Ai 14:4 - The Holy Bible In Alur (Lur) Revised Orthography

⁴ E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca.

Ai 14:4 ပူးပေါင်းရင်းမြစ်များ

Nehemia 9:10

man inyutho giranyutha ku musana kum Farao, man kum jutic pare ceke, man kum dhanu ceke ma ni i ng’om pare; kum ing’eyo nia gitimo ku kuhaya i kumgi, e inwang’u iri nying’, calu ebedo tin.

Ai 10:2

kara iyer i ith wodi, man i ith wod wodi, maram acayu ko Jumisiri, man giranyutha para m’atimo i kindgi; kara wung’ei nia an a Yehova.

Ai 10:27

Ento Yehova dwoko adunde Farao nwang’, e eyenyo ngo ya ewek gicidhi.

Ai 12:28

E nyithindho mir Israel gicidho man gitimo kumeca; calu Yehova ng’olo ni Musa giku Harun, e gitimo kumeca.

Ai 14:23

Man Jumisiri gilubo tokgi, e gimondo i die nam i tokgi, riuni pa Farao ceke, ku magali pare, ku weg riuni pare.

Ai 14:25

Man ewodho ukobre mi magali migi ketho wothne bedo pek; ketho nia Jumisiri giwacu kumae, Wek waringu i wang’ Israel; kum Yehova kiedo pigi kum Jumisiri.

Ai 14:3

Man Farao biwacu pi nyithindho mir Israel kumae, Ginwengri i ng’om, langa ciko bang’gi.

Ai 14:5

Man juyero ni ubimo mi Misiri nia dhanune giringo: e adunde Farao ku mi jutic pare lokre kum dhanune, man giwacu kumae, Maeni ang’o ma watimo, ma waweko ko Israel ucidho ma nwang’u gitimo iwa?

Ai 14:8

E Yehova dwoko adunde Farao m’ubimo mi Misiri nwang’, man elubo tok nyithindho mir Israel: kum nyithindho mir Israel giwok woko ku cing’ ma tek.

Ai 18:11

Kawono ang’eyo nia Mungu e dit ma sagu mungu ceke; eyo, i gin ma gitimo ie ku kuhaya i kumgi.

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Ai 7:17

Yehova wacu kumae, Ibing’eyo nia an a Yehova ni kum maeni: nen, abigoyo pi m’i kulo kud uluth ma ni i cinga, man ebilokre ni rimo.

Ai 7:3

Man abidwoko adunde rarao nwang’, man abimedo giranyutha para Jeu musana para i ng’om Misiri.

Ai 7:5

E Jumisiri gibing’eyo nia an a Yehova, kinde m’arieyo cinga wi Misiri, m’awodho ko nyithindho mir Israel kud i kindgi.

Ai 9:16

ento andha pi lembe maeni aketho icungo, kara anyuth iri tego para, man kara juyer pi nyinga i ng’om ngung’.

Ezekiel 20:9

Ento atimo pi nyinga, kara kud ecidre i wang’ thek, ma gini i kindgi, m’ang’eira igi i wang’gi, kukelogi woko kud i ng’om Misiri.

Ezekiel 28:22

Man iwac kumae, Rwoth Yehova wacu kumae: Nen, an a jadhogi, E Sidon; man jubiyunga i kindi; e gibing’eyo nia an a Yehova, kinde m’atimo lembapoka i ie, man kinde ma judwoka leng’ i ie.

Ezekiel 32:15

Kinde m’abidwoko ng’om mi Misiri lic man ni uvuru, ng’om m’ubedo mbe gin ma naka epong’ kudo, kinde m’abigoyo dhanu ceke m’ubedo i ie, gibilund ng’eyo nia an a Yehova.

Ezekiel 38:16

man ibibino malu kum dhanu para Israel, calu afuru m’uumo ng’om: ebitimbre i nindo ma cen, nia abikeli kum ng’om para, kara thek ung’eya, kinde m’adwokra leng’ ni kumi, E Gog, i wang’gi.

Ezekiel 38:23

Man abiyungra gira, man abidwokra gira leng’ e abiketho ang’eira i wang’ thek dupa; e gibing’eyo nia an a Yehova.

Ezekiel 39:13

Eyo, dhanu ceke m’i ng’ombe biyikogi; man ebibedo igi ni yung i ceng’ m’ayungra gira i ie, Rwoth Yehova wacu.

Lembe Mi Julawi 10:3

E Musa wacu ni Harun kumae, Maeni en e lembe ma Yehova yero, uwacu kumae, Abibedo leng’ ni kum ju m’ucoro ceng’ni an, man abinwang’u dwong’ i wang’ dhanu ceke. E Harun ubedo ling’.

Jurumi 11:8

calu egore kumae, Mungu mio igi tipo mi rip rip, wang’ kara ku ginen, man ith kara ku giwinji, cil i ceng’ maeni nini.

Jurumi 9:17

Kum lembagora pa Mungu yero ni Farao kumae, Kum lembe maeni nini ating’i malu, kara anyuth tego para i ii, man kara nyinga rweire i ng’om ceke.

Jurumi 9:18

Kum kumeno kisa nege kum ng’atu m’eyenyo; man edwoko cwiny ng’atu m’eyenyo tek.

Yocuwa 11:20

Kum Yehova dwoko adundegi nwang’, kara gibin kum Israel i lwiny, kara enyothgi kot, kara ku ginwang’ bero, ento kara enyothgi, calu Yehova ng’olo ni Musa.

Jupoklembe 4:7

Man abitelo Sisera, ma jego mir udul asikari pa Yabin, i beng’i, dhukulo Kicon, karacelo ku magali pare man udul dhanu pare: man abikethe i cingi.