Ai 14:27 - The Holy Bible In Alur (Lur) Revised Orthography

²⁷ E Musa rieyo cinge wi nam, man nam udwogo ba tegone ma kakare kinde ma piny uru; e Jumisiri giringo i kume; man Yehova ng’ielo Jumisiri i die nam.

Ai 14:27 ပူးပေါင်းရင်းမြစ်များ

Nehemia 9:11

Man ipoko nam i wang’gi kara gikadh kud i die nam ku wi ng’om m’uthwo; e ju m’ulubogi ibologi ka ma thuth, calu kidi i pi ma dit.

Zaburi 106:11

Man pi umo jusendgi; Acel de mbe i kindgi m’udong’

Zaburi 136:15

Ento eredho Farao kud udul pare i Nam Makwar; Kum mer mi bero pare bedo mi nja:

Zaburi 78:53

Etelo wigi museme, ketho lworo negogi ngo; Ento nam umwonyo judegi migi.

Isaya 10:26

E Yehova mir udul bicwaku goc ma tek i kume, calu i nek mi Midian kum cana pa Oreb: man uluth pare bibedo wi nam, man ebiting’e malu calu kura mi Misiri.

Poi Mi Cik 11:4

ku gin m’etimo kum njuru asikari mi Misiri, kum riuni migi, man kum magali migi: maram eketho ko pi mi Nam Makwar uumogi kinde ma gilubo tokwu man maram Yehova nyotho kogi cil tin:

Juebrania 11:29

Ni kum yioyic gikadhu kud i nam Makwar calu kud i ng’om m’uthwo: ma Jumisiri giponjo timo ci e gimwony.

Yocuwa 24:7

E kinde ma gilwong’o Yehova, eketho mudho i kindwu wuku Jumisiri, man ekelo nam i wigi, e eumogi; man weng’wu neno gin m’atimo i Misiri: e wubedo i yamba ceng’ dupa.

Yocuwa 4:18

Man etimbre, kinde ma julam m’uyeyo sanduk mi lembariba pa Yehova ai kud i Yordan, man die tiend julam utingre malu wi ng’om m’uthwo, nia pi mi Yordan udok kakare, man epong’ ekadhu kieune ceke, calu ma naka.