Ai 13:14 - The Holy Bible In Alur (Lur) Revised Orthography

¹⁴ Man ebibedo, kinde ma wodi penji i nindo ma bibino, ewacu kumae, Maeni ang’o? nia ibiwacu ire kumae, Ku tego mi cing’ Yehova kelowa woko kud i Misiri, kud i od ng’eca:

Ai 13:14 ပူးပေါင်းရင်းမြစ်များ

Thangambere 30:33

E kumeno bedopwe para binyutho pira ma cen, i kinde m’ibibino pi sukulia para ma ni i weng’i: ku ba lim ceke ma kume cwinyo ngo, man m’utir ungo i kind diegi, man ma col ungo i kind rombe, tek junwang’u i bang’a, jubiwacu nia jukwalu akwala.

I Lemkei 16:12

Wupoi pi tic pare mi musana m’etimo, Wang’uic pare, man lembapoka m’i dhoge,

Nehemia 1:10

Nie joni gi jutic peri man dhanu peri, m’iwaru ku tego peri ma dit, man ku cingi ma tek.

Zaburi 136:11

Man ewodho Israel woko kud i kindgi; Kum mer mi bero pare bedo mi nja;

Zaburi 145:4

Dhanum’utuk bipaku tic peri ni dhanum’utuk wadi, Man gibiyero pi tic peri ma tek.

Zaburi 78:4

Wabipanugi ngo ni nyithindho migi, Ma wabeyero pak pa Yehova ni dhanum’utuk ma bibino, Ku tego pare, man tic pare ma wang’u ijo m’etimo.

Ai 10:2

kara iyer i ith wodi, man i ith wod wodi, maram acayu ko Jumisiri, man giranyutha para m’atimo i kindgi; kara wung’ei nia an a Yehova.

Ai 12:41

Man etimbre ka rundi dak ang’wen ku pier adek uthum, cil ceng’ maeni nini etimbre, nia udul pa Yehova ceke ai woko kud i ng’om Misiri.

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 13:8

E ibiwacu ni wodi i ceng’ maeca, ibiwacu kumae, En e kum maeca ma Yehova timo ira kinde m’aai woko kud i Misiri.

Ai 13:9

Man ebibedo ni giranyutha iri i cingi, man ni poi i ter nyimi, kara cik pa Yehova bed i dhogi: kum Yehova wodhi woko kud i Misiri ku cing’ ma tek.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 6:1

Man Yehova wacu ni Musa kumae, Kawono ibineno gin m’abitimo kum Farao; kum ebiweko gicidho ni kum cing’ ma tek, man ebixiemogi woko kud i ng’om pare ni kum cing’ ma tek.

Ai 6:6

Kum kumeno wac ni nyithindho mir Israel kumae, An a Yehova, man abiwodhowu woko ku the ter mi Jumisiri, man abibodhowu kud i ng’eca migi, man abiwaruwu ku bot m’arieya, man ku pokolembe ma dit:

Ai 6:7

man abigamuwu i bang’a ni dhanu, man abibedo iwu ni Mungu; e wubing’eyo nia an a Yehova Mungu mu, m’uwodhowu woko ku the ter mi Jumisiri.

Yeremia 34:13

Yehova, Mungu mir Israel, uwacu kumae: Atimo lembariba ku kwaruwu i ceng’ m’awodhogi ie woko kud i ng’om Misiri, kud i ot mi ng’eca, awacu kumae,

Daniel 9:15

Man kawono, E Rwoth Mungu mwa, m’iwodho dhanu peri woko kud i ng’om Misiri ku cingi ma tek, man inwang’u pak iri, calu ebedo tinuni; wadubo, watimo rac.

Tic Mi Jukwenda 13:17

Mungu mi dhanu pa Israel maeni ugoyo wi kwaruwa, eyungo dhanu de ka gibedo ni umondo i ng’om Misiri, man etelo wigi ewodho kogi woko kud i ie ku bote ma tek.

Poi Mi Cik 5:15

Man ipoi nia naka in i jatic i ng’om Misiri, man Yehova Mungu peri wodhi woko ku kuca ku cing’ ma tek man ku bot m’arieya: ka kumeno Yehova Mungu peri ng’olo iri ya ikwir ceng’ sabatu.

Poi Mi Cik 5:6

An a Yehova Mungu peri, m’uwodhi kud i ng’om Misiri, kud i ot mi ng’eca.

Poi Mi Cik 6:12

e ikuri giri wii maru wil kum Yehova, m’uwodhi woko kud i ng’om Misiri, kud i ot mi ng’eca.

Yocuwa 22:24

kadi tek watime ngo ni iwa m’upido, man aka, ma wawacu ko kumae, I nindo m’ubino nyithindho mu maru wacu ni nyithindho mwa kumae, Wubedo ku lembang’o wuku Yehova, Mungu mir Israel?

Yocuwa 24:17

kum Yehova Mungu mwa en e en m’ukelo wa ku kwaruwa malu kud i ng’om Misiri, kud i ot mi ng’eca, man m’utimo giranyutha maeno ma dit i wang’wa, man m’ugwokowa i yo ceke ma wacidho i ie, man i kind dhanu ceke ma wakadhu kud i kindgi;

Yocuwa 4:6

kara maeni bed ni giranyutha i kindwu, kara, ka nyithindho mu penjo i nindo ma bibino, giwacu kumae, Kidi maeni thelembene ang’o?

Jupoklembe 2:12

man giweko Yehova, ma Mungu pa kwarugi, m’ukelogi woko kud i ng’om Misiri, man gilubo mungu mange, kind mungu mi kodhidhanu m’utiekogi gbur, e girum gigi igi: man ginyayu ng’eecwiny i Yehova.

Jupoklembe 6:8

nia Yehova oro jabila ba nyithindho mir Israel: man ewacu igi kumae, Yehova Mungu mir Israel uwacu kumae, Akelowu malu ku i Misiri, man awodhowu woko kud i ot mi ng’eca;