Ai 15:26 - The Holy Bible In Alur (Lur) Revised Orthography

²⁶ man ewacu kumae, Tek ibiwinjo dwand Yehova Mungu peri cu, man ibitimo gin m’atira i wang’e man ibieiko ithi kum lembang’ola pare, e ibiworo cik pare de ceke, abiketho tho moko i kumi ngo m’aketho i kum Jumisiri: kum an a Yehova m’ukeyo kumi.

Ai 15:26 ပူးပေါင်းရင်းမြစ်များ

1 Ubimo 11:33

kum giweka, man girwo ni Actoroth ma mungu ma dhaku mi Jusidoni, ku Kemoc ma mungu mi Moab, man Milkom ma mungu mi nyithindho mir Amon; man giwotho i yo para ngo, kutimo gin m’atira i wang’a, man kuworo cik para ku lembapoka para, calu Daudi ma won utimo.

1 Ubimo 11:38

Man ebibedo tek ibiwinjo lembe ceke m’ang’olo iri, man ibiwotho i yo para, man ibitimo gin m’atira i wang’a, kara iwor cik para ku lembang’ola para calu Daudi ma jatic para timo; nia wabibedo wakudi, man abigomo iri ot ma tek, calu agomo ni Daudi, man abimio Israel i beng’i.

2 Ubimo 2:21

Man ecidho dhu kulo mi pi, e ekonjo kadu i ie, man ewacu kumae, Yehova wacu kumae, Acangu pi maeni; tho biwok kendo ngo ku i maeni kadi nyothre.

2 Ubimo 20:5

Lokri, man iwac ni Hezekia ma jatelwic mi dhanu para kumae, Yehova, ma Mungu pa Daudi ma kwaru, wacu kumae, Awinjo rwo peri, aneno piweng’i: nen, abicengi; i ceng’ mir adege ibiidho malu ba ot pa Yehova.

2 Ubimo 22:2

E etimo gin m’ubedo atira i wang’ Yehova, man ewotho i yo pa Daudi ma kwaru mire ceke, e elokre cen i cing’ ma yor acwic kadi ma yor acam de ngo.

Kitabu Pa Yob 5:18

Kum, eketho rem, man etwio; Etong’o lero, man cinge cangu.

Zaburi 103:3

M’eweko ko kier peri ceke woko; M’ekeyo ko tho peri ceke ma kwonde tung’ tung’;

Zaburi 147:3

Ecangu ju ma cwinygi tur, Man eriwo wang’ lero migi.

Zaburi 81:9

Mungu ma jawirok bibedo ii ngo; Kadok mungu ma jawirok de ibirwo ire ngo.

Ai 12:29

Man etimbre i diewor ma ling’, nia Yehova goyo kayu ceke m’i ng’om Misiri, ugambre kum kayu pa Farao ma jany wi komker pare cil kum kayu pa ng’eca ma ni i ng’ei odkol; man kayu ceke mi lim.

Ai 19:5

Ka kumeno kawono, tek wubiworo dwanda andha, man wubiworo lembariba para, e wubibedo piny para ma dhe ku kind kodhidhanu ceke: kum ng’om ceke para:

Ai 19:6

e wubibedo ira ni ker mi julam, man thek ma leng’. Maeni en e lembe m’ibiwacu ni nyithindho mir Israel.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 23:25

Man wutim ni Yehova Mungu mu, e ebimio mugisa kum kwen peri, man pi peri; man abikabu tho kud i kindi.

Isaya 55:3

Wucik ithwu, man wubin i bang’a; wuwinji, e ng’eyong’ec mu bibedo kwo: man abitimo lembariba mi nja kudu, en e kisa mandha pa Daudi.

Isaya 57:18

Aneno yo pare, man abicange: abitelo wie bende, man abidwoko jamjuk ire man ni juywak pare.

Yeremia 11:7

Kum anyutho lembe dit ni kwaruwu i ceng’ m’awodhogi ie woko kud i ng’om Misiri, cil i ceng’ ma tin, m’aai pir man anyutho, awacu kumae, Wuwor dwanda.

Yeremia 17:24

Man ebitimbre, tek wuwinjo dwanda cu, Yehova wacu, ya kud wuluth ter moko kud i dhugang’ mir adhura maeni i ceng’ sabatu, ento wudwok ceng’ sabatu leng’ ya kud wutim tic moko i ie;

Yeremia 30:17

Kum abidwoko leng’kum iri, man abicangu lero peri, Yehova wacu; kum gilwong’i ng’atu ma jubayu, giwacu kumae, En e Sayuni, ma ng’atu moko mbe m’uyenyo.

Yeremia 33:6

Nen, abikelo leng’kum man cang i bang’e, e abicangugi; man abinyutho igi dit mi kwiocwiny ku lemandha.

Yeremia 7:23

ento gin maeni ang’olo igi, awacu kumae, Wuwinj dwanda, e abibedo Mungu mu, man wubibedo dhanu para; man wuwoth i yo ceke m’ang’olo iwu, kara lembe bed miero iwu.

Yeremia 8:22

Yath mi mo mbe i Gileadi? jakeikum moko mbe kuca? ka kumeno nedi judwoko leng’kum pa nya dhanu para ngo?

Ezekiel 18:5

Ento tek dhanu bedopwe, man etimo gin ma cik uyio man m’atira de,

Hoseya 11:3

Ento aponjo Efraim ku woth; acokogi i bota; ento ging’eyo ngo nia acangugi.

Hoseya 6:1

Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

Lembe Mi Julawi 26:13

An a Yehova Mungu mu, m’uwodhowu woko kud i ng’om Misiri, kara kud wubed ng’eca migi; man aturo utwindi mi mberembere mu, man aketho wucidho atira.

Lembe Mi Julawi 26:3

Tek wuwotho ku cik para, man wugwoko lembang’ola para, wutimogi de:

Kitabu Mir Ang’wende Pa Musa Wel 12:13

E Musa Lwong’o Yehova, ewacu kumae, E Mungu, akwei, cange.

Poi Mi Cik 12:25

Kud icame; kara ibed ber, ku nyithindho peri yo ng’ei, kinde m’itimo gin m’ubedo pwe i wang’ Yehova.

Poi Mi Cik 12:28

Iwinji man iketh cwinyi kum lembe maeni ceke m’ang’olo iri, kara ibed ber ku nyithindho peri yo ng’ei mi nja, kinde m’itimo gin ma ber ma pwe de i wang’ Yehova Mungu peri.

Poi Mi Cik 13:18

kinde m’iwinjo dwand Yehova Mungu peri, kara igwok lembang’ola pare ceke m’ang’olo iri tin, kara itim gin m’ubedo pwe i wang’ Yehova Mungu peri.

Poi Mi Cik 28:27

Yehova bigoi ku vur ni Misiri, ku pong’ic, man ku nyac, kud agara de, ma kei ungo.

Poi Mi Cik 28:58

Tek ibiketho cwinyi kum timo lembe ceke mi cik maeni ma jukiewo i kitabu maeni ngo, kara ilwor nying’ maeni mi yung man mi ndiri, en e YEHOVA MUNGU PERI;

Poi Mi Cik 28:60

E ebikelo tho ceke mi Misiri i wii kendo, m’ilworo; e gibimoko i kumi.

Poi Mi Cik 32:39

Nen kawono nia an, cil an, an a en, Man mungu moko mbe ma wakude: Anego, man aketho cer; Atong’o lero, man acangu: Man ng’atu moko mbe ma copo bodho kud i cinga.

Poi Mi Cik 5:1

E Musa lwong’o Israel ceke, man ewacu igi kumae, E Israel, winj cik ku lembapoka m’ayero i ithwu tin, kara wumak ng’eyogi, man wuketh cwinywu nitimogi.

Poi Mi Cik 7:15

Man Yehova bikabu tho ceke kud i kumi; man ebiketho tho ma rac moko ngo i wii, m’ing’eyo i Misiri, ento ebikethogi wi ju m’udegi ceke.