Ai 15:13 - The Holy Bible In Alur (Lur) Revised Orthography

¹³ Itelo wi dhanu m’iwaru ku kisa peri: Itelo wigi ku tego peri ba kabedo peri ma leng’.

Ai 15:13 ပူးပေါင်းရင်းမြစ်များ

Thangambere 19:16

Ento egalu; man dhanune gimaku cinge, ku cing’ dhaku pare, ku cing’ nyige ario, kum kisa nego Yehova i kume: man giwodhe woko, gikethe yo woko ni adhura.

2 Samwil 15:25

Man ubimo wacu ni Zadok kumae, Dwok sanduk pa Mungu kendo i adhurane: tek anwang’u bero i wang’ Yehova, ebidwoka kendo, man ebinyuthe ira, ku kabedo pare:

Nehemia 9:12

Man ke itelo wigi ku dieceng’ ku mbegi mir afuru; man ku mbegi mi mac ku diewor, kara umi igi der i yo ma maku giwoth i ie.

Zaburi 106:9

Ejuko Nam Makwar bende, man edwono: Ketho etelo wigi kud i nam, calu kud i langa.

Zaburi 74:2

Poi pir udul peri, m’ing’iewo con, M’iwaru kara ubed suru mir aba peri; Man got Sayuni, m’ibedo i ie.

Zaburi 77:20

Itelo wi dhanu peri calu udul rombe, Ku cing’ Musa ku Harun.

Zaburi 78:35

Man gipoi ya Mungu en e cana migi, Man Mungu ma Malu Ngbir en e jawar migi.

Zaburi 80:1

Cik ithi, E Jakwac mir Israel, In m’itelo wi Yusuf calu udul rombe; In m’ibedo malu wi kerubi, irieny.

Ai 15:16

Ndiri ku bebe podho i wigi; Giling’ calu kidi ni kum dit mi boti; Maram dhanu peri kadhu ko, E Yehova, Maram dhanu m’ing’iewo kadhu ko.

Ai 15:17

Ibiroyogi, man ibipidhogi wi got mir aba peri, Ka m’itimo iri kara ibed i ie, E Yehova, Kamaleng’, E Rwoth, ma cingi ketho.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Isaya 51:10

En e in ungo m’idwono nam, pi mi nam ma dit; m’idwoko die nam ni yo ni ju ma juwaru ukadh i wie?

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 63:9

I masendi migi ceke esendre, man malaika mi wang’e bodhogi: ewarugi ni kum mer pare man kum ngisi pare; man eting’ogi, eyeyogi de i nindo ma con ceke.

Yeremia 2:6

Kadi giwacu kumae ngo, Yehova ni kani m’uwodhowa kud i ng’om Misiri, m’utelo wiwa kud i langa, kud i ng’omngele man mi vur, kud i ng’om mi ndru man mi tipo mi tho, kud i ng’om ma ng’atu moko kadhu kud i ie ngo, man ka ma ng’atu moko mbe m’ubedo i ie?

Juefeso 2:4

ento Mungu, m’usagre ku kisa, ni kum mer pare ma dit m’emaru kowa,

1 Petro 1:5

ma wu, bedo akura ku tego pa Mungu ni kum yioyic ni both m’ubedo ayika ma binyuthre i acoka nindo.