Ai 14:21 - The Holy Bible In Alur (Lur) Revised Orthography

²¹ E Musa rieyo cinge wi nam; man Yehova ketho nam udok cen ni kum yamu ma tek ma yo nyangu diewor soro, man edwoko nam ni ng’om m’uthwo, e pi pokre.

Ai 14:21 ပူးပေါင်းရင်းမြစ်များ

Thangambere 8:1

E Mungu poi kum Noa, man pi yedi ceke, man pi lim ceke ma gini kude i avurne: man Mungu timo yamu ukadh wi ng’om, e pige dwono;

2 Ubimo 2:8

E Elia ting’o kanzu pare, man edole, egoyo ko pi, man gipokri kun ku kun, ketho nia gin ario gikadhu ku wi ng’om m’uthwo.

Nehemia 9:11

Man ipoko nam i wang’gi kara gikadh kud i die nam ku wi ng’om m’uthwo; e ju m’ulubogi ibologi ka ma thuth, calu kidi i pi ma dit.

Kitabu Pa Yob 26:12

Etugo mukura mi nam ku tego pare, Man ku ng’eyothelembe pare egoyo Rahab.

Kitabu Pa Yob 38:24

Der upokre ku yo kani, Kadi ma yamu ma yo nyangu lal ko wi ng’omi?

Zaburi 136:13

Ire m’epoko Nam Makwar dra; Kum mer mi bero pare bedo mi nja.

Zaburi 148:8

Mac ku pei, pei kud afuru; Yamu mi wavuvu, ma timo lembe pare kakare;

Zaburi 66:6

Eloko nam ni ng’om m’uthwo; Gikadhu kulo ma dit ku tiendgi: Anyong’a negow a keca ni kume.

Zaburi 74:13

Ipoko nam ku tego peri: Ituro wi rau mi nam i pi.

Zaburi 78:13

Eng’enyo nam, man eketho gikadhu kud i ie; Man eketho pi cungo calu thuthu.

Ai 14:16

Man iting’ uluth peri, man iriei cingi wi nam, man ipoke: e nyithindho mir Israel bimondo i die nam ku wi ng’om m’uthwo.

Ai 14:20

man ebino i kind gonjo mi Misiri ku gonjo mir Israel; e afuru ku mudho nuti, ento emio der ku diewor: man acel tundo kum wadi ngo diewor soro.

Ai 15:8

Man pi tingre ni kum lietho mi odi umi, Ngongo pi cungo atira ni thiro: Pi ma thuth umoko i adunde nam.

Ai 7:19

E Yehova wacu ni Musa kumae, Wac ni Harun kumae, Ting’ uluth peri, man iriei cingi wi pi mi Misiri, wi kulo migi, wi kulo mi pi migi, man wi kut migi, man wi nam migi ceke, kara gidok ni rimo; e rimo bibedo nuti i ng’om ceke mi Misiri, i agulu mi yen man i agulu mi kidi bende.

Isaya 23:11

Erieyo cinge wi nam, eyengo ker: Yehova mio lembang’ola pi Kanan, kara unyoth ka ma tekne.

Isaya 43:16

Yehova, m’utimo yor i nam, man yor i pi ma dit; uwacu kumae,

Isaya 44:27

m’awacu ni pi ma thuth kumae, Dwon, man abidwono kulo peri ma dit;

Isaya 50:2

Pirang’o, kinde m’abino, ng’atu moko mbe? kinde m’alwong’o, ng’atu moko mbe m’uyi? Cinga jik ajika, ma nia ecopo waru ngo? kadi tegona mbe m’abodh ko? Nen, ni kum juk para adwono nam, man adwoko kulo ma dit ni langa: rec migi ng’wi, kum pi mbe, man githo ni rieu.

Isaya 51:10

En e in ungo m’idwono nam, pi mi nam ma dit; m’idwoko die nam ni yo ni ju ma juwaru ukadh i wie?

Isaya 51:15

Kum an a Yehova Mungu peri, m’utugo nam, ketho nia mukurane woi: nyinga Yehova mir udul.

Isaya 63:12

m’uketho bote mi dwong’ ucidho ku cing’ Musa ma yor acwici? m’upoko pi i wang’gi, kara etim ire nying’ mi nja?

Isaya 63:13

m’utelo wigi kud i ka ma thuth, calu riuni i langa, ketho nia gikier ungo?

Habakuk 3:8

Thungo nego Yehova kum kulo ma dongo? Ng’ecwiny peri bedo kum kulo ma dongo, Kadi kwinyo peri kum nami? Ketho iwotho wi riuni peri, Wi magali peri mi bothi?

Tic Mi Jukwenda 7:36

Ng’atuni e m’utelo wigi woko, ku yo ng’ei musana ku giranyutha de m’etimo i Misiri, man i nam Makwar, kud i yamba de rundi pier ang’wen.

Yocuwa 2:10

Kum wawinjo maram Yehova dwono ko pi m’i Nam Makwar i weng’wu, ka wuai i ng’om Misiri; man gin ma wutimo kum ubimo ario mi Juamori, ma gini loka Yordan, kum Sihon man kum Og, ma wunyothogi pet.

Yocuwa 3:17

E julam m’uyeyo sanduk mi lembariba pa Yehova gicungo ki wi ng’om m’uthwo i die Yordan; e Israel ceke kadhu lokaca ku wi ng’om m’uthwo, cil ma thek dho kadhu Yordan ceke.

Yocuwa 4:23

Kum Yehova Mungu mu dwono pi mi Yordan i weng’wu, maram wukadhu ko lokaca, calu Yehova Mungu mu timo kum Nam Makwar, m’edwono i wang’wa, maram wakadhu ko lokaca;