Ai 13:12 - The Holy Bible In Alur (Lur) Revised Orthography

¹² nia ibikoyo ni Yehova gin ceke m’uyabu ic, man ku ba nyithi lim ceke ma kayu m’ibedo ko; nyogi ceke bibedo pa Yehova.

Ai 13:12 ပူးပေါင်းရင်းမြစ်များ

Nehemia 10:36

man kayu mi wotwa bende, man mi lim mwa, calu egore i cik, man kayu mi dhiang’ mwa ku rombe mwa, kara wakel ba ot pa Mungu mwa, ba julam ma timo i ot pa Mungu;

Nehemia 10:37

man nia wakel mwoka mi mogo mwa, man ku lam mwa m’ating’a, ku nying yen ceke ma kwonde tung’ tung’, ku pigulok ma nyen ku mo, ba julam, i kusika mi ot pa Mungu mwa; man apaje mi ng’om mwa ba Julawi; kum gin, gi Julawi, gigamu apaje i adhura ceke mi fur mwa.

Ai 13:1

E Yehova yero ni Musa, ewacu kumae,

Ai 13:2

Wudwok kayu ceke leng’ ira, gin ma tek uyabu ic i kind nyithindho mir Israel, mi dhanu ku lim de: en e para.

Ai 22:28

Kud icid Mungu, kadi kud ilam jabim mi juthu.

Ai 22:29

Kud igal ku mio kum nyai mi mwoka peri, man kum ulok peri m’udhir. Mi wodi ma kayu ira.

Ai 34:19

Gin ceke m’uyabu ic en e para; lim peri ceke ma coge, kayu mi dhiang’ man mi rombe.

Ai 34:20

War kayu mi kana ku nyathi rombo: man tek iware ngo, ilund itur ng’ute. War kayu ceke mi woti. Man ng’atu moko mbe ma biwok i wang’a ma cinge nanu.

Ezekiel 16:20

Mange ke igamu woti ku nyigi, m’inyolo ira, man ilamu maeni igi ya jucam. Asara peri en e lembe ma noki,

Ezekiel 44:30

Man gin ma kwong’a mi mwoka ceke mi gin ceke kubang’e kubang’e, man lam m’ating’a kubang’e kubang’e mi gin ceke kubang’e kubang’e, mi lam mu ceke, bibedo pa jalam: man wubimio ni julam ng’et kwen mu ma kwong’a, kara uketh mugisa bed wi ot peri.

Lembe Mi Julawi 27:26

Kayu mi lim kende, ma jukethe ni kayu ni Yehova, ng’atu moko mbe ma bidwoke leng’; kadok en e koni dhiang’ kadi rombo, en e pa Yehova.

Kitabu Mir Ang’wende Pa Musa Wel 18:15

Gin ceke m’uyabu ic, mi ring’o ceke ma gibithiero ni Yehova, kadok mi dhanu kadi mi lim de bibedo peri: ento kayu mi dhanu ibiwaru andha, man kayu mi lim ma leng’ ungo ibiwaru.

Kitabu Mir Ang’wende Pa Musa Wel 3:12

Man an, nen, agamu Julawi ku kind nyithindho mir Israel kaka kayu ceke m’uyabu ic i kind nyithindho mir Israel; e Julawi bibedo para:

Kitabu Mir Ang’wende Pa Musa Wel 3:13

kum kayu ceke gi para; i ceng’ m’agoyo ie kayu ceke m’i ng’om Misiri adwoko kayu ceke mir Israel leng’ ira, dhanu ku lim de; gibibedo para: an a Yehova.

Kitabu Mir Ang’wende Pa Musa Wel 8:17

Kum kayu ceke ma kind nyithindho mir Israel gi para, dhanu ku lim de: i ceng’ m’agoyo kayu ceke m’i ng’om Misiri adwokogi leng’ ira.

Luka 2:23

(calu egore i cik pa Rwoth kumae, Ku ba co ceke m’uyabu i min jubilwong’e leng’ ni Rwoth),

Poi Mi Cik 15:19

Kayu ma co ceke ma junyolo i kind dhok peri man i kind udul rombe peri idwok leng’ ni Yehova Mungu peri: kud itim tic moko ku kayu mi dhok peri kadi kud inyar yuk kayu mir udul rombe peri.