Ai 12:8 - The Holy Bible In Alur (Lur) Revised Orthography

⁸ E gibicamu ringe i diewor maeca, ma juvulo ku mac, ku kwen ma thobi mbe i ie; gibicame kud uboko ma kec.

Ai 12:8 ပူးပေါင်းရင်းမြစ်များ

2 Lemkei 35:13

E givulo kadhukuwijo i mac calku lembapoka: man lam ma leng’ gitedo i agulu, man i ajiku, man i aole, e giterogi pio ba nyithindho mi dhanu ceke.

Zaburi 22:14

Jukonja calu pi, Cogo para ceke lokre ku i ujonje: Adundena calu udok; Eleny yor i ia.

Ai 1:14

e giketho bedo migi bedo rac ku tic ma tek, mir ulobo man biriki, man ku tic ceke de ma kwonde tung’ tung’ i thim, en e tic migi ceke, ma giketho gitimo ma tek i ie.

Ai 12:9

Kud wucame ma numu, kadi m’ateda ku pi de ngo, ento avula ku mac; wie ku tiende man cindie.

Ai 13:3

E Musa wacu ni dhanu kumae, Wupoi kum ceng’ maeni, ma wuai ie woko kud i Misiri, kud i ot mi ng’eca; kum ku tego mi cing’ Yehova kelowu woko kud i ka maeni: kwen ma thobi ni i ie jubicamu ngo.

Ai 13:7

Jubicamu kwen ma thobi mbe i ie cil ceng’ abiro; man jubineno kwen ma thobi ni i ie i beng’i ngo, kadok thobi de jubineno ngo i beng’i, i kieu peri ceke.

Ai 23:18

Kud ithier rimo mi lam para ku kwen ma thobi ni i ie; kadok mio mir agba para kud uvut bu cil kugweno.

Ai 34:25

Kud ithier rimo mi lam para ku kwen ma thobi ni i ie; kadok lam mir agba mi kadhukuwijo de kud wuwek mi kugweno.

Isaya 53:10

Ento ebedo ber ni Yehova ya enyai rem i kume; enyayu can i kume: kinde m’ibidwoko ng’eyong’ec pare ni lam mi dubo, ebineno kodhi pare, ebimedo nindo pare, man gin ma nyayu mutoro i Yehova bibedo miero i cinge.

Amos 4:5

man wuthier lam mi foc mi gin ma ie ju thobi, man wuyer pi lam mi berocwiny man wurwei pigi: kum maeni nyayu mutoro i iwu, E nyithindho mir Israel, Rwoth Yehova wacu.

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Matayo 16:12

Gilund ging’eyo nia ewacu igi ngo ya gikuri ni thobi mi kwen ento pi ponji mi Jufarisayo ku Jusadukayo.

Matayo 26:26

Ka gibecamu de, Yesu ting’o kwen, man emio mugisa i wie, eng’wenyo ie de; e emio ni julub, ewacu kumae, Wugam, wucam; maeni kuma.

Jugalatia 5:9

Thobi ma nyanok romo i kwen ceke.

Poi Mi Cik 16:7

Man ivul icame de i ka ma Mungu peri goyo wie: e ilokri kugweno, man icidh ba hema peri.

1 Jutesaloniki 1:6

Man wudoko jupor mwa, ku pa Rwoth, wun ma wudaru jolo lembe i can ma dit, kud anyong’a mi Tipo Maleng’;