng’atu ma Malu Ngbir wi ng’om ngung’.

Ai 14:14

Yehova bikiedo piwu, e wubiling’.

Ai 14:25

Man ewodho ukobre mi magali migi ketho wothne bedo pek; ketho nia Jumisiri giwacu kumae, Wek waringu i wang’ Israel; kum Yehova kiedo pigi kum Jumisiri.

Ai 3:13

Man Musa wacu ni Mungu kumae, Nen, kinde m’abiwok ba nyithindho mir Israel, man abiwacu igi kumae, Mungu pa kwaruwu ora i beng’wu; man gibiwacu ira kumae, Nyinge ng’a? abiwacu ang’o igi?

Ai 3:14

E Mungu wacu ni Musa kumae, ANUTI KUM ANUTI: man ewacu kumae, Ibiwacu kumeni ni nyithindho mir Israel, ANUTI ora i beng’wu.

Ai 3:15

Man Mungu wacu ni Musa kendo kumae, Ibiwacu kumae ni nyithindho mir Israel, Yehova, Mungu pa kwaruwu, Mungu pa Ibrahim, Mungu pa Isak, man Mungu pa Yakobo, uora i beng’wu: maeni nyinga mi nja, man maeni en e lem poi para cil kum dhanum’utuk ceke.

Isaya 42:13

Yehova biwok woko calu jarukara; ebithubo ngiri pare calu won ali: ebiywak, eyo, ebikok ma tek; ebitimo ku kero kum judegi pare.

Isaya 42:8

An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.

Yeremia 33:2

Yehova m’utimo maeni wacu kumae, Yehova m’ung’ine kara eketh ecungi; nyinge Yehova: