Ai 13:17 - The Holy Bible In Alur (Lur) Revised Orthography

¹⁷ Man etimbre, kinde ma Farao weko dhanu gicidhi, nia Mungu telo wigi ngo ku yor i ng’om mi Jufilisti, kadok en e ceng’ni; kum Mungu wacu kumae, Kuno nyo dhanu bilokri ka gineno ali, man gidok i Misiri:

Ai 13:17 ပူးပေါင်းရင်းမြစ်များ

1 Ubimo 8:47

ento tek gibipoi gigi i ng’om ma juterogi i ie ni ng’eca, man gilokri kendo, e gikwei i ng’om mi ju m’uterogi ni ng’eca, gibiwacu kumae, Wadubo, wacamu co, watimo rac;

Nehemia 9:17

e gikwero woro, kadok musana peri m’itimo i kindgi de giparu pire ngo, ento giciko ng’utgi, man i jai migi giketho jego kara gidok i ng’eca migi. Ento in i Mungu m’ibedo ayika mi weko dubo, m’i won, bero ku kisa, yo ni ng’ecwiny, man mer mi beroni dit, e ikunogi ngo.

Ai 14:10

Man kinde ma Farao eoro ceng’ni, nyithindho mir Israel uting’o wang’gi malu, man, nen, Jumisiri ubino i tokgi; e lworo negogi dit: man nyithindho mir Israel giywak ba Yehova.

Tic Mi Jukwenda 15:38

Ento Paolo ie wacu ya e ber ungo gici kugi en m’ewekogi Pamfulia, gicidho gikugi ngo i tic.

Tic Mi Jukwenda 7:39

kwaruwa giyio ngo ya gibed wor ire, ento gicore cen, e gilokri ku i adundegi ni Misiri,

Poi Mi Cik 17:16

Ndhu riuni kud emed ire gire, kadi kud edwok dhanu i Misiri, kara eketh riuni dok dit; kum Yehova wacu iwu kumae, Ugambre kawono kud wudok kendo i yo maeno.

Poi Mi Cik 20:8

E jegone biyero kendo ni dhanu, man gibiwacu kumae, Ng’a ma nuti ma lworo benege ma cwinye de ng’oi ndiri? wek ecidh edok i ot pare, cwiny wadi maru ng’oi ndiri calu cwinye.

Poi Mi Cik 28:68

E Yehova bidwoki i Misiri kendo ku combo, i yo m’awacu iri pire kumae, Ibinene kendo ngo: e wubing’ieuru giwu ni judegiwu kuca ni ng’eca man ni bong’, e ng’atu moko mbe ma bing’iewowu.

Juebrania 11:27

Ni kum yioyic eai i Misiri, ma lworo nege ngo kum kwinyo p’ubimo: kum eciro cir, calu m’ebeneno ng’atu ma nen ungo.

Jupoklembe 7:3

Ka kumeno kawono yer i ith dhanu, wac kumae, Ng’atu ma tek lworo benege man kume bemiel, dong’ edoki man eai kud i got Gilead. Man kind dhanu m’udok gi rubanga pier ario wi ario; man rubanga apar udong’.