Ai 13:21 - The Holy Bible In Alur (Lur) Revised Orthography

²¹ Man Yehova cidho i wang’gi ku dieceng’ kud i mbegi mir afuru, kara utel wigi i yo, man ku diewor i mbegi mi mac, kara umi igi der; kara giwoth ku dieceng’ man ku diewor:

Ai 13:21 ပူးပေါင်းရင်းမြစ်များ

Nehemia 9:12

Man ke itelo wigi ku dieceng’ ku mbegi mir afuru; man ku mbegi mi mac ku diewor, kara umi igi der i yo ma maku giwoth i ie.

Nehemia 9:19

ento in i udul kisa peri ikunogi ngo i langa: mbegi mir afuru ai kud i wigi ngo ku dieceng’, kara: utel wigi i gengi; kadok mbegi mi mac ku diewor, kara unyuth igi der, ku yo ma maku giwoth i ie.

Zaburi 105:39

Epedho afuru ni jambum, Man mac kara umi der ku diewor.

Zaburi 68:7

E Mungu, kinde m’icidho woko i wang’ dhanu peri, Kinde m’ikadhu kud i yamba; [Sela.

Zaburi 77:20

Itelo wi dhanu peri calu udul rombe, Ku cing’ Musa ku Harun.

Zaburi 78:14

Dieceng’ bende etelo wigi kud afuru, Man diewor soro ku der mi mac.

Zaburi 99:7

Eweco i bang’gi kud i mbegi mir afuru: Giworo lembatuca pare, Man cik m’emio igi.

Ai 10:10

E ewacu igi kumae, Yehova bed kudu kumeno, kan abiweko wucidhi, ku nyithindho mu ma thindho: wunen; kum lembe ma rac ni i weng’wu.

Ai 16:10

Man etimbre, kinde ma Harun uyero ni udul nyithindho mir Israel nia gineno yor i langa, man, nen, dwong’ pa Yehova nyuthre i afuru.

Ai 32:1

E kinde ma dhanu neno nia Musa galu ku loro piny ku wi got, dhanu gicokri gigi karacelo ba Harun, man giwacu ire kumae, Ai, tim iwa mungu, ma bitelo wiwa; kum pi Musa maeni, ma ng’atu m’uwodhowa kud i ng’om Misiri, wang’eyo gin m’uwok i kume ngo.

Wer Pa Suleman 3:6

Maeni ng’a m’uai kud i langa Calu mbegi mi yiro, Ma juketho udok ma ng’wice ng’ar ku mo ma ng’wice ng’ar i kume, Ku mugeju ceke pa jakuloka?

Kitabu Mir Ang’wende Pa Musa Wel 10:34

Man afuru pa Yehova ni i wigi ku dieceng’, kinde ma gitugo woth ma giai ko ku i kagonjo.

Kitabu Mir Ang’wende Pa Musa Wel 14:14

e gibiyero maeni ni ju m’ubedo i ng’om maeni. Giwinjo nia ini Yehova ini i kind dhanu maeni; kum in i Yehova juneni wang’ ku wang’, man afuru peri cungo i wigi, man icidho i wang’gi, i mbegi mir afuru ku dieceng’, man i mbegi mi mac ku diewor.

Poi Mi Cik 1:33

m’ucidho i weng’wu i yo, kara eyeny iwu ka ma wugur ie hema mu, i mac ku diewor, kara enyuth iwu yo ma kani ma wucidh i ie, man i afuru ku dieceng’.

Poi Mi Cik 31:8

E Yehova, en e ng’atu m’ucidho i weng’i; wubibedo wukude, ebirem iri ngo, kadok akuna de ebikuni ngo: lworo kud unegi, kadok cwinyi de kud ung’abre.