Ai 15:16 - The Holy Bible In Alur (Lur) Revised Orthography

¹⁶ Ndiri ku bebe podho i wigi; Giling’ calu kidi ni kum dit mi boti; Maram dhanu peri kadhu ko, E Yehova, Maram dhanu m’ing’iewo kadhu ko.

Ai 15:16 ပူးပေါင်းရင်းမြစ်များ

Thangambere 35:5

E giwotho: man ndiri pa Mungu ni wi adhura m’utiekogi gbur, e gilubo tok wot Yakobo ngo.

2 Samwil 7:23

Man thek m’i ng’om ma kani ma calku dhanu peri, ma calu Israel, ma Mungu cidho kara ewar ire gire ni dhanu, man kara etim ire nyinge, man kara etim gin ma dwong’ iwu, man gin ma ng’oyo ndiri ni ng’om peri, i wang’ dhanu peri, m’iwaru iri kud i Misiri, ku ba thek ku mungu migi?

Zaburi 105:38

Anyong’a nego Misiri kinde ma giai; Kum lworo migi podho i wigi.

Zaburi 74:2

Poi pir udul peri, m’ing’iewo con, M’iwaru kara ubed suru mir aba peri; Man got Sayuni, m’ibedo i ie.

Zaburi 89:14

Bedopwe man pokolembe en e thepiny mi komker peri: Mer mi bero man lemandha cidho i weng’i.

Ai 11:7

Ento i kind nyithindho mir Israel gwok moko mbe ma biw’odho lebe, kum dhanu kadi lim: kara wung’ei maram Yehova poko ko kind Jumisiri ku Juisraeli.

Ai 15:13

Itelo wi dhanu m’iwaru ku kisa peri: Itelo wigi ku tego peri ba kabedo peri ma leng’.

Ai 15:5

Pi ma thuth uumogi: Gimwony piny i pi ma thuth calu kidi.

Ai 15:6

Cingi ma yor acwic, E Yehova, dwong’ i tego, Cingi ma yor acwic, E Yehova, ng’enyo jadegi nziki nziki.

Ai 18:8

E Musa yero ni jalkwaru mire gin ceke ma Yehova timo kum Farao man kum Jumisiri pir Israel, ku masendi ceke m’uwok i kumgi i yo, man maram Yehova bodho kogi.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 23:20

Nen, aoro malaika i weng’i, kara ugwoki i yo, man uteri i ka m’ayiko.

Ai 23:22

Ento tek ibiwinjo dwande andha, man ibitimo gin ceke m’ayero; e abilund bedo jadegi mi judegini, man jasend mi jusend peri.

Ai 23:27

Abioro ndiri para i weng’i, man abisendo dhanu ceke m’ibibino i bang’gi, man abiketho judegini ceke loko ng’eigi iri.

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Isaya 51:10

En e in ungo m’idwono nam, pi mi nam ma dit; m’idwoko die nam ni yo ni ju ma juwaru ukadh i wie?

Isaya 63:12

m’uketho bote mi dwong’ ucidho ku cing’ Musa ma yor acwici? m’upoko pi i wang’gi, kara etim ire nying’ mi nja?

Yeremia 31:11

Kum Yehova waru Yakobo, man eware kud i cing’ ng’atu ma sage ku tego.

Ezekiel 16:8

Nie kinde m’akadhu kud i beng’i, man aneno kumi, nen nindo peri en e nindo mi mer; man apedho dhu kendi para i kumi, e aumo muneru peri: eyo, akwong’o iri, man amondo i lembariba kudi, Rwoth Yehova wacu, man idoko para.

Tic Mi Jukwenda 20:28

Wubed ku weng’wu giwu, kud udul ceke, ma Tipo Maleng’ uketho wudoko julieu i ie kara wumi cam ni kanisa pa Rwoth m’eng’iewo ku rimbe gire.

Poi Mi Cik 11:25

Ng’atu moko mbe ma bicopo cungo i weng’wu: Yehova Mungu mu biketho lworo wu man ndiri wu wi ng’om ceke ma wunyono, calu eyero iwu.

Poi Mi Cik 2:25

Tinuni abimaku ketho ndirini man lworoni wi kodhidhanu ma gini the polo ngung’, ma biwinjo rwongi, e kumgi bimiel, man ndiba binegogi i kumi.

Poi Mi Cik 2:4

Man ing’ol ni dhanu, iwac kumae, Wubikadhu kud i kieu mi utumegwu ma nyithindho pa Esau, m’ubedo i Seir; e lworo binegogi i kumwu. Ka kumeno wubed ku weng’wu ber i kumwu giwu;

Poi Mi Cik 32:6

Wudwoko ni Yehova kumeno, E wu dhanu mi kasegu man m’umbe ku rieko? En e wuru ngo m’ung’iewi? Etimi, man eketho inyang’.

Poi Mi Cik 32:9

Kum makapiny pa Yehova en e dhanu pare; Yakobo en e gagi mir aba pare.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Yocuwa 2:9

man ewacu ni dhanune kumae, Ang’eyo nia Yehova mio ng’ombuni iwu, man nia lworo mu podho i wiwa, man nia dhanu ceke m’i ng’ombuni ging’oi i weng’wu.

Yocuwa 4:24

kara kodhidhanu ceke m’i ng’om ging’ei cing’ Yehova, nia e tek; kara wulwor Yehova Mungu mu mi nja.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

2 Petro 2:1

Ento jubila mi ndra bende wok i kind dhanu, calu i kindwu bende juponji mi ndra bibedo nuti, ma gibikelo ponji mi ndra mi nyoth nyalwe, ma gikwero ko cil Rwoth m’ung’iewogi, ma gikelo ko nyoth pio i wigi gigi.

1 Samwil 2:9

Ebigwoko tiend ju ma leng’ pare; Ento jubiketho judubo bedo ling’ i mudho; Kum ng’atu moko mbe ma bisagu ku tego.

1 Samwil 25:37

Man etimbre kugweno, kinde ma pigulok uthum i kum Nabal, nia dhaku pare yero ire lembe maeni, e adundene tho yor i ie, man edoko calu kidi.