Ai 14:8 - The Holy Bible In Alur (Lur) Revised Orthography

⁸ E Yehova dwoko adunde Farao m’ubimo mi Misiri nwang’, man elubo tok nyithindho mir Israel: kum nyithindho mir Israel giwok woko ku cing’ ma tek.

Ai 14:8 ပူးပေါင်းရင်းမြစ်များ

Zaburi 105:43

Man ewodho dhanu pare woko ku mutoro, Man jupare m’egoyo wigi ku wer.

Zaburi 86:13

Kum mer mi bero peri dit yor i bang’a; Man ibodho ng’eyong’ec para kud i liel ma piny.

Ai 10:27

Ento Yehova dwoko adunde Farao nwang’, e eyenyo ngo ya ewek gicidhi.

Ai 13:16

Man ebibedo ni giranyutha i cingi, man ni giratwia ter nyimi: kum ku tego mi cing’ Yehova kelowa woko kud i Misiri.

Ai 13:18

ento Mungu gondo dhanu, yor i yamba yo ba Nam Makwar: man nyithindho mir Israel giidho malu aronya ku jamtho kud i Misiri.

Ai 13:9

Man ebibedo ni giranyutha iri i cingi, man ni poi i ter nyimi, kara cik pa Yehova bed i dhogi: kum Yehova wodhi woko kud i Misiri ku cing’ ma tek.

Ai 14:17

Man an, nen, abidwoko adunde Jumisiri nwang’, man gibimondo i tokgi: man abinwang’u yung ni kum Farao, man ni kum udul pare ceke, man kum magali pare, man kum weg riuni pare.

Ai 14:4

E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca.

Ai 14:7

e egamu magali ma jukoyo dak abusiel, ku magali ceke mi Misiri, ku jego m’i wigi ceke.

Ai 15:9

Jadegi wacu kumae, Abiriemo, abirubo, abipoko ayeki; Yeny ma ia yenyo biromo i kumgi: Abidhuyo palamularu para, cinga binyothogi.

Ai 4:21

Man Yehova wacu ni Musa kumae, Kan idok i Misiri, nen nia itim musana ceke m’aketho i cingi i wang’ Farao: ento abidwoko cwinye nwang’, e ebiweko dhanu cidho ngo.

Ai 6:1

Man Yehova wacu ni Musa kumae, Kawono ibineno gin m’abitimo kum Farao; kum ebiweko gicidho ni kum cing’ ma tek, man ebixiemogi woko kud i ng’om pare ni kum cing’ ma tek.

Ai 9:12

E Yehova dwoko adunde Farao nwang’, man ewinjo gi ngo; calu Yehova yero ni Musa.

Ywak 3:65

Ibimio igi abinga mir adunde, en e kwong’ peri i kumgi.

Lembe Mi Julawi 26:13

An a Yehova Mungu mu, m’uwodhowu woko kud i ng’om Misiri, kara kud wubed ng’eca migi; man aturo utwindi mi mberembere mu, man aketho wucidho atira.

Kitabu Mir Ang’wende Pa Musa Wel 33:3

E giwotho ugambre Rameses i dwi ma kwong’ane, i ceng’ apar wi abije mi dwi ma kwong’ane; urwone yo ng’ei kadhukuwijo nyithindho mir Israel uai ku cing’ ma tek i wang’ Jumisiri ceke,

Tic Mi Jukwenda 13:17

Mungu mi dhanu pa Israel maeni ugoyo wi kwaruwa, eyungo dhanu de ka gibedo ni umondo i ng’om Misiri, man etelo wigi ewodho kogi woko kud i ie ku bote ma tek.

Poi Mi Cik 26:8

e Yehova wodhowa kud i Misiri ku cing’ ma tek, man ku bot m’arieya, man ku ng’oyondiri ma dit, ku giranyutha, man ku musana;

Poi Mi Cik 32:27

Tek en e nia alworo kwinyo pa jadegi ngo, Jusend migi maru kier ku pokolembe, Gimaru wacu kumae, Cingwa yungre, Man Yehova timo maeni ceke ngo.

Yocuwa 11:20

Kum Yehova dwoko adundegi nwang’, kara gibin kum Israel i lwiny, kara enyothgi kot, kara ku ginwang’ bero, ento kara enyothgi, calu Yehova ng’olo ni Musa.

Jupoklembe 4:7

Man abitelo Sisera, ma jego mir udul asikari pa Yabin, i beng’i, dhukulo Kicon, karacelo ku magali pare man udul dhanu pare: man abikethe i cingi.