Ai 14:22 - The Holy Bible In Alur (Lur) Revised Orthography

²² E nyithindho mir Israel umondo i die nam ku wi ng’om m’uthwo: e pi bedo ni gang’ igi yo ku cing’gi ma yor acwic, man yo ku cing’gi ma yor acam.

Ai 14:22 ပူးပေါင်းရင်းမြစ်များ

2 Ubimo 2:14

Man eting’o kanzu pa Elia m’upodho ire, egoyo ko pi, man ewacu kumae, Yehova ni kani, Mungu pa Elia? man kinde ma en bende egoyo pi, gipokri kun ku kun; e Elica kadhu lokani.

2 Ubimo 2:8

E Elia ting’o kanzu pare, man edole, egoyo ko pi, man gipokri kun ku kun, ketho nia gin ario gikadhu ku wi ng’om m’uthwo.

Nehemia 9:11

Man ipoko nam i wang’gi kara gikadh kud i die nam ku wi ng’om m’uthwo; e ju m’ulubogi ibologi ka ma thuth, calu kidi i pi ma dit.

Zaburi 106:9

Ejuko Nam Makwar bende, man edwono: Ketho etelo wigi kud i nam, calu kud i langa.

Zaburi 136:13

Ire m’epoko Nam Makwar dra; Kum mer mi bero pare bedo mi nja.

Zaburi 136:14

Man eketho Israel ukadhu kud i kinde; Kum mer mi bero pare bedo mi nja;

Zaburi 66:6

Eloko nam ni ng’om m’uthwo; Gikadhu kulo ma dit ku tiendgi: Anyong’a negow a keca ni kume.

Zaburi 74:15

Ipoko kulo ku pi m’upong’: Idwono kulo ma dit.

Zaburi 78:13

Eng’enyo nam, man eketho gikadhu kud i ie; Man eketho pi cungo calu thuthu.

Ai 14:29

Ento nyithindho mir Israel uwotho ku wi ng’om m’uthwo i die nam; e pi bedo ni gang’ igi yo ku cing’gi ma yor acwic, man yo ku cing’gi ma yor acam.

Ai 15:19

Kum riuni pa Farao ku magali pare ku weg riuni pare mondo i nam, man Yehova kelo pi mi nam i wigi; ento nyithindho mir Israel giwotho ku wi ng’om m’uthwo i die nam.

Ai 15:8

Man pi tingre ni kum lietho mi odi umi, Ngongo pi cungo atira ni thiro: Pi ma thuth umoko i adunde nam.

Isaya 11:15

Man Yehova binyotho leb nam mi Misiri kot; man ebileko cinge wi Kulo ku yamu ma wang’, e ebigoye ebipokre ni kulo abiro, man ebiketho dhanu kadhe ku tielo ku wi ng’om m’uthwo.

Isaya 11:16

E gengi bibedo nuti ni dong’ dhanu pare, ma bidong’, m’uai Ascur; calu ma yang’ ebedo ni Israel i ceng’ m’eidho ie malu kud i ng’om Misiri.

Isaya 43:16

Yehova, m’utimo yor i nam, man yor i pi ma dit; uwacu kumae,

Isaya 51:10

En e in ungo m’idwono nam, pi mi nam ma dit; m’idwoko die nam ni yo ni ju ma juwaru ukadh i wie?

Isaya 63:12

m’uketho bote mi dwong’ ucidho ku cing’ Musa ma yor acwici? m’upoko pi i wang’gi, kara etim ire nying’ mi nja?

Isaya 63:13

m’utelo wigi kud i ka ma thuth, calu riuni i langa, ketho nia gikier ungo?

Zekaria 2:5

Kum an, Yehova wacu, abibedo ire ni gang’ mi mac m’utieke gbur, man abibedo ni dwong’ i diere.

Kitabu Mir Ang’wende Pa Musa Wel 33:8

E giwotho ugambre i wang’ Hahiroth, e gikadhu kud i die nam i langa: man gimondo woth mi ceng’ adek i langa mir Etham, e gigonjo i Mara.

1 Jukorinto 10:1

Kum ayenyo ngo wubed cobo, umego, ya wegwa ceke yang’ gini ther afuru, man kagi ceke gikadhu kud i nam;

Juebrania 11:29

Ni kum yioyic gikadhu kud i nam Makwar calu kud i ng’om m’uthwo: ma Jumisiri giponjo timo ci e gimwony.

Yocuwa 3:16

nia pi m’uai malu loro piny ucungo, man edongo ni thuthu acel, ku bor cen, bang’ Adam, adhura ma i ng’et Zarethan; man maeni m’uloro piny yo ba nam mir Araba, en e Nam Kadu, ung’ol woko ceke: e dhanune kadhu ndhu kum Yeriko.

Yocuwa 3:17

E julam m’uyeyo sanduk mi lembariba pa Yehova gicungo ki wi ng’om m’uthwo i die Yordan; e Israel ceke kadhu lokaca ku wi ng’om m’uthwo, cil ma thek dho kadhu Yordan ceke.

Yocuwa 4:22

E wubilund ketho nyithindho mu ng’eyo, wubiwacu kumae, Israel ukadhu Yordan maeni ku wi ng’om m’uthwo.

1 Samwil 25:16

gibedo ni gang’kidi iwa diewor ku dieceng’, i nindo ceke ma wanuti wakugi ma wabekwayu rombe.