Ai 13:9 - The Holy Bible In Alur (Lur) Revised Orthography

⁹ Man ebibedo ni giranyutha iri i cingi, man ni poi i ter nyimi, kara cik pa Yehova bed i dhogi: kum Yehova wodhi woko kud i Misiri ku cing’ ma tek.

Ai 13:9 ပူးပေါင်းရင်းမြစ်များ

Nehemia 1:10

Nie joni gi jutic peri man dhanu peri, m’iwaru ku tego peri ma dit, man ku cingi ma tek.

Zaburi 136:11

Man ewodho Israel woko kud i kindgi; Kum mer mi bero pare bedo mi nja;

Zaburi 136:12

Ku cing’ ma tek, man ku bot m’arieya; Kum mer mi bero pare bedo mi nja:

Zaburi 89:13

Ibedo ku bot ma tek; Cingi tek, man cingi ma yor acwic ni malu.

Ai 12:14

Man ceng’ maeca bibedo iwu ni poi, man wubikwire ni agba ni Yehova: cil kum dhanum’utuk mu wubikwire ni agba ku lembapoka mi nja.

Ai 12:41

Man etimbre ka rundi dak ang’wen ku pier adek uthum, cil ceng’ maeni nini etimbre, nia udul pa Yehova ceke ai woko kud i ng’om Misiri.

Ai 13:14

Man ebibedo, kinde ma wodi penji i nindo ma bibino, ewacu kumae, Maeni ang’o? nia ibiwacu ire kumae, Ku tego mi cing’ Yehova kelowa woko kud i Misiri, kud i od ng’eca:

Ai 13:16

Man ebibedo ni giranyutha i cingi, man ni giratwia ter nyimi: kum ku tego mi cing’ Yehova kelowa woko kud i Misiri.

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 3:20

E abirieyo cinga, man abigoyo Misiri ku musana para ceke m’abitimo i kinde: man yo ng’ei maeno ebiweko wucidho.

Ai 7:4

Ento rarao biwinjowu ngo, e abiketho cinga kum Misiri, man abiwodho udul para, ma gi dhanu para ma nyithindho mir Israel, kud i ng’om Misiri ku lembapoka ma dit.

Lembrieko 1:9

Kum gibibedo ni ruko mi bero i wii, Man nyoro i ng’uti.

Lembrieko 3:21

Woda, kud iyi giai kud i weng’i; Gwok rieko ma cu ku riu:

Lembrieko 7:23

Cil ma athero cobo cwinye; Calu winyo ringo pio bang’ uwic, Man eng’eyo ngo nia en e pi kwo pare.

Wer Pa Suleman 8:6

Ketha calu ayi piny wi adundeni, Calu ayi piny wi boti: Kum mer tek calu tho; Nyeko mbe ku kisa calu liel; Bieine calu lebmac, Lebmac pa Yehova.

Isaya 27:1

I nindo raaeca Yehova bisendo nyang’ ma dit ma thwol ma ringo pio ku palamularu pare ma tek man ma dit ku ma nwang’ de, man nyang’ ma dit ma thwol ma gonda gonda; man ebinego ng’ec ma ni i nam.

Isaya 40:10

Nen, Rwoth Yehova bibino calu jarukara, man bote bibimo pire: Nen, sukulia pare ni kude, man sukulia pare ni i wang’e.

Isaya 44:5

Acel biwacu kumae, An a pa Yehova; man mange bilwongre ku nying’ Yakobo; man mange bigoro wi cinge kumae, Ni Yehova, man ebilwongre ku nying’ Israel.

Isaya 49:16

Nen, ang’iki i die cinga: gang’kidi peri ni i wang’a thiri thiri.

Isaya 51:9

Ceu, ceu, rony tego, E bot Yehova; ceu, calu i nindo ma con, dhanum’utuk mi nindo ma con. En e in ungo m’itong’o Rahab nziki nziki, m’idhuyo ng’ec de?

Isaya 59:21

Man pira, maeni lembariba para ma wakugi, Yehova wacu: Tipo para ma ni i wii, man lembe para m’aketho i dhogi, biai kud i dhogi ngo, kadi kud i dhu kodhini de ngo, kadi kud i dhu kodhi mi kodhini de ngo, Yehova wacu, ugambre kawono cil nja.

Yeremia 22:24

Calu abedo kwo, Yehova wacu kadok Konia ma wod Yehoiakim m’ubimo mi Yuda en e lagith mir ayi i cinga ma yor acwic, ento kuno di akebi ku kuno;

Daniel 9:15

Man kawono, E Rwoth Mungu mwa, m’iwodho dhanu peri woko kud i ng’om Misiri ku cingi ma tek, man inwang’u pak iri, calu ebedo tinuni; wadubo, watimo rac.

Yoel 2:11

Man Yehova wodho dwande wang’ udul asikari pare; kum kagonjo pare e dit apila; kum e tek m’etimo lembe pare; kum ceng’ pa Yehova e dit man eng’oyo ndiri ma dit; man ng’a ma copo cire?

Kitabu Mir Ang’wende Pa Musa Wel 15:39

man ebibedo iwu ni thondhruko, kara wunen i wie, man wupoi kum lembang’ola ceke pa Yehova, man wutimgi: man kara kud wulub tok adundewu giwu man weng’wu giwu, calu ma naka wutimo ko asara;

Matayo 23:5

Ento tic migi ceke gitimo kara dhanu ginen: kum giketho ngisa migi mi lem pa Mungu udok lac, man gikoko dhu kendi migi de,

Jurumi 10:8

Ento ewacu ang’o? Lembe maeni ni kago kudi, i dhogi, man i adundeni: lembene eni, lembe mi yioyic, ma wayero:

Poi Mi Cik 30:14

Ento lembe ni ceng’ni i beng’i kpr, i dhogi, man i adundeni, kara itime.

Poi Mi Cik 5:15

Man ipoi nia naka in i jatic i ng’om Misiri, man Yehova Mungu peri wodhi woko ku kuca ku cing’ ma tek man ku bot m’arieya: ka kumeno Yehova Mungu peri ng’olo iri ya ikwir ceng’ sabatu.

Poi Mi Cik 6:21

ibilund wacu ni wodi kumae, Naka wa ng’eca pa Farao i Misiri: man Yehova wodhowa woko kud i Misiri ku cing’ ma tek;

Poi Mi Cik 6:6

E lembe maeni, m’ang’olo iri tin, bibedo wi adundeni;

Poi Mi Cik 6:8

Man itwigi ni giranyutha i cingi, man gibibedo mi bero i kind weng’i.

Lembanyutha 18:8

Ka kumeno i ceng’ acel masendi pare biwok, tho, ku can, man ndru; man ebiwang’ kot ku mac; kum Rwoth Mungu m’upoko lembe pare e tek.

Jupoklembe 2:12

man giweko Yehova, ma Mungu pa kwarugi, m’ukelogi woko kud i ng’om Misiri, man gilubo mungu mange, kind mungu mi kodhidhanu m’utiekogi gbur, e girum gigi igi: man ginyayu ng’eecwiny i Yehova.