Ai 15:2 - The Holy Bible In Alur (Lur) Revised Orthography

² Yehova en e tego para ku wer para, Man edoko ni both para: Maeni Mungu para, man abipake; En e Mungu pa vwa, man abiyunge.

Ai 15:2 ပူးပေါင်းရင်းမြစ်များ

Thangambere 17:7

Man abiketho lembariba para m’i kindwa wakudi ucungi man ku kodhini yo ng’eii cil kum dhanum’utuk migi ni lembariba mi nja, kara abed ni Mungu iri man ni kodhini yo ng’eii.

Thangambere 49:18

Akuro both peri, E Yehova.

2 Samwil 22:3

Mungu, ma cana para, abipondo i ie; Ban para, man tung mi both para, ot ma wiu para, man kapondo para; Jabodhna, ibodha ni rop.

2 Samwil 22:47

Yehova bedo kwo; man mugisa bed wi cana para; Man Mungu bed dwong’, ma cana mi both para.

2 Samwil 22:51

Emio both ma dit ni ubimo pare Man enyutho mer mi bero ni ng’atu m’ewiro pare, Ni Daudi man ni kodhi pare, mi nja.

2 Samwil 7:24

Man iketho dhanu peri Israel ginyang’ iri kara gibed ni dhanu iri mi nja; man in, Yehova, idoko Mungu migi.

2 Samwil 7:5

Cidh man iyer ni jatic para ma Daudi kumae, Yehova wacu kumae, Ibigomo ira ot m’abed i ie?

1 Ubimo 8:13

Agomo iri ot mi bedo andha, ka m’ibed i ie mi nja.

1 Ubimo 8:27

Ento Mungu bibedo wi ng’om andha? nen, polo man polo m’i polo copo romi ngo; e ka ot maeni m’agomo biromi nenedi!

I Lemkei 16:14

En e Yehova Mungu mwa; Lembapoka pare ni i ng’om ngung’.

Zaburi 109:1

Kud iling’, E Mungu mi pak para;

Zaburi 118:14

Yehova en e tego para man wer para; Man edoko ni both para.

Zaburi 118:21

Abifoi; kum iloko ira lembe, Man idoko both para.

Zaburi 118:28

In i Munguna, man abifoi: In i Munguna, abidodi.

Zaburi 132:5

Cil m’anwang’u ko kaka ni Yehova, Hema ni Ng’atu Matek pa Yakobo.

Zaburi 140:7

E Yehova ma Rwoth, ma tego mi both para, Iumo wia i ceng’ mi lwiny.

Zaburi 145:1

Abipeki, Mungu para, E Ubimo; Man abimio mugisa ni nyingi nja ku nja.

Zaburi 18:46

Yehova bedo kwo; man mugisa bed wi cana para; Man dwong’ ubed ni Mungu mi both para,

Zaburi 22:10

Jubaya i wii kud i ic; In i Mungu para ugambre ma ma nyola.

Zaburi 22:3

Ento in i leng’, E in m’ibedo i kind pak mir Israel.

Zaburi 27:1

Yehova en e der para ku both para; i Abilworo ng’a? Yehova en e tego mi kwo para; Lworo binega kum ng’a?

Zaburi 28:8

Yehova en e tego migi, Man en e ka ma tek mi both ni ng’atu ma juwiro pare.

Zaburi 30:1

Abiyungi, E Yehova; kum iting’a malu, Man iketho anyong’a nego judegi para ngo i kuma.

Zaburi 34:3

A dong’ wayungu Yehova wakudu, Man dong’ wayungu nyinge karacelo.

Zaburi 48:14

Kum Mungu maeni en e Mungu mwa mi nja: Ebibedo jatel wiwa cil kum tho.

Zaburi 59:17

E tego para, abiwero pak iri: Kum Mungu en e ot ma tek para ma wiu, Mungu mi kisa para.

Zaburi 68:20

Mungu en e Mungu mi both iwa; Man lembe mi both abotha ni tho en e pa Yehova ma Rwoth.

Zaburi 99:5

Wudod Yehova Mungu mwa. Man wurwo kum kom mi tiende: E leng’.

Zaburi 99:9

Wudod Yehova Mungu mwa, Man wurwo kum got pare ma leng’ Kum Yehova Mungu mwa e leng’.

Ai 14:13

E Musa wacu ni dhanune kumae, Lworo kud unegwu, wucung ki, man wunen both pa Yehova, m’ebitimo iwu tin: kum Jumisiri ma wuneno tin, wubinenogi kendo nge mi nja.

Ai 3:6

Man ke ewacu kumae, An a Mungu pa wuru, Mungu pa Ibrahim, Mungu pa Isak, man Mungu pa Yakobo. E Musa panu wang’e; kum lworo neno Mungu nege.

Ai 4:22

Man ibiwacu ni Farao kumae, Yehova wacu kumae, Israel en e woda, ma kayu:

Ai 40:34

Afuru lund uumo hema mi cokri, man dwong’ pa Yehova pong’o hema.

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 25:1

Yehova, in i Mungu para; abidodi, abipaku nyingi; kum itimo gin ma wang’u ijo, cil lembapora ma con, ibedo mandha i lemandha de.

Isaya 45:17

Ento Israel biboth ni kum Yehova ku both mi nja: lewic bimakuwu ngo kadi cwinywu de bing’abre ngo mi nja.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 66:1

Yehova wacu kumae, Polo en e komker para, man ng’om en e dundpiny mi tienda: ot ma nedi ma wubigomo ira? man ka ma nedi ma bibedo kayom para?

Yeremia 3:23

Andha kony ma jukio bang’ ungulu gudi en e mananu, udul kwa kwa ma wi gudi: andha both mir Israel en e ni kum Yehova Mungu mwa.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Yeremia 32:38

Man gibibedo dhanu para, man abibedo Mungu migi:

Habakuk 3:13

Iwok ni both mi dhanu peri, Pi both pa ng’atu m’iwiro; Itong’o lero kud i ot pa jadubo, M’iyabu mbegi cil i ng’ut. Sela.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Luka 1:77

Nimio ng’eyong’ec mi both ni dhanu pare I wek mi dubo migi,

Luka 2:30

Kum wang’a neno both peri,

Yohana 4:22

Wurwo ni gin ma wung’eyo ngo: wan re warwo ni gin ma wang’eyo; kum both uai ba Juyahudi.

Yohana 5:23

kara dhanu ceke giyung Wod cil calu giyungo Wego. Ng’atu m’uyungo Wod ungo eyungo Wego m’uore de ngo.

Tic Mi Jukwenda 4:12

Man ni kum ng’atu mange both umbe; kum nying’ mange mbe the polo, ma jumio i kind dhanu, ma wakowaboth be ni kume.

2 Jukorinto 5:19

en e kumeni, ya Mungu ni i Kristu m’ebepoto ng’om ire gire, ma k’ebekwanu kier migi igi ngo, nwang’u emio iwa lembe mi pot.

Juefeso 2:22

ma wun bende wugombru karacelo i ie ni kabedo pa Mungu i Tipo.

Poi Mi Cik 10:21

En e pak peri, man en e Mungu peri, m’utimo iri gin maeni ma dit ma ng’oyo ndiri de, ma weng’i Aeno.

Jufilipi 2:11

man kara leb ceke kubang’gi kubang’gi ubin utuc nia Yesu Kristu en e Rwoth, ni dwong’ pa Mungu ma Wego.

Jufilipi 4:13

Acopo timo gin ceke ni kume m’emio ira tego.

Jukolosai 2:9

kum Rucwic upong’ thur i ie ma ku kum,

Lembanyutha 15:3

Man giwero wer pa Musa ma jamiru pa Mungu, ku wer pa Nyathi Rombo, giwacu kumae, Tic peri gi dwong’ ma wang’u ijo de, E Rwoth Mungu, ma Jategokpo; yo peri bedopwe man andha de, in Ubimo mi nja.

Lembanyutha 19:1

Yo ng’ei gin maeni awinjo dwal calu en e dwal ma dit mir udul dhanu ma dit i polo, m’uwacu kumae, Haleluya; Both, man dwong’, ku tego, gi pa Mungu mwa:

Jupoklembe 5:21

Kulo Kicon ukabugi cen, Kulo ma con maeno, kulo Kicon. E ng’eyong’ec para, woth i weng’i ku tego.