Ai 12:48 - The Holy Bible In Alur (Lur) Revised Orthography

⁴⁸ Man ka jawirok bibedo ni umondo kudi, man eyenyo ekwif kadhukuwijo ni Yehova, wek jutim yaa kum jumaco pare ceke, ka juwek ebin ceng’ni man ekwire; e ebibedo calu ng’atu ma junyolo i ng’ombe: ento ng’atu moko mbe ma jutimo yaa ngo i kume ma bicamu kume moko.

Ai 12:48 ပူးပေါင်းရင်းမြစ်များ

Thangambere 17:11

Man wubitimo yaa i ring’kum mi dendkumwu: man ebibedo giranyutha mi lembariba ma ni i kindwa wakudu.

Thangambere 17:12

Man ng’atu ma ceng’ pare doko abora jubitimo yaa i kume i kindwu, ku ba dhanu ceke ma co cil kum dhanum’utuk mu, ng’atu ma junyolo i ot, kadi ma jung’iewe ku sente ba jawirok moko ma en e kodhiwu ngo.

Ai 12:19

Ceng’ abiro jubinwang’u thobi mbe i udi mu: kum ng’atu ma tek ucamu gin ma thobi ni i ie, jubikabu ng’eyong’ec maeno woko i kind udul mir Israel, kadok en e umondo, kadi jang’om m’anyola.

Ai 12:43

E Yehova wacu ni Musa giku Harun kumae, Maeni lembapoka mi kadhukuwijo: jawirok umbe ma bicamu kume moko;

Ezekiel 14:7

Kum ku ba dhanu ku ba dhanu mi ot mir Israel, kadi mi juwirok m’ubedo ni umondo i Israel, m’ukoire gire kud i bang’a, man m’uketho mungu m’araga pare i adundene, man m’uketho ginmaredhojo mi kier pare i wang’e, man m’ubino ba jabila kara epenj pire gire i bang’a; an a Yehova abiloko ire lembe an gira:

Ezekiel 44:9

Rwoth Yehova wacu kumae, Jawirok moko mbe, ma jutimo yaa i adundene ngo ma jutimo yaa i ring’kume de ngo, ma bimondo i kamaleng’ para, kind juwirok moko ma ni i kind nyithindho mir Israel.

Ezekiel 47:22

Man ebitimbre, nia wubipoke ku gagi ni aba iwu man ni juwirok m’ubedo ni umondo i kindwu, ma binyolo nyithindho i kindwu; man gibibedo iwu calu jung’om i kind nyithindho mir Israel; gibibedo kud aba karacelo kudu i kind suru mir Israel.

Lembe Mi Julawi 19:34

Umondo m’ubedo karacelo kudu bibedo iwu calu ng’atu m’anyola i kindwu, man ibimare calu in giri; kum yang’ wubedo ni umondo i ng’om Misiri: an a Yehova Mungu mu.

Kitabu Mir Ang’wende Pa Musa Wel 9:14

Man tek jawirok bibedo ni umondo i kindwu, man eyenyo ekwir kadhukuwijo ni Yehova; calku cik mi kadhukuwijo, man calku lembapokane, ebitimo kumeca: wubibedo ku cik acel, ni umondo, man ni ng’atu ma junyolo i ng’om.

Jugalatia 3:28

Jayahudi kadi Jayunani de mbe, jamiru kadi ng’atu ma jamiru ngo de mbe, nico kadi nyaku de mbe; kum kewu ceke wu ng’atu acel i Kristu Yesu.

Jukolosai 3:11

ma kadok Jayunani kadi Jayahudi, kadi yaa, kadok yaango de, kadi dhanu ma sai, kadok Jakuthi, kadi ng’eca, kadi paker de ceke gicopo bedo i ie ngo; ento Kristu re en e gin ceke, man i gin ceke.