Ai 14:13 - The Holy Bible In Alur (Lur) Revised Orthography

¹³ E Musa wacu ni dhanune kumae, Lworo kud unegwu, wucung ki, man wunen both pa Yehova, m’ebitimo iwu tin: kum Jumisiri ma wuneno tin, wubinenogi kendo nge mi nja.

Ai 14:13 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

Thangambere 26:24

Man Yehova nyuthre ire i diewor nica, man ewacu kumae, An a Mungu pa Ibrahim ma wuru: lworo kud unegi, kum wanuti wakudi, man abimio mugisa iri, man abimedo kodhini ni kum Ibrahim ma jatic para.

Thangambere 46:3

Man ewacu kumae, An a Mungu, Mungu pa wuru: kud ilwor niloro piny i Misiri; kum abidwoki ni thek ma dit kuca:

Thangambere 49:18

Akuro both peri, E Yehova.

2 Ubimo 6:16

E eloko lembe kumae, Lworo kud unegi; kum ju ma gini i bang’wa sagu ju ma ni kugi.

I Lemkei 11:14

Man gicungo i die podhone, e gikiedo, man ginego Jufilisti; man Yehova larugi kud aloci ma dit.

2 Lemkei 20:15

man ewacu kumae, Wuwinji, Yuda ceke, man wu ju m’ubedo i Yerusalem, man in i ubimo ma Yehocafat: Yehova wacu iwu kumae, Lworo kud unegwu, kadok cwinywu de kud ung’abre kum udul maeni ma dit; kum lwiny en e mu ngo, ento pa Mungu.

2 Lemkei 20:17

Can kiedo i lwiny maeni binegowu ngo: wuther giwu, wucung ling’, man wunen both pa Yehova ma ni kudwu, E Yuda ku Yerusalem; lworo kud unegwu: kadi cwinywu de kud ung’abre: urwo wucidh i kumgi; kum Yehova ni kudwu.

Nehemia 9:9

Man ineno masendi pa kwaruwa i Misiri, e iwinjo ywak migi dhu Nam Makwar,

Zaburi 3:8

Both en e pa Yehova: Mugisa peri bedwi dhanu peri. [Sela.

Zaburi 68:21

Ento Mungu bing’enyo wi judegine, Dend yukwic pa wadi ng’atu ma wotho asu ku dubo pare.

Zaburi 78:53

Etelo wigi museme, ketho lworo negogi ngo; Ento nam umwonyo judegi migi.

Zaburi 91:8

Ibineno ku weng’i kende, Man ibineno sukulia mi judubo.

Ai 14:30

E Yehova bodho Israel i ceng’ maeca kumeni kud i cing’ Jumisiri; man Israel uneno Jumisiri ni avu dhu wath.

Ai 20:20

E Musa wacu ni dhanu kumae, Lworo kud unegwu: kum Mungu bino mulo iwu, man kara lworo pare bed i weng’wu, kara kud wudubi.

Isaya 26:3

Ibigwoko ng’atu ma pidoie moko i kumi i kwiocwiny ma ndhu cu; kum egeni.

Isaya 30:15

Kum Rwoth Yehova, Ng’atu Maleng’ mir Israel, uwacu kumae, Wubiboth ni kum dwogo ku yom; tego mu bibedo nuti ni kum bedoyo man genogen. E wuyenyo ngo;

Isaya 35:4

Wuwac ni ju ma lworo nego adundegi kumae, Wubed tek, lworo kud unegwu: nen, Mungu mu bibino ku culokwor, ku culo wang’ lembe pa Mungu; ebibino man ebilaruwu.

Isaya 43:11

An, ndhu an, an a Yehova; man jalar moko mbe m’umeda.

Isaya 7:4

man iwac ire kumae, Bed ku weng’i, man ibed yo; lworo kud unegi, kadok cwinyi de kud uvoci, kum yib ario maeni mi dhumac ma dunyo yiro, kum ng’ecwiny ma lake tek pa Rezin man Cami, man pa wod Remalia.

Yeremia 3:23

Andha kony ma jukio bang’ ungulu gudi en e mananu, udul kwa kwa ma wi gudi: andha both mir Israel en e ni kum Yehova Mungu mwa.

Ywak 3:26

E ber ya dhanu gen man ekur yo pi both pa Yehova.

Hoseya 1:7

Ento kisa binega kum ot pa Yuda, man abibodhogi ni kum Yehova Mungu migi man abibodhogi ngo ni kum atum, kadi ni kum palamularu, kadi ni kum lwiny, ni kum riuni, kadi ni kum weg riuni.

Hoseya 13:4

Ento an a Yehova Mungu peri ugambre kud i ng’om Misiri; man kud ing’ei mungu moko ndhu an, man jalar moko mbe m’umedo an.

Hoseya 13:9

En e nyoth peri, E Israel, nia ijai ira, ni jakony peri.

Habakuk 3:13

Iwok ni both mi dhanu peri, Pi both pa ng’atu m’iwiro; Itong’o lero kud i ot pa jadubo, M’iyabu mbegi cil i ng’ut. Sela.

Habakuk 3:8

Thungo nego Yehova kum kulo ma dongo? Ng’ecwiny peri bedo kum kulo ma dongo, Kadi kwinyo peri kum nami? Ketho iwotho wi riuni peri, Wi magali peri mi bothi?

Kitabu Mir Ang’wende Pa Musa Wel 14:9

Ento kud wujai ni Yehova, kadok dhanu m’i ng’ombe de kud wulworgi; kum gi kwen iwa: man tipo migi kabre woko kud i wigi, man Yehova ni karacelo kudwa: kud wulworgi.

Matayo 28:5

Malaika loko lembe ewacu de ni mon kumae, Lworo kud unegwu: kum ang’eyo nia wuyenyo Yesu, ma jugure.

Poi Mi Cik 20:3

man ebiwacu igi kumae, Wuwinji, E Israel, wucoro ceng’ni tin dhu lwiny kum judegiwu: cwinywu kud ung’oi ndiri; lworo kud unegwu, kumwu de kud umiel, kadok ndiri de kud unegwu i kumgi;

1 Samwil 11:13

Man Saul uwacu kumae, Jubinego ng’atu moko ngo i ceng’ maeni; kum tinuni Yehova timo both i Israel.

1 Samwil 12:16

Ka kumeno kawono wucung ling’ man wunen gin ma dit maeni, ma Yehova bitimo i weng’wu.