Ai 13:3 - The Holy Bible In Alur (Lur) Revised Orthography

³ E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 13:3 ပူးပေါင်းရင်းမြစ်များ

Thangambere 15:16

Man i dhanum’utuk mir ang’wende gibidwogo keni kendo: kum dubo mi Juamori fodi upong’ ungo.

1 Ubimo 8:42

(kum gibiwinjo pi nyingi ma dwong’, man pi cingi ma tek, man pi boti m’urieire); kinde m’ebibino man ebirwo yo ba ot maeni;

I Lemkei 16:12

Wupoi pi tic pare mi musana m’etimo, Wang’uic pare, man lembapoka m’i dhoge,

Nehemia 1:10

Nie joni gi jutic peri man dhanu peri, m’iwaru ku tego peri ma dit, man ku cingi ma tek.

Nehemia 9:10

man inyutho giranyutha ku musana kum Farao, man kum jutic pare ceke, man kum dhanu ceke ma ni i ng’om pare; kum ing’eyo nia gitimo ku kuhaya i kumgi, e inwang’u iri nying’, calu ebedo tin.

Zaburi 105:5

Wupoi kum tic pare ma wang’u ijo m’etimo, Musana pare, ku lembapoka mi dhoge,

Zaburi 114:1

Kinde ma Israel uwok woko kud i Misiri, Ot pa Yakobo ku kind dhanu mi dhok mi juwirok;

Zaburi 136:11

Man ewodho Israel woko kud i kindgi; Kum mer mi bero pare bedo mi nja;

Zaburi 136:12

Ku cing’ ma tek, man ku bot m’arieya; Kum mer mi bero pare bedo mi nja:

Zaburi 89:14

Bedopwe man pokolembe en e thepiny mi komker peri: Mer mi bero man lemandha cidho i weng’i.

Ai 12:15

Ceng’ abiro wubicamu kwen ma thobi mbe i ie; i ceng’ ma kwong’ane wubiketho thobi cen kud i udi mu: kum ng’atu ma tek ucamu kwen ma ie ju thobi ugambre i ceng’ ma kwong’ane cil i ceng’ mir abirone, ng’eyong’ec maeno jubikabu woko kud i bang’ Israel.

Ai 12:17

Man wubikwiro ceng agba mi kwen ma thobi mbe i ie; kum awodho udul mu woko kud i ng’om Misiri i ceng’ maeni nini: ka kumeno wubikwiro ceng’ maeni kum dhanum’utuk mu ni lembapoka mi nja.

Ai 12:19

Ceng’ abiro jubinwang’u thobi mbe i udi mu: kum ng’atu ma tek ucamu gin ma thobi ni i ie, jubikabu ng’eyong’ec maeno woko i kind udul mir Israel, kadok en e umondo, kadi jang’om m’anyola.

Ai 12:2

Dwi maeni bibedo iwu ni thekri mi dwi: ebibedo dwi ma kwong’a mi rundi iwu.

Ai 12:41

Man etimbre ka rundi dak ang’wen ku pier adek uthum, cil ceng’ maeni nini etimbre, nia udul pa Yehova ceke ai woko kud i ng’om Misiri.

Ai 12:42

En e diewor ma juneno ie ba Yehova dit kum wodhogi woko kud i ng’om Misiri: maeni diewor maeno pa Yehova, ma nyithindho mir Israel ceke gineno ie dit cil kum dhanum’utuk migi.

Ai 12:8

E gibicamu ringe i diewor maeca, ma juvulo ku mac, ku kwen ma thobi mbe i ie; gibicame kud uboko ma kec.

Ai 13:14

Man ebibedo, kinde ma wodi penji i nindo ma bibino, ewacu kumae, Maeni ang’o? nia ibiwacu ire kumae, Ku tego mi cing’ Yehova kelowa woko kud i Misiri, kud i od ng’eca:

Ai 13:9

Man ebibedo ni giranyutha iri i cingi, man ni poi i ter nyimi, kara cik pa Yehova bed i dhogi: kum Yehova wodhi woko kud i Misiri ku cing’ ma tek.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 20:8

Poi kum ceng’ sabatu, idwoke leng’.

Ai 23:15

Kwir agba mi kwen ma thobi mbe i ie: cam kwen ma thobi mbe i ie ceng’ abiro, calu ang’olo iri, i nindo ma jung’olo i dwi Abib (kum iai woko kud i Misiri i ie); man ng’atu moko kud uwok i wang’a ma cinge nanu:

Ai 3:20

E abirieyo cinga, man abigoyo Misiri ku musana para ceke m’abitimo i kinde: man yo ng’ei maeno ebiweko wucidho.

Ai 34:18

Kwir agba mi kwen ma thobi mbe i ie. Cam kwen ma thobi mbe i ie ceng’ abiro, calu ang’olo iri, i nindo ma juketho i dwi Abib; kum iai kud i Misiri i dwi Abib.

Ai 6:1

Man Yehova wacu ni Musa kumae, Kawono ibineno gin m’abitimo kum Farao; kum ebiweko gicidho ni kum cing’ ma tek, man ebixiemogi woko kud i ng’om pare ni kum cing’ ma tek.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Ai 7:4

Ento rarao biwinjowu ngo, e abiketho cinga kum Misiri, man abiwodho udul para, ma gi dhanu para ma nyithindho mir Israel, kud i ng’om Misiri ku lembapoka ma dit.

Yeremia 34:13

Yehova, Mungu mir Israel, uwacu kumae: Atimo lembariba ku kwaruwu i ceng’ m’awodhogi ie woko kud i ng’om Misiri, kud i ot mi ng’eca, awacu kumae,

Daniel 9:15

Man kawono, E Rwoth Mungu mwa, m’iwodho dhanu peri woko kud i ng’om Misiri ku cingi ma tek, man inwang’u pak iri, calu ebedo tinuni; wadubo, watimo rac.

Matayo 10:12

Ka wumondo de i ot, wumothe.

Luka 22:19

E eting’o kwen, e kan emio foc, eng’wenyo ie, emio igi, ewacu kumae, Maeni en e kuma m’umire piwu: wutim mae wupoi ko pira.

1 Jukorinto 11:24

e kan efoyo foc, eng’weko ie, man ewacu kumae, Maeni kuma, ma en e piwu; wutim kumeni wupoi ko pira.

1 Jukorinto 5:8

kum kumeno dong’ wakwiru agba, ku thobi ma con re ngo, kadok ku thobi mi cwiny mir akece ku dubo de ngo, ento ku kwen ma thobi mbe i ie mi cwiny ma abombi mbe i ie ku lemandha.

Juefeso 1:19

man karamb dwong’ ma apila mi tego pare yor i bang’wa ma wayio, calku timo maeno mi tego mi tek pare

Poi Mi Cik 13:10

Man icanye ku kidi etho, kum eponjo teli cen ku ba Yehova Mungu peri, m’uwodhi kud i ng’om Misiri, kud i ot mi ng’eca.

Poi Mi Cik 13:11

E Israel ceke biwinjo, man lworo binegogi, e gibitimo wadi dubo ma calu maeni kendo ngo i kindi.

Poi Mi Cik 13:5

E jabila maeno, kadi jalek lek maeno, jubinege, kum eyero lembjai kum Yehova Mungu mu, m’uwodhowu kud i ng’om Misiri, m’uweri de kud i ot mi ng’eca, kara eteli cen kud i yo ma Yehova Mungu peri ng’olo iri iwoth i ie. Keth dubone cen kud i kindi kumeno.

Poi Mi Cik 13:6

Tek umeru, ma wod meru, kadi wodi, kadi nyeri, kadi dhaku m’i kori, kadi jarimbi, m’ubedo calu ng’eyong’ec peri ma dhe, ubidhi lwe lwe, ewacu kumae, Wek wacidh watim ni mungu mange, ma fodi ing’eyo ngo, in, kadi kwaru;

Poi Mi Cik 15:15

Man ipoi nia naka in i ng’eca i ng’om Misiri, man Yehova Mungu peri weri; ka kumeno ang’olo gin maeni iri tin.

Poi Mi Cik 16:1

Kwir dwi Abib, man itim kadhukuwijo ni Yehova Mungu peri; kum i dwi Abib Yehova Mungu peri wodhi woko kud i Misiri ku diewor.

Poi Mi Cik 16:12

Man ipoi nia naka in i ng’eca i Misiri: man keth cwinyi kum cik maeni itimgi de.

Poi Mi Cik 16:3

Kud icam kwen moko ma ie ju thobi kude; cam kwen ma thobi mbe i ie ceng’ abiro kude, en e kwen mi can; kum iai kud i ng’om Misiri ku ng’wec: kara ipoi kum ceng’ m’iai ie woko kud i ng’om Misiri nindo ceke mi kwo peri.

Poi Mi Cik 24:18

ento poi nia naka in bende in i ng’eca i Misiri, man Yehova Mungu peri weri ku kuca: ka kumeno ang’olo iri nia itim gin maeni.

Poi Mi Cik 24:22

Man ipoi nia naka in i ng’eca i ng’om Misiri: ka kumeno ang’olo iri nia itim gin maeni.

Poi Mi Cik 26:8

e Yehova wodhowa kud i Misiri ku cing’ ma tek, man ku bot m’arieya, man ku ng’oyondiri ma dit, ku giranyutha, man ku musana;

Poi Mi Cik 4:34

Kadi Mu ngu ponjo cidho man egamu ire thek kud i die thek mange, ku lem ma tek, ku giranyutha, man ku musana, ku lwiny de, man ku cing’ ma tek, ku bot m’arieya de, man ku ng’oyondiri ma dit, calku gin ceke ma Yehova Mungu mu timo iwu i Misiri i weng’wu?

Poi Mi Cik 5:15

Man ipoi nia naka in i jatic i ng’om Misiri, man Yehova Mungu peri wodhi woko ku kuca ku cing’ ma tek man ku bot m’arieya: ka kumeno Yehova Mungu peri ng’olo iri ya ikwir ceng’ sabatu.

Poi Mi Cik 5:6

An a Yehova Mungu peri, m’uwodhi kud i ng’om Misiri, kud i ot mi ng’eca.

Poi Mi Cik 6:12

e ikuri giri wii maru wil kum Yehova, m’uwodhi woko kud i ng’om Misiri, kud i ot mi ng’eca.

Poi Mi Cik 6:21

ibilund wacu ni wodi kumae, Naka wa ng’eca pa Farao i Misiri: man Yehova wodhowa woko kud i Misiri ku cing’ ma tek;

Poi Mi Cik 7:8

ento kum Yehova maruwu, man kum eyenyo etim kwong’ m’ekwong’o ni kwaruwu, Yehova wodhowu woko ku cing’ ma tek, man ewaruwu kud i ot mi ng’eca, kud i cing’ Farao m’ubimo mi Misiri.

Poi Mi Cik 8:14

adundeni lund utingre malu, man wii wil kum Yehova Mungu peri, m’uwodhi woko kud i ng’om Misiri, kud i ot mi ng’eca;

Poi Mi Cik 9:12

E Yehova wacu ira kumae, Ai, lor piny ku keni pio; kum dhanu peri m’iwodho woko kud i Misiri ginyothri gigi; gilokri cen pio kud i yo m’ang’olo igi; gitimo ayi m’acwia m’atwaga igi.

Yocuwa 24:17

kum Yehova Mungu mwa en e en m’ukelo wa ku kwaruwa malu kud i ng’om Misiri, kud i ot mi ng’eca, man m’utimo giranyutha maeno ma dit i wang’wa, man m’ugwokowa i yo ceke ma wacidho i ie, man i kind dhanu ceke ma wakadhu kud i kindgi;

Jupoklembe 2:12

man giweko Yehova, ma Mungu pa kwarugi, m’ukelogi woko kud i ng’om Misiri, man gilubo mungu mange, kind mungu mi kodhidhanu m’utiekogi gbur, e girum gigi igi: man ginyayu ng’eecwiny i Yehova.

Jupoklembe 6:8

nia Yehova oro jabila ba nyithindho mir Israel: man ewacu igi kumae, Yehova Mungu mir Israel uwacu kumae, Akelowu malu ku i Misiri, man awodhowu woko kud i ot mi ng’eca;